ԵՐԵՎԱՆ, 11 ապրիլի- Sputnik. Երևանի համար 127 դպրոցի տնօրենը շուտով կայցելի կրթության և գիտության նախարարություն՝ պարզաբանման համար։ Հենց այս դպրոցում է տեղի ունեցել միջադեպը, որի մասին գրում են զանգվածային լրատվամիջոցները։ Իհարկե, ԿԳՆ-ն դեռ չի շտապում միջադեպին տալ «ինքնասպանության փորձ» անվանումը, հատկապես, որ ոստիկանությունը հետաքննություն է իրականացնում։
«Դպրոցի տնօրենից պարզաբանումներ կստանանք և ավելի ուշ կտեղեկացնենք ձեզ»,- ասաց ԿԳՆ հանրակրթության վարչության պետ Աշոտ Արշակյանը։
Ի դեպ, հանրակրթական դպրոցներում դասագրքերի համար վարձավճարներ են պահանջում` միջինը 300-400 դրամ։ Sputnik Արմենիայի հարցին, թե ինչ արտոնություններ են տրվում սոցիալապես անապահով ընտանիքների երեխաներին, Արշակյանը պատասխանեց` սոցիալապես անապահովներին մինչև 10 տոկոս զեղչ է տրվում։
Նկատենք, որ 10 տոկոսի զեղչը նրանց համար կաթիլ է ծովի մեջ։ Ասենք, եթե 10 գրքի համար պահանջվում է 4 հազար դրամ, իսկ զեղչը կազմում է 400 դրամ, մնացած 3 հազար 600 դրամը, միևնույն է, անապահով ընտանիքը չի կարող վճարել։ Մեր դիտակմանն ի պատասխան Արշակյանը պատասխանեց.
«Մի հատ հասկանանք` ինչ է տեղի ունեցել, հետո՝ իմանանք»։
Եթե անգամ վաղը տեղեկություն տարածվի, որ վերոնշյալ միջադեպի պատճառը դասագրքերի գումարը չէ՝ այս խնդիրն արդիական է մնում։ Միջադեպ պետք չէ խնդիրների լուծման ուղղությամբ մտածելու համար։
