Արցախ

Հետախույզ. Սփյուռքը Արցախի սահմաններն ավելի ուժեղ և ժամանակակից է դարձրել

118
(Թարմացված է 20:50 01.03.2017)
Արցախի սահմանների տեխնիկական համալրման հարցը արդիական է դարձել անցյալ տարվա ապրիլյան իրադարձություններից հետո։ Այն մասին, թե սահմաններն այսօր ինչ վիճակում են գտնվում և շատ այլ հարցերի մասին Sputnik Արմենիան զրուցեց Հայաստանում առաջին հետախուզական ջոկատի հիմնադիր Վովա Վարդանովի հետ։

ԵՐԵՎԱՆ, 28 փետրվարի — Sputnik. Այսօր առաջնագիծը մի քանի անգամ ավելի լավ է հագեցած տեխնիկայով, քան 2016 թվականի ապրիլին, Sputnik Արմենիային տված հարցազրույցում ասաց Հայաստանի առաջին հետախուզական ջոկատի հիմնադիր Վովա Վարդանովը։

Նրա խոսքով` ռազմաճակատը պատշաճ կերպով համալրված է տեսանկարհանող սարքերով և ջերմացույցներով, և դա գաղտնիք չէ, քանի որ այս հարցի լուծման համար աշխատում էին ոչ միայն զինվորականները, այլև քաղաքացիական անձինք, այդ թվում՝ սփյուռքի ներկայացուցիչները։

«Մեր սփյուռքի ներկայացուցիչները արագ ուշքի եկան, հասկացան, որ հայրենիքը պաշտպանել ՝ նշանակում է ոչ միայն շարքում կանգնած լինել, այլև նյութապես աջակցել։ Սփյուռքի կազմակերպությունների մեր հայրենակիցների շնորհիվ ձեռք են բերվել գիշերային տեսանելության սարքեր, ինչպես նաև այլ սարքավորումներ»,- ասաց Վարդանովը` նշելով, որ այսօրվա դրությամբ զինվորականներին ավելի հեշտ է հետևել և վերահսկել սահմանին տիրող իրավիճակը, իսկ դա նշանակում է, որ 2016 թվականի ապրիլի իրադարձությունները չեն կարող կրկնվել։

Վարդանովը նաև մեկնաբանեց ղարաբաղյան սահմանում վերջին սրումը` պատասխանելով նաև այն հարցին, թե ինչու ադրբեջանական կողմը, որը ավանդաբար հերքում է իր զոհերի մասին տեղեկությունը, այս անգամ բավականին շուտ ընդունեց դա։

«2016 թվականին հայտնաբերած դիվերսանտների դիերը ստուգված չէին։ Դրանք պարզապես հետ հանձնեցին։ Այժմ ադրբեջանցիները, հավանաբար, հասկանում են, որ մարմինները կարող են տարբեր փորձաքննության ենթարկվել, այդ թվում՝ ԴՆԹ վերլուծության։ Այդ մարդկանց լուսանկարները կպահանջվեն»,- նշեց հետախույզը։

Անհրաժեշտ կլինի որոշել նրանց քաղաքացիությունը։ Կարևոր է, նշեց հետախույզը, առաջին հերթին պարզել ազգային պատկանելությունը, այն է՝ քաղաքացիությունը։

«Եթե մենք ավելի խելացի լինենք և ուշադիր ուսումնասիրենք զոհվածների դիերը, ապա կարող են տարբեր ազգություններ ի հայտ գալ` թուրքեր, անգլիացիներ, իսրայելցիներ, ավստրալացիներ… Բացառված չէ։ Այն, որ ադրբեջանական կողմը այսքան արագ տեղադրեց զոհված զինծառայողների լուսանկարները՝ աննախադեպ դեպք էր։ Նման բան չէր եղել։ Իսկ ինչո՞ւ դա հանկարծ տեղի ունեցավ։ Անհրաժեշտ է մտածել ու աշխատել այս ուղղությամբ»,- ասաց Վարդանովը` ընդգծելով, որ պատերազմը դիվանագիտություն է պահանջում, իսկ դիվանագետները պետք է փոքր-ինչ զինվորներ լինեն։

Վարդանովը բացատրեց, որ պետք չէ անընդհատ ասել, թե ԵԱՀԿ ՄԽ-ն «ճնշում է» գործադրում, պետք է պարզապես թանկ «վաճառել» այդ դիերը, ցինիկ է հնչում, սակայն ռազմական գործը պրագմատիզմ է սիրում։ Նա նշեց, որ եթե պարզվի, որ դիերը ազգային փոքրամասնությունների են պատկանում, ապա ամեն ինչ կփոխվի, հաղթաթուղթը արցախյան զինվորների ձեռքում է, և դա պետք է օգտագործել։

118