ԵՐԵՎԱՆ, 28 փետրվարի — Sputnik. Forpostart Production ընկերությունը տեղեկացնում է, որ Իրինա Ալլեգրովայի` մարտի 5-ին նախատեսված և երգչուհու ադմինիստրացիայի կողմից չեղյալ հայտարարված համերգի բոլոր վաճառված տոմսերը ենթակա են վերադարձման:
Ընկերությունը հայտարարում է, որ տոմսերի հետ ընդունման գործընթացն ամբողջությամբ կիրականացվի մինչև մարտի 5-ը: Տոմսերը ենթակա են վերադարձման այն տոմսարկղերում, որտեղից դրանք ձեռք են բերվել:
Հիշեցնենք, որ դեռևս 2015թ-ին Ռուսաստանի ժողովրդական արտիստ Իրինա Ալեգրովան մայիսի 23-ին համերգ տվեց Երևանում, թեև այն պետք է կայանար մարտի 6-ին։
Այս տարվա մարտի 5-ին նախատեսվում էր երգչուհու «Մոնո» հոբելյանական համերգը, Կարեն Դեմիրճյանի անվան Մարզահամերգային համալիրում։ Forpostart Production մոսկովյան ընկերության գլխավոր տնօրեն և պրոդյուսեր Զառա Մխեյանը Sputnik Արմենիայի հետ հարցազրույցում ասել էր, որ նրանք, ովքեր 2015թ-ի մարտի 6-ի համերգի տոմսեր էին գնել, ավելի ուշ ներկա են գտնվել համերգին, քանի որ այն տեղափոխվել էր մայիսի 23 և անցել մեծ հաջողությամբ։
Նա խոստացել էր, որ հայաստանցիները բոլորովին նոր, կերպարանափոխած կտեսնեն Իրինա Ալեգրովային, սակայն հաերգը չեղյալ հայտարարվեց, ու այդ հնարավորությունը չունեացան Հայաստանում։