Հայաստանի բարեբեր հողը միավորել է ռուս և հայ պատգամավորներին
(Թարմացված է 20:21 10.02.2017)
Պետական, հասարակական կազմակերպությունների ներկայացուցիչները, ինչպես նաև ուսանողները հավաքվել էին Հայաստանի հոգևոր մայրաքաղաքում` «Ընդհանուր քաղաքակրթական ընտրություն` ապագա սերունդների համար» երկրորդ միջազգային համաժողովին մասնակցելու համար։ԵՐԵՎԱՆ, 10 փետրվարի — Sputnik, Լաուրա Սարգսյան. Պետական և հասարակական կազմակերպությունների ավելի քան 200 ներկայացուցիչ, ինչպես նաև ուսանողներ մասնակցել են Մայր Աթոռ Սուրբ Էջմիածնում բացված «Ընդհանուր քաղաքակրթական ընտրություն` ապագա սերունդների համար» երկրորդ միջազգային համաժողովին։
©
Photo : press office of the SMD
Համաժողովի մասնակիցներից մեկը` Ռուսաստանի Պետդումայի պատգամավոր Արտեմ Կիվինովը խոստովանեց, որ ուրախ է գտնվել «Հայաստանի բարեբեր հողում»։
«Սա շատ կարևոր միջոցառում է մեր երկրների հարաբերությունների ամրապնդման առումով, թեև հայերը և ռուսները, նույնիսկ պատմության բարդ շրջաններում, երբեք չեն կանգնել բարիկադների տարբեր կողմերում», — Sputnik Արմենիայի թղթակցի հետ զրույցում ասաց Ռուսաստանի Պետական դումայի պատգամավոր Արտյոմ Կավինովը։
Հայ-ռուսական բամզադարյա հարաբերություններում իրենց ավանդն են ունեցել բազմաթիվ մարդիկ։ Համաժողովը նոր խթան կհանդիսանա երկկողմ համագործակցության համար, որը կզարգանա նաև տարբեր միջազգային հարթակներում, կարծում է ռուս պատգամավորը։
Պատգամավորը համոզված է, որ համաժողովից իր հետ Ռուսաստան կտանի շատ հետաքրքիր բաներ։ Նրան ուրախացնում է այն, որ մասնակիցների մեծամասնությունը երիտասարդ սերնդի ներկայացուցիչներ են, որոնք Ռուսաստանի և Հայաստանի ապագան են։
«Այսօր մենք դինամիկ կառուցում ենք մեր հարաբերությունները Հայաստանի հետ։ Կարևոր քայլ է դարձել մեր երկրների ղեկավարների միջև պայմանավորվածությունը` վիզային ռեժիմի վերաբերյալ, ինչպես նաև մի շարք սահմանափակումներ հանելը, որոնք նախկինում խանգարել են հարաբերությունների զարգացմանը և ամրապնդմանը», — ասաց Կավինովը։
Հայաստանը հետխորհրդային տարածքում Ռուսաստանի առանցքային գործընկերներից է և այն ակտիվ առաջ է մղում ԱՊՀ գաղափարը։ ԱՊՀ միջխորհրդարանական վեհաժողովի շրջանակում նախատեսվում է ստեղծել միջկրոնական փոխազդեցության լրացուցիչ ինստիտուտ։
Հայաստանի Ազգային ժողովի Գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահ Արտակ Դավթյանը նույնպես նշանակալի է համարում համաժողովի անցկացումը։
«Սա ռուս-հայկական երկկողմ հարաբերությունների հիմքում հերթական քարն է։ Հենց նման ամուր հիմքի վրա էլ կառուցվում են մեր հարաբերությունները», — Sputnik Արմենիային ասաց Դավթյանը։
Նա համոզված է, որ նման համաժողովներն օգնում են պահպանել ազգային արժեքները, ամրապնդել երկկողմ մարդասիրական և մշակութային կապերը։
Միջոցառման շրջանակում նաև տեղի է ունեցել Ռուսաստանում և Հայաստանում աշխարհիկ և հոգևոր կրթության զարգացման պատմության վերաբերյալ արխիվային նյութերի ցուցահանդես։
«Ընդհանուր քաղաքակրթական ընտրություն` ապագա սերունդների համար» միջազգային համաժողովն առաջին անգամ տեղի է ունեցել 2016 թ-ի գարնանը։ Այս տարի այն կազմակերպվել է Աֆոն սուրբ լեռան ռուսական սրբավայրերի աջակցության բարեգործական հիմնադրամի կողմից` Ռուսական ուղղափառ և Հայ առաքելական եկեղեցու աջակցությամբ։
ՄԻՊ-ը քննադատել է ԱԺ պատուհաններից հրազենի և դիպուկահարների ցուցադրությունը
(Թարմացված է 18:31 03.03.2021)
ՄԻՊ–ը նշել է, որ պետությունը կարող է անվտանգության միջոցներ ձեռնարկել, բայց դրանք յուրաքանչյուր դեպքում պետք է հաշվի առնեն կոնկրետ իրավիճակը։ԵՐԵՎԱՆ, 3 մարտի- Sputnik. Հայաստանի մարդու իրավունքների պաշտպան Արման Թաթոյանն անդրադարձել է մամուլում ու սոցցանցերում մեծ աղմուկ հանած ՀՀ Ազգային ժողովի պատուհաններից բացահայտ երևացող դիպուկահարների թեմային։
Նա նշել է, որ ՀՀ մարդու իրավունքների պաշտպանի աշխատակազմը ստացել է ահազանգեր առ այն, որ ՀՀ Ազգային ժողովի պատուհաններից բացահայտ երևում են դիպուկահարներ Բաղրամյան պողոտայում տեղի ունեցող հավաքի ուղղությամբ: Արձանագրվել են նաև նման հրապարակային անհանգստություններ:
Տեղեկացվում է, որ պաշտպանի աշխատակազմը դիտարկում է իրականացնում լրատվամիջոցներով և հավաքի վայրում, որտեղ առկա են նաև երեխաներ ու տարեցներ:
«ՀՀ Ազգային ժողովի շենքի պատուհաններից հրազենի բացահայտ ցուցադրությունը, այդ թվում՝ զինվորական համազգեստով դիպուկահարների ցուցադրական ներկայությունը խաղաղ հավաքին պետության կողմից գործադրված անվտանգության անհամարժեք միջոց է այս պահին Բաղրամյան պողոտայում առկա իրավիճակում»,–գրել է Նա:
ՄԻՊ–ը նշել է, որ պետությունը կարող է անվտանգության միջոցներ ձեռնարկել, բայց դրանք յուրաքանչյուր դեպքում պետք է հաշվի առնեն կոնկրետ իրավիճակը և չպետք է լինեն այնպիսին, որ ստանան խաղաղ հավաքին մասնակցությունը կանխող կամ անհանգստություն պատճառող բնույթ:
Նշենք, որ այսօր կառավարության հետ հարցուպատասխանի համար ՀՀ վարչապետ Նիկոլ Փաշինյանը գնացել էր ԱԺ։ Նրա այցելությունից առաջ ՀՀ ոստիկանական ուժերն ԱԺ–ի տարածքում խիստ ավելացել էին, իսկ ԱԺ պատուհաններից լրագրողները նկատել էին զինված դիպուկահարների։
թեգերը:
«Գուցե որոշել են ուժ կիրառել». Արթուր Վանեցյանը` ոստիկանության հայտարարության մասին
(Թարմացված է 18:30 03.03.2021)
Արթուր Վանեցյանը վստահեցնում է, որ իրենք սադրանքներ իրականացնելու քաղաքականություն չեն որդեգրել։ ԵՐԵՎԱՆ, 3 մարտի - Sputnik. Անթույլատրելի է ուժի սպառնալիք ցուցադրելը, քանի որ Բաղրամյան պողոտայում խաղաղ ցուցարարներ են։ Լրագրողների հետ զրույցում ասաց «Հայրենիք» կուսակցության նախագահ Արթուր Վանեցյանը` անդրադառնալով ԱԺ բակում նռնակների առկայությանը և պատուհաններից դիպուկահարների երևալուն։
«Հանրային ճնշումն ավելացնելու ենք, սակայն օրենքի շրջանակում ենք մնալու»,–ասաց Վանեցյանը։
Նշենք` ոստիկանությունն այսօր հայտարարություն էր տարածել, թե տվյալներ են ստացվել, որ մարտի 3-ին նախատեսված հանրահավաքի ժամանակ հնարավոր են սադրանքներ։
©
Sputnik / Asatur Yesayants
Խոսելով այդ հայտարարության մասին` Վանեցյանը նշեց` կա՛մ ոստիկանությունը կեղծ ահազանգ է ստացել, կա՛մ էլ գուցե ոստիկանությունն որոշել է ուժ կիրառել, ինչի համար էլ հիմքեր է ստեղծում։
Վանեցյանը վստահեցնում է, որ իրենք սադրանքներ իրականացնելու քաղաքականություն չեն որդեգրել։
Ավելի վաղ Sputnik Արմենիան ֆիքսել էր, թե ինչպես է ՀՀ վարչապետ Նիկոլ Փաշինյանի ավտոշարասյունը կառավարության շենքից շարժվում դեպի Ազգային ժողով, որի բակում ոստիկանները լուսային և ձայնային նռնակներ են տեղադրել։
Հիշեցնենք` Հայաստանի ներքաղաքական իրադրությունը սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ հեղափոխությունը պաշտպանելու համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը առաջարկությունը կրկին ուղարկեց ՀՀ նախագահին։
ՀՀ նախագահի մամուլի ծառայությունը երեկ հայտնեց, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը, միաժամանակ առաջնորդվելով Սահմանադրության 169-րդ հոդվածի 1-ին մասի 4-րդ կետով` ՀՀ նախագահն առանձին դիմումով դիմելու է ՍԴ` «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով։