ԵՐԵՎԱՆ, 10 փետրվարի — Sputnik. Բելառուսի կողմից Ադրբեջանին հանձնած ռուսաստանցի-իսրայելացի բլոգեր Ալեքսանդր Լապշինի հանձնումը ռեկորդ է սահմանել մարդու իրավունքներին խախտման տեսանկյունից, ասաց ՀՅԴ խմբակցության ղեկավար Արմեն Ռուսատամյանը։

Նրա խոսքով` բանակցային գործընթացում Ադրբեջանը շատ անհարմար վիճակի մեջ է հայտնվել և ամեն կերպ ջանում է դուրս գալ դրանից, մինչ օրս Բաքվում չեն կարողանում կողմնորոշվել, թե ում հետ խնդիրներ ունեն` Հայաստանի թե Ղարաբաղի։

«Լապշինի հետ կապված իրավիճակը հանցագործ համաձայնություն է, մարդու իրավունքների ռեկորդային խախտում։ Սա երկու բռնակալի քաղաքական որոշում էր, որը որևէ իրավական հիմք չունի»,- ասաց Ռուստամյանը։

Նրա խոսքով` Դեռ մինչև Գերագույն դատարանի որոշման հրապարակումը պարզ էր, որ Լուկաշենկոն է թելադրում դատական գործընթացը։ Ռուստամյանը նշեց, որ այժմ Բաքվի համար միակ ընդունելի տարբերակը որպես «բարեգութ քայլ» Լապշինին Իսրայելին կամ Ռուսաստանին հանձնելը կլինի։

Из блога Александра Лапшина

«Լապշինի գործը», կամ աչքերին թոզ փչոցի... սակայն՝ ու՞մ աչքերին

Խորհրդարանականի կարծիքով՝ այս դեպքը պետք է օգտագործել՝ ցույց տալու համար, որ նման նախադեպերը սպառնում են բոլոր նրանց իրավունքներին, ովքեր հակամարտության գոտի է այցելում։

«Եթե Լապշինի գործի տրամաբանությանը հետևենք, ապա ամբողջ հայ ժողովուրդը պետք է Ադրբեջանին հանձնվի, կամ էլ Ղրիմ այցելող Ռուսաստանի քաղաքացիները` Ուկրաինային», — ասաց Ռուստամյանը։

Ըստ նրա` մարդու իրավունքները, մասնավորապես, ազատ տեղաշարժի իրավունքը չի կարող սահմանափակվել, դա անհեթեթություն է։ Նա համոզմունք հայտնեց, որ Լապշինի հետ կապված իրավիճակը չի ազդի Ղարաբաղ այցելության վրա, համար բավական է նայել սև ցուցակին, մեծամասնության դեմ նրանք ոչինչ անել չեն կարող։

Русская версия

ԵՐԵՎԱՆ, 3 մարտի - Sputnik. Անթույլատրելի է ուժի սպառնալիք ցուցադրելը, քանի որ Բաղրամյան պողոտայում խաղաղ ցուցարարներ են։ Լրագրողների հետ զրույցում ասաց «Հայրենիք» կուսակցության նախագահ Արթուր Վանեցյանը` անդրադառնալով ԱԺ բակում նռնակների առկայությանը և պատուհաններից դիպուկահարների երևալուն։

«Հանրային ճնշումն ավելացնելու ենք, սակայն օրենքի շրջանակում ենք մնալու»,–ասաց Վանեցյանը։

Նշենք` ոստիկանությունն այսօր հայտարարություն էր տարածել, թե տվյալներ են ստացվել, որ մարտի 3-ին նախատեսված հանրահավաքի ժամանակ հնարավոր են սադրանքներ։

© Sputnik / Asatur Yesayants

Փաշինյանը վերջապես խոսեց. նա ընդդիմության ղեկավարներին հրավերներ է ուղարկել

Խոսելով այդ հայտարարության մասին` Վանեցյանը նշեց` կա՛մ ոստիկանությունը կեղծ ահազանգ է ստացել, կա՛մ էլ գուցե ոստիկանությունն որոշել է ուժ կիրառել, ինչի համար էլ հիմքեր է ստեղծում։

Վանեցյանը վստահեցնում է, որ իրենք սադրանքներ իրականացնելու քաղաքականություն չեն որդեգրել։

Ավելի վաղ Sputnik Արմենիան ֆիքսել էր, թե ինչպես է ՀՀ վարչապետ Նիկոլ Փաշինյանի ավտոշարասյունը կառավարության շենքից շարժվում դեպի Ազգային ժողով, որի բակում ոստիկանները լուսային և ձայնային նռնակներ են տեղադրել։

Հիշեցնենք` Հայաստանի ներքաղաքական իրադրությունը սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ 

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ հեղափոխությունը պաշտպանելու համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը  առաջարկությունը կրկին ուղարկեց ՀՀ նախագահին։

ՀՀ նախագահի մամուլի ծառայությունը երեկ հայտնեց, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը, միաժամանակ առաջնորդվելով Սահմանադրության 169-րդ հոդվածի 1-ին մասի 4-րդ կետով` ՀՀ նախագահն առանձին դիմումով դիմելու է ՍԴ` «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով։