Հայկական ժամանակ. «Վերաձևում»

Թերթի տեղեկություններով՝ իշխանական վերնախավում քննարկվել է մի քանի ապրանքների շուկաները վերաձևելու տարբերակներ: Վերաձևման ենթակա «ամենահամեղը» տախտակի շուկան է, որն արդեն տարիներ շարունակ գտնվում է Մհեր Սեդրակյանի վերահսկողության տակ:

© Sputnik / Asatur Yesayants

ԱԺ ընտրությունների անցկացման օրն արդեն հայտնի է

«Ոչ մի տնտեսվարող չի կարող տախտակ ներկրել վաճառքի համար: Առավելագույնը, որ «թույլատրված է», կարելի է տախտակ ներկրել սեփական կարիքների համար և ոչ ավելին: Այս ապրանքի բիզնեսը գերեկամտաբեր է: ՌԴ-ում, որտեղից հիմնականում ներկրվում է տախտակը, այն 2-2,5 անգամ ավելի էժան է, քան Հայաստանում: Ընդ որում, Հայաստան ներկրվող տախտակի մի փոքր մասն է միայն պաշտոնապես արձանագրվում: Մեծագույն մասն ունի ստվերային շրջանառություն: Չի բացառվում, որ այս շուկան վերաձևելու գաղափարը ծնվել է հենց այն ժամանակ, երբ լուրեր տարածվեցին, որ Մհեր Սեդրակյանի հարաբերությունները Սերժ Սարգսյանի հետ վատացել են, և Սեդրակյանը կարող է ՀՀԿ-ի համար ոչ այնքան ջանասիրաբար աշխատել նախընտրական փուլում»,- գրում է թերթը:

Ժամանակ. «Խզարում ա»

Թերթը պարզել է, որ ԱԺ ՀՀԿ-ական գործարար պատգամավոր Սամվել Ալեքսանյանը, որը ռեյտինգային ընտրակարգով առաջադրվել է թիվ 7 ընտրատարածքում, սկսել է բուռն ընտրապայքարը:

Газета «Жоговурд»

Սամվել Ալեքսանյանը թանկ հեռախոս ունենալու հնարավորություն չունի՞

«Նա հանդիպում է գազի և լույսի մարդկանց, հանձնարարականներ տալիս, առաջարկում է շտաբներ ձևավորել իր ընտրատարածքում: Նա խոստացել է, որ եթե ընտրություններում առաջին տեղը զբաղեցնի ռեյտինգային ընտրակարգով առաջադրված ՀՀԿ-ականների մեջ, 50 հազար դոլար կտա բոլոր շտաբներին, եթե երկրորդ տեղ՝ 40 հազար, իսկ երրորդ տեղի դեպքում՝ 30 հազար դոլար: Ասում են՝ ամենմեծ գումարներն առայժմ հենց Ալեքսանյանն է խոստանում«,-գրում է թերթը:

Ժողովուրդ. Պարտադրաբար տանում են ՍԱՍ-ի Արտակի մոտ

Թերթը նախ հիշեցնում է երեկ վարչապետ Կարեն Կարապետյանի զգուշացումը՝ չօգտագործել ադմինիստրատիվ ռեսուրսն ու չզբաղվել քարոզչությամբ:

© Sputnik / Asatur Yesayants

Չեք լսի՝ կպատժվեք. առաջին հարվածը ստացավ «ՍԱՍ»-ը

«ՀՀԿ Արաբկիրի կառույցի նախագահ, Երևանի քաղաքապետարանի կոմունալ տնտեսության վարչության պետ Հրայր Անտոնյանը շարունակում է արջի ծառայություն մատուցել իշխող Հանրապետականին: Նա հասել է Արաբկիրի թաղապետարանի աշխատակիցներին: Թերթը շարունակում է ահազանգեր ստանալ, որ իրենց աշխատանքային ժամի ավարտից հետո պարտադրաբար տանում են Արտակ Սարգսյանի՝ ՍԱՍ-ի Արտակի, արդեն գործող նախընտրական շտաբ: Հրայր Անտոնյանը բացահայտ ահաբեկում է աշխատակիցներին, որպեսզի Արտակ Սարգսյանի օգտին ձայներ հավաքեն: Տեղի ունեցող կուսակցական նիստերի ժամանակ աշխատակիցներին տեղեկացրել են, որ յուրաքանչյուր ձայնի համար կբաժանվի ոչ թե 100 ԱՄՆ դոլար, այլ 5 հազար դրամ»,-գրում է թերթը:

Առավոտ. «Կառավարության սխալ որոշման պատճառով մեր տնտեսությունը մոտ 4 միլիարդ դրամ է կորցրել»

Թերթը գրում է, որ մոտ 2 տարի պահանջվեց պետական գնումների ոլորտի պատասխանատուներից, որպեսզի հասկանան՝ կառավարության 2015 թվականի հունվարի 30-ին հավանություն տված որոշումը սխալ է: Խոսքը պետական գնումները Եվրասիական տնտեսական միության պահանջներին համապատասխանեցնելն էր:

© Sputnik / Asatur Yesayants

Նախագահի, վարչապետի, ԱԺ նախագահի գնումները` պետական գաղտնիք

«Եթե գնման հայտով ներկայացված տվյալ գնման առարկայի պահանջվող քանակի և առավելագույն գնի արտադրյալը չի գերազանցում գնումների բազային միավորի 70-ապատիկը, ապա այդ գնման առարկաների գծով գնային առաջարկների գնահատման և համեմատման ընթացքում ԵՏՄ անդամ-երկրների ծագման ապրանքներ առաջարկող մասնակիցներն ունեն 15 տոկոս գնային առավելություն: Կառավարության որոշմամբ՝ տեղի էր ունենում հետևյալը՝ եթե 2 հայկական ընկերություն մասնակցում էր, ասենք, նախագահի աշխատակազմի ավտոմեքենաների համար նոր անվադողեր գնելու մրցույթին, և եթե ընկերություններից մեկը ներկայացնի եվրոպական արտադրության անվադողեր, մյուսը՝ ռուսական, իսկ ռուսականը լինի եվրոպականից 15 տոկոս թանկ, ապա նախագահականը պետք է գնի թանկ ռուսականը: Ֆինանսների նախարար Վարդան Արամյանը վստահեցնում է՝ այդ 15 տոկոս առավելության պահանջը վերացվելու է»,- գրում է թերթը:

ԵՐԵՎԱՆ, 3 մարտի - Sputnik. Եթե խորհրդարանական ընդդիմության ընկերներն ընդունեն արտահերթ խորհրդարանական ընտրություններ անցկացնելու առաջարկը, ապա կունենանք ընտրություններ համաձայնեցված ժամկետներում։ ԱԺ–ում կառավարության հետ հարցուպատասխանի ժամանակ ասաց վարչապետ Նիկոլ Փաշինյանը` պատասխանելով անկախ պատգամավոր Արման Բաբաջանյանի այն հարցին, թե ինչպե՞ս է հանգուցալուծվելու ներկա քաղաքական ճգնաժամը։

© Sputnik / Aram Nersesyan

Փաշինյանն ԱԺ–ում է, բայց խուսափում է խոսել. նրան ուղղված հարցերին պատասխանում է Ավինյանը

Նշենք, որ կառավարության հետ մեկուկես ժամանոց հարցուպատասխանի ընթացքում բազմիցս հարցեր էին հնչել՝ ուղղված վարչապետին, սակայն դրանց պատասխանում էր փոխվարչապետ Տիգրան Ավինյանը։

«Ինչո՞ւ անել արտահերթ ընտրությունները համաձայնեցմամբ։ Մենք չենք ուզում անել քայլեր, որոնք կդիտարկվեն «ի հեճուկսի» տրամաբանության մեջ։ Ընտրությունը գործիք է հանրային համերաշխության և ժողովրդին արտահայտվելու հնարավորություն տալու։ Որ ոչ միայն արտահայտվելու հնարավորություն ունենան նրանք, ովքեր ժամանակ ունեն մասնակցելու հանրահավաքներին, այլև մյուսները»,–ասաց վարչապետը։

Նրա խոսքով` կառավարությունը պետք է լինի երաշխավորը, որ այդ ընտրությունները տեղի կունենան ազատ, արդար և օրինական պայմաններում։

Փաշինյանը հայտնեց, որ արդեն իսկ հրավեր է ուղարկել խորհրդարանական ընդդիմության ղեկավարներին, որոնց հետ ուզում է հանդիպել և արտահերթ ընտրություններ անցկացնելու պայմանավորվածություն ձեռք բերել։

Անդրադառնալով կիսանախագահական կառավարման անցնելու իր հայտարարությանը` Փաշինյանը նշեց, թե այդ հարցն առաջ բերելուց որևէ կոնկրետ բովանդակություն նկատի չի ունեցել։ «Ես նկատի եմ ունեցել, որ կա իրավիճակ, և Սահմանադրության գործունակության վերաբերյալ էլ հարցեր կան, ուրեմն եկեք ևս մեկ անգամ անդրադառնանք այդ հարցին»,–ասաց Փաշինյանը։

ԱԺ նիստն ավարտվեց։

Ինչպես է Նիկոլ Փաշինյանը կառավարությունից մեկնում Ազգային ժողով. տեսանյութ