Հրանտ Բագրատյան

Ընդդիմադիր պատգամավորը Հայաստանի համար դեֆոլտ է կանխատեսում, ԿԲ–ն հերքում է

111
Հայ պատգամավորը չի կարողացել համոզել Կենտրոնական բանկի ղեկավարի տեղակալին, որ նման սպառնալիքի առկայություն գոյություն ունի։

ԵՐԵՎԱՆ, 7 փետրվարի — Sputnik. «Հայ ազգային կոնգրես» կուսակցության ընդդիմադիր պատգամավոր Հրանտ Բագրատյանը հայտնել է, որ Հայաստանին դեֆոլտի լուրջ վտանգ է սպառնում։

«Հայաստանը կանգնած է դեֆոլտի առջև»,- ասել է Բագրատյանը՝ դիմելով ԿԲ ղեկավարի տեղակալ Ներսես Երիցյանին, հիփոթեքային վարկում փոփոխություններ կատարելու քննարկումների ժամանակ։

Երիցյանը, սակայն, հերքել է նման սցենարը, հայտնելով, որ ո՛չ բանկային համակարգը, ո՛չ էլ տնտեսությունը նման վտանգի առջև կանգնած չեն։

Նրա խոսքով` այդ պնդումը կարելի է ապացուցել պրոֆեսիոնալ մակարդակով, ինչի մասին խոսում է ոչ միայն ԿԲ-ն, այլև հայտարարում են միջազգային կառույցները։

«Ես հասկանում եմ, որ այժմ նախընտրական շրջան է և հանրությանը հաճելի հայտարարությունների քանակը կարող է մեծանալ, մասնավորապես, դեֆոլտ բառի գործածմամբ, սակայն նման վտանգ չկա»,- նշել է Երիցյանը։

Русская версия

111