Վարդան Արամյան

Ֆինանսների նախարար. Վարչապետի ընտանեկան բիզնեսը շահերի բախում չի առաջացնի

52
(Թարմացված է 13:15 06.02.2017)
Գյումրիում բիզնես ծրագրի իրագործման համար վարչապետի խոստացած ներդրումների և Կարեն Կարապետյանի անձի միջև ֆինանսների նախարար Վարդան Արամյանը շահերի բախում չի տեսնում:

ԵՐԵՎԱՆ, 6 փետրվարի — Sputnik. Վարչապետ Կարեն Կարապետյանն ուրբաթ օրը, Գյումրի կատարած այցի ընթացքում, գյումրեցիներին խոստացավ իր ընտանիքի կողմից 500 000 դոլարի ներդրում կատարել: Sputnik Արմենիան ֆինանսների նախարար Վարդան Արամյանից հետաքրքրվեց՝ արդյո՞ք ապագա բիզնեսի և Կարեն Կարապետյանի անձի միջև շահերի բախման ռիսկ չկա:

«Երբ գումարը տրվում է որպես նվիրատվություն, դա այլ բան է: Երբ տրվում է որպես բիզնեսի համար ներդրում՝ արդեն այլ հարց է: Եթե կտրվի որպես նվիրատվություն, ձեր ասած շահերի բախման ինստիտուտը չի լինի: Եթե կտրվի որպես ներդրում, ապա կլինի հավատամագրային կառավարման ինստիտուտի ներքո»,- ասաց Արամյանը:

Ֆինանսների նախարարը նաև ընդգծեց, որ Կարեն Կարապետյանի ղեկավարած կառավարության ամենակարևոր սկզբունքը թափանցիկությունն է, ուստի և վստահեցրեց, որ կառավարության ղեկավարի ընտանիքի բիզնեսի դեպքում շահերի բախում չի առաջանալու:

52