ԵՐԵՎԱՆ, 13 հունվարի — Sputnik. Վարչապետին բարկացրեց հարցը` արդյո՞ք նա գիտե այն ներկրողների անունները, ովքեր հայաստանյան շուկայում մոնոպոլ դիրք ունեն։ Ես բոլորին իմանալ չեմ կարող, ասաց վարչապետը։ Բարկության հաջորդ ալիքը վրա հասավ, երբ լրագրողներն ակնկալեցին վարչապետի տեղեկացված լինելը ներկրումը խոչընդոտող անձանց վերաբերյալ։
«Ինձ միլիցիա մի սարքեք, ես իմ ֆունկցիան դրա մեջ չեմ տեսնում: Պատկերացնո՞ւմ ե ք՝ ես բոլոր բանան կամ շաքար ներկրողներին իմանամ. ուր կհասնի»,-ասաց վարչապետ Կարապետյանը:
Նա նշեց, որ իր գործառույթը սահմանափակվում է ներկրման համար ազատ դաշտ ստեղծելով:
«Դուք ինձ պետպլանի տեղ եք դնում, որ հսկեմ: Ի՞նչ եք առաջարկում, բոլորի հետևից վազեմ, ասեմ՝ դիմում տուր»,- եզրափակեց նա:
Վարչապետը շեշտեց, որ ինքն ու իր թիմը պրոֆեսիոնալ քննադատության կարիք ունեն, բայց խնդիրների մասին խոսելիս հորդորեց հարցեր տալուց առաջ կարևորությունները հաշվի առնել:
