ԵՐԵՎԱՆ, 23 դեկտեմբերի – Sputnik. ԱԺ ՀՀԿ խմբակցության պատգամավոր Հովհաննես Սահակյանի բնորոշմամբ` կառավարության ղեկավարի պաշտոնավարման 100 օրն այն հիմնաքարն է, որի վրա ապագայում տնտեսական առավել շոշափելի արդյունքներ կկառուցվեն:

«Այն բարեփոխումները, այն ծրագրերը, որոնց մասին խոսել է վարչապետը, հիմք է տալիս ենթադրելու, որ ապագայում, կարճ ժամանակահատվածում կունենանք շոշափելի արդյունք»,- Sputnik Արմենիայի հետ զրույցում ասաց պատգամավորը:

Իսկ որպեսզի տնտեսությունը «շնչի», Հովհաննես Սահակյանի խոսքով, մեծածավալ ներդրումներ են պետք: ՀՀԿ-ական պատգամավորը համոզված է, որ ներդրումների համար անհրաժեշտ ենթակառուցվածքային միջավայրն ապահովված է:

© Sputnik / Asatur Yesayants

Հովհաննես Սահակյան

Եթե մինչև այսօր կային ներդրողներ, կային մարդիկ, որոնց համար այդ միջավայրը բացակայում էր, ապա այսօր նրանց հավատն ու հույսն աստիճանաբար վերականգնվում է»,- ասաց նա:

ԱԺ ԲՀԿ-ական պատգամավոր Միքայել Մելքումյանը համամիտ է իր գործընկերոջ հետ այն հարցում, որ Կարեն Կարապետյանի պաշտոնավարման առաջին օրերին որոշակի դրական սպասումներ են ծնվել հասարակության շրջանում, բացի այդ, նաև կոնկրետ քայլեր են արվել, օրինակ՝ նվազել է բենզինի գինը։ Որոշակի դրական միտումներ են գրանցվել նաև ներկրման մենաշնորհների վերացման ուղղությամբ, հայտարարվել է կոռուպցիայի դեմ պայքար, այդ ուղղությամբ արվում են օրենսդրական փոփոխություններ, բայց արդյունքներն առայժմ տեսանելի չեն:

«Տնտեսական ցուցանիշները լավը չեն, շատ վատն են, ներդրումներ չեն գալիս, աշխատավարձը չի բարձրանում, բյուջեի թերհավաքագրումը շարունակվում է, ՀՆԱ-ն կրճատվել է: Այսինքն ցուցանիշները չեն վկայում, որ վիճակը լավանում է»,- ասաց Մելքումյանը:

Շարքային հայաստանցիների շրջանում ևս կարծիքները նոր վարչապետի ու նրա ղեկավարած կառավարության նկատմամբ գրեթե չի տարբերվում քաղաքական գործիչների տեսակետից:

PHOTOLURE

Միքայել Մելքումյան

«Թրանսփարենսի Ինթերնեյշնլ հակակոռուպցիոն կենտրոն» ՀԿ-ի սոցհարցումների տվյալներով` Կարեն Կարապետյանի աշխատանքը գերազանց է գնահատել հարցվածների 6,9%-ը, իսկ 12,4%-ը՝ շատ վատ: Բիզնես միջավայրի բարելավմանն ուղղված վարչապետի քայլերը հարցվածների 30,6%-ի գնահատմամբ վատն են, 28%-ի կարծիքով՝ բավարար:

Նյութի ռուսերեն տարբերակը

ԵՐԵՎԱՆ, 2 մարտի - Sputnik. Այսօր՝ մարտի 2-ին, խոշոր ավտովթար է տեղի ունեցել Արմավիրի մարզում: Կան տուժածներ։ Տեղեկությունը հայտնում է shamshyan.com-ը։

© CC0 / fietzfotos / Свечи в память

Ավտովթարի հետևանքով մահացել է Ջրվեժի հոգևոր հովիվ տեր Կյուրեղը

«Ժամը 18:40-ի սահմաններում Արմավիր-Թալին և դեպի Քարակերտ գյուղ տանող ավտոճանապարհների հատման հատվածում  բախվել են Արմավիր քաղաքի բնակիչ, 25-ամյա Գոռ Հովհաննիսյանի վարած Opel Astra մակնիշի և Քարակերտ գյուղի բնակիչ, 25-ամյա Սարգիս Խոսրովյանի վարած Opel Astra մակնիշի ավտոմեքենաները»,–գրում է կայքը:

Վթարի հետևանքով  5 հոգի մարմնական վնասվածքներով տեղափոխվել են «Արմավիր» բժշկական կենտրոն:

Հետաքննիչի հանձնարարականով ավտոմեքենաները տեղափոխվել են ոստիկանության Բաղրամյանի բաժնի պահպանվող հատուկ տարածք:

Երևանում գրանցվել է 70 վթար, որի պատճառով քաղաքում երթևեկությունը կաթվածահար է եղել

Ոստիկանությունը պարզում է վիրավորների ինքնությունը:

Վարորդները տեղում ենթարկվել են փորձաքննության, պարզվել է, որ նրանք եղել են սթափ:

Դեպքի վայրում հավաքվածներն ասել են, որ  վիրավորների մեջ երեխաներ կան:

Թաիրով գյուղում տեղի ունեցած ավտովթարի հետևանքով 3 մարդ է տուժել. վարորդի վիճակը ծանր է