Ինչ պետք է անել սրտի ռիթմի խանգարման դեպքում. ՌԴ առաջատար առիթմոլոգի փորձը
(Թարմացված է 10:45 24.12.2016)
«Հերացի» թիվ 1 հիվանդանոցային համալիրը հյուրընկալել է Ռուսաստանի Դաշնության առաջատար առիթմոլոգ, սիրտ-անոթային վիրաբույժ Պավել Մեզենցևին: Նպատակը փոխգործակցությունն ընդլայնելն ու փորձի փոխանակումն է։ԵՐԵՎԱՆ, 23 դեկտեմբերի — Sputnik. Ռուսաստանի Դաշնության առաջատար առիթմոլոգ, սիրտ-անոթային վիրաբույժ Պավել Մեզենցևը Հայաստան կատարած երկօրյա այցի ընթացքում բուժական միջամտություններ է իրականացնելու։ Նրա այցը նաև կրթական նշանակություն ունի։ Մեզենցևն ուսանողներին կսովորեցնի` ինչ պետք է անել սրտի ռիթմի խանգարումների ժամանակ։ Այսպիսով, ուսանողները գործնականում կզարգացնեն իրենց հմտությունները։
ԵՊԲՀ անհետաձգելի սրտաբանության ամբիոնի պրոֆեսոր և վարիչ, համալսարանական ընդհանուր և ինվազիվ սրտաբանության կլինիկայի ղեկավար Հմայակ Սիսակյանը կարծում է, որ Պավել Մեզենցևի մոտեցումները զգալիորեն տարբերվում են, քանի որ նա սրտի եռաչափ քարտեզավորում է կիրառում։
«Այս մեթոդն այլ մեթոդների համեմատ թույլ է տալիս ստանալ ավելի մանրամասն տեղեկատվություն՝ ամբողջական պատկեր, ինչն էլ հեշտացնում և կարգավորում է բժշկական միջամտությունների իրականացման գործընթացը»,-ասաց Սիսակյանը։
Հմայակ Սիսակյան
Պավել Մեզենցևի կլինիկայում է եղել ու նրա նորարարություններին անձամբ է ծանոթացել ԵՊԲՀ կլինիկական օրդինատոր Կարեն Հարությունյանը։
«Հերացի» թիվ 1 հիվանդանոցային համալիրի գլխավոր բժիշկ Արեն Բաբլումյանի ուղեկցությամբ բժշկական խումբն հանդիպել է ռեկտորի պաշտոնակատար Արմեն Մուրադյանի հետ: Նրանք քննարկել են հետագա համագործակցության և երիտասարդ մասնագետների վերապատրաստման հնարավորությունները։
Մի քիչ կտաքանա. եղանակի տեսություն
(Թարմացված է 14:44 02.03.2021)
Օդերևութաբանները ներկայացրել են առաջիկա օրերի եղանակային կանխատեսումները Հայաստանի և Արցախի համար։ ԵՐԵՎԱՆ, 3 մարտի – Sputnik. Հանրապետության տարածքում մարտի 3-4-ը, 6-ին, 7-ի գիշերը սպասվում է առանց տեղումների եղանակ։
Մարտի 5-ին հարավային շրջաններում, 7-ին կեսօրից հետո շրջանների զգալի մասում սպասվում են տեղումներ, լեռնային և նախալեռնային շրջաններում ձյան տեսքով։
Փաշինյանը հակասում է ինքն իրեն. վարչապետի 2020 և 2021թթ–ի հայտարարությունները. տեսանյութ
Տեղեկությունը հայտնում են ՀՀ ԱԻՆ «Հիդրոմետ» ծառայությունից` հավելելով, որ քամին հարավ-արևմտյան է՝ 5-10 մ/վ արագությամբ:
Օդի ջերմաստիճանը մարտի 2-6-ի ցերեկն աստիճանաբար կբարձրանա 5-6 աստիճանով։
Երևան քաղաքում՝ մարտի 2-ի ցերեկը սպասվում է թույլ ձյուն, 7-ի երեկոյան ժամերին սպասվում անձրև։ Մարտի 3-6-ը, 7-ի գիշերը սպասվում է առանց տեղումների եղանակ։
Գերիների հարցը կքննարկվի ԱԺ դռնփակ նիստում, Ադրբեջանին ուղղված հայտարարություն կընդունվի
Մայրաքաղաքում մարտի 3–ի գիշերը կլինի -1...-3 աստիճան ցուրտ, իսկ ցերեկային ժամերին կգրանցվի 9-11 աստիճան տաքություն։
թեգերը:
թեմա:
Արմավիրի մարզում ճակատ–ճակատի բախվել են Opel Astra–ներ. վիրավորների մեջ երեխաներ կան
(Թարմացված է 23:31 02.03.2021)
Վարորդները տեղում ենթարկվել են փորձաքննության։ Պարզվել է, որ նրանք եղել են սթափ վիճակում:
ԵՐԵՎԱՆ, 2 մարտի - Sputnik. Այսօր՝ մարտի 2-ին, խոշոր ավտովթար է տեղի ունեցել Արմավիրի մարզում: Կան տուժածներ։ Տեղեկությունը հայտնում է shamshyan.com-ը։
«Ժամը 18:40-ի սահմաններում Արմավիր-Թալին և դեպի Քարակերտ գյուղ տանող ավտոճանապարհների հատման հատվածում բախվել են Արմավիր քաղաքի բնակիչ, 25-ամյա Գոռ Հովհաննիսյանի վարած Opel Astra մակնիշի և Քարակերտ գյուղի բնակիչ, 25-ամյա Սարգիս Խոսրովյանի վարած Opel Astra մակնիշի ավտոմեքենաները»,–գրում է կայքը:
Վթարի հետևանքով 5 հոգի մարմնական վնասվածքներով տեղափոխվել են «Արմավիր» բժշկական կենտրոն:
Հետաքննիչի հանձնարարականով ավտոմեքենաները տեղափոխվել են ոստիկանության Բաղրամյանի բաժնի պահպանվող հատուկ տարածք:
Երևանում գրանցվել է 70 վթար, որի պատճառով քաղաքում երթևեկությունը կաթվածահար է եղել
Ոստիկանությունը պարզում է վիրավորների ինքնությունը:
Վարորդները տեղում ենթարկվել են փորձաքննության, պարզվել է, որ նրանք եղել են սթափ:
Դեպքի վայրում հավաքվածներն ասել են, որ վիրավորների մեջ երեխաներ կան:
Թաիրով գյուղում տեղի ունեցած ավտովթարի հետևանքով 3 մարդ է տուժել. վարորդի վիճակը ծանր է