ԵՐԵՎԱՆ, 23 դեկտեմբերի — Sputnik, Մարիա Ավագյան. Երևանի Ստանիսլավսկու անվան ռուսական դրամատիկական թատրոնում տեղի ունեցավ «Կարմիր գլխարկը» տոնական, երաժշտական և գույներով լի ներկայացման պրեմիերան:

Դա հիանալի նվեր է երեխանրին՝ Ամանորին ընդառաջ, Ձմեռ պապի, Ձյունանուշի, Բաբա Յագայի և 2017 թվականի խորհրդանիշ Աքաղաղի մասնակցությամբ, որոնք կուրախացնեն ինչպես փոքրիկներին, այնպես էլ մեծերին:

Բեմադրողն ու հեղինակը Նորա Գրիգորյանն է, ռեժիսորը` Էրվին Ամիրյանը, պարուսույցը` Նունե Կիրակոսյանը, նկարիչը` Արթուր Հարությունյանը, զգեստների նկարիչը` Ինեսա Սևունցը:

Ինչպես հայտնի է, նորը լավ մոռացված հինն է. «Կարմիր գլխարկը» ներկայացումը նոր գաղափար չէ ռուսական թատրոնում, սակայն միշտ գունեղ և հետաքրքիր գործողություն է ներկայացրել:
Սա նոր մոտեցում է: Նոր, որովհետև տարբեր ժամանակներ տարբեր ռեժիսորներ են աշխատել՝ տարբեր մոտեցումներով… Սա նոր հայացք է բեմադրությանը, երիտասարդ ռեժիսոր է, ուրեմն՝ այլ կերպ է մտածում, նորովի:

««Կարմիր գլխարկի արկածները» ներկայացումը ինքն իրենով երաժշտական է, տեղ-տեղ ջազային… Մենք փորձեցինք ներկայացմանը նոր երանգներ հաղորդել բոլորին հայտնի ջազ կատարմամբ: Իհարկե, ներառվեցին նաև 2016 թվականի հիթերը, բայց միևնույն ժամանակ, մնացել են թատրոնի ավանդույթները` երեխաների հետ հետաքրքրաշարժ խաղ, զրույց և ներկայացմանը հաղորդակից դարձնելը և, վերջապես, նրան հավատալը»,- ասել է բեմադրող Նորա Գրիգորյանը:

Պատասխանելով այն հարցին, թե ինչ դժվարություններ են ունեցել, նա նշեց, որ ամենադժվարը երեխաների հետ աշխատելն է:

«Նրանց պետք է հետաքրքիր լինի ներկայացումը, և դերասանների խաղը չպետք է երկարի, եթե մեծերին կարող ես խաբել ներկայացման մեջ, երեխաների հետ դա չի անցնի, նրանք պարզապես կդադարեն դիտել ներկայացումը», — ասաց Գրիգորյանը:

Ներկայացման հեղինակը համոզված է, որ հեքիաթը կյանքի կոչել դժվար է, սակայն երեխաների աշխարհը դերասանները կարող են մի փոքր ավելի գունեղ, ուրախ, հետաքրքիր դարձնել:

«Երեխաները հավատում են հրաշքին, կարևորը այդ հավատը երկար պահել կարողանալն է: Ինչով էլ մենք փորձում ենք զբաղվել` բեմ բարձրացնելով նրանց ծանոթ կերպարներին և հերոսներին», — ասաց նա:

Նութի ռուսերեն տարբերակը

ԵՐԵՎԱՆ, 2 մարտի - Sputnik. Այսօր՝ մարտի 2-ին, խոշոր ավտովթար է տեղի ունեցել Արմավիրի մարզում: Կան տուժածներ։ Տեղեկությունը հայտնում է shamshyan.com-ը։

© CC0 / fietzfotos / Свечи в память

Ավտովթարի հետևանքով մահացել է Ջրվեժի հոգևոր հովիվ տեր Կյուրեղը

«Ժամը 18:40-ի սահմաններում Արմավիր-Թալին և դեպի Քարակերտ գյուղ տանող ավտոճանապարհների հատման հատվածում  բախվել են Արմավիր քաղաքի բնակիչ, 25-ամյա Գոռ Հովհաննիսյանի վարած Opel Astra մակնիշի և Քարակերտ գյուղի բնակիչ, 25-ամյա Սարգիս Խոսրովյանի վարած Opel Astra մակնիշի ավտոմեքենաները»,–գրում է կայքը:

Վթարի հետևանքով  5 հոգի մարմնական վնասվածքներով տեղափոխվել են «Արմավիր» բժշկական կենտրոն:

Հետաքննիչի հանձնարարականով ավտոմեքենաները տեղափոխվել են ոստիկանության Բաղրամյանի բաժնի պահպանվող հատուկ տարածք:

Երևանում գրանցվել է 70 վթար, որի պատճառով քաղաքում երթևեկությունը կաթվածահար է եղել

Ոստիկանությունը պարզում է վիրավորների ինքնությունը:

Վարորդները տեղում ենթարկվել են փորձաքննության, պարզվել է, որ նրանք եղել են սթափ:

Դեպքի վայրում հավաքվածներն ասել են, որ  վիրավորների մեջ երեխաներ կան:

Թաիրով գյուղում տեղի ունեցած ավտովթարի հետևանքով 3 մարդ է տուժել. վարորդի վիճակը ծանր է