Արմեն Ամիրյանը որոշել է աշխատանքից հեռացնել Վլադիմիր Պողոսյանին
(Թարմացված է 18:21 06.12.2016)
Արմեն Ամիրյանը դեկտեմբերի 5-ին հայտարարել է, որ աշխատանքից ազատել է «Պատմամշակութային արգելոց-թանգարանների և պատմական միջավայրի պահպանության ծառայության» տնօրենին՝ նրա ղեկավարած ՊՈԱԿ-ում հայտնաբերված խախտումների հիմքով:ԵՐԵՎԱՆ, 6 դեկտեմբերի — Sputnik, Նելլի Դանիելյան. Դեկտեմբերի 5-ին մշակույթի նախարարությունում տեղի ունեցած աշխատանքային հանդիպմանը նախարար Արմեն Ամիրյանը հայտարարել է, որ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տնօրեն Վլադիմիր Պողոսյանն ազատված է աշխատանքից: Այս մասին Sputnik Արմենիային հայտնեց ինքը՝ Պողոսյանը:
«Երկուշաբթի թռուցկաժողովի ժամանակ նախարարը հայտարարում է, որ «կա կադրային հարց, իմ հրամանով աշխատանքից ազատվել է «Պատմամշակութային արգելոց-թանգարանների և պատմական միջավայրի պահպանության ծառայության» տնօրեն Վլադիմիր Պողոսյանը»,- մեզ հետ զրույցում հայտնեց տնօրենն ու հավելեց, որ ինքը ժողովին ներկա չի եղել, մինչ այս պահն իր ազատման մասին չի ծանուցվել, հրամանի քաղվածքը չի ստացել և տեղեկացել է միայն նախարարության աշխատակիցների միջոցով:
Վլադիմիր Պողոսյանն այսօր իր փաստաբանի ուղեկցությամբ այցելել էր մշակույթի նախարարություն՝ անձամբ ստանալու իր հեռացման հրամանը: Բայց պարզվել է, որ այն դեռևս գոյություն չունի: ՊՈԱԿ-ի տնօրենին հայտնել են, որ նախարարը նրան աշխատանքից ազատելու հրամանը դեռևս չի ստորագրել:
Վլադիմիր Պողոսյան
Խճճված այս պատմության վերաբերյալ մեկնաբանություն ստանալու խնդրանքով Sputnik Արմենիան դիմեց մշակույթի նախարարություն, որտեղից ստացանք հետևյալ պատասխանը.
«Հիմք ընդունելով աուդիտի ուսումնասիրությունները, համաձայն որոնց, «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ում տեղի են ունեցել մի շարք ֆինանսական խախտումներ, ՀՀ մշակույթի նախարարությունում քննարկվել է Վլադիմիր Պողոսյանի՝ հետագա պաշտոնավարման նպատակահարմարությունը։ Սակայն ազատման հրամանը չի ստորագրվել, քանի որ հայտնի է դարձել, որ Վ. Պողոսյանը դիմել է հիվանդանոց՝ բուժվելու»։
Վլադիմիր Պողոսյանը հայտնեց, որ նախարարության ներքին աուդիտն իր ղեկավարած ՊՈԱԿ-ում իրականացվել է նոյեմբերի 9-30-ը: Բայց աուդիտի արդյունքներն իրեն չեն ներկայացվել, ինքը ստացել է միայն միջանկյալ արձանագրություն, որին ինքը համապատասխան արձագանք է տվել:
«Արձանագրությունը վերաբերում է գնումների մասով 2013-2016 թթ-ին ՊՈԱԿ-ի համար ձեռք բերված տրանսպորտային միջոցների գնմանը: Բոլոր, իբր, նշված խախտումներին մենք առարկել ենք, պատասխանել ենք այդ միջանկյալ արձանագրությանը, որ մեր կողմից որևէ խախտում թույլ չի տրվել, պահպանվել է օրենքի տառը և կետը, իրականացվել է գնումների մասին օրենքի համաձայն»,-ասաց Պողոսյանը:
Աուդիտի վերջնական գնահատականն ու կազմված արձանագրությունը Վլադիմիր Պողոսյանն առայժմ չի ստացել, փոխարենը, ինչպես հայտնել են տնօրենին, Արմեն Ամիրյանը նույն օրը նաև հայտարարել է, որ հեռացման համար հիմք են ընդունվել ՊՈԱԿ-ում կատարված աուդիտի արդյունքները:
Պողոսյանի փաստաբան Աշոտ Գևորգյանը հայտնեց, որ օրենքը պահանջում է աուդիտի արձանագրած խախտումների վերաբերյալ արձանագրության նախագիծը ներկայացնել տվյալ կազմակերպությանը, որտեղ ստուգումներ են իրականացվել: Իսկ կազմակերպությունն իրավունք ունի 5-օրյա ժամկետում ներկայացնել իր առարկությունները, առաջարկություններն ու դիտողությունները: Իսկ վերջնական արձանագրությունը, որը կազմվում է միայն համատեղ քննարկումից հետո, կարող է նաև վիճարկվել դատական կարգով:
«Մինչև այդ խախտումներն օրինական ուժ չստանան, որևէ ձևով անձի վարքագծին կամ նրա վերաբերյալ որևէ տեղեկություն հրապարակելը, ինչ մնաց՝ հրաման արձակելը, անօրինական է»,- ասաց փաստաբանը՝ չբացառելով, որ աուդիտի եզրակացությունն ու նախարարի հրամանը ստանալուց հետո դիմեն դատարան: Մշակույթի նախարարությունն էլ իր հերթին է հայտարարում, որ աուդիտի արդյունքներն ուղարկվելու են իրավապահներին:
«Սույն չարաշահումների հետ կապված ուսումնասիրությունը կուղարկվի իրավապահ մարմիններին»,- ասված է նախարարության՝ Sputnik Արմենիային փոխանցված մեկնաբանության մեջ:
ՀՀ նախագահը մի շարք զինծառայողների հետմահու պարգևատրելու հրամանագիր է ստորագրել
(Թարմացված է 23:35 04.03.2021)
Նրանք հետմահու պարգևատրվել են մարտական գործողությունների ընթացքում ցուցաբերած խիզախության և անմնացորդ նվիրումի համար։ ՀՀ նախագահը հրամանագիրը ստորագրել է` հիմք ընդունելով Նիկոլ Փաշինյանի միջնորդությունը։ԵՐԵՎԱՆ, 4 մարտի - Sputnik. ՀՀ նախագահ Արմեն Սարգսյանը, հիմք ընդունելով ՀՀ վարչապետ Նիկոլ Փաշինյանի միջնորդությունը, մի շարք զինծառայողների հետմահու պարգևատրելու հրամանագիր է ստորագրել։
Աղջկա հետ առևտուր եմ անում, բոլորը զարմացած նայում են. Արտյոմի կյանքն ամպուտացիայից հետո
Հայրենիքի պաշտպանության գործում ներդրած ավանդի, մարտական գործողությունների ընթացքում ցուցաբերած խիզախության և անմնացորդ նվիրումի համար Հայաստանի Հանրապետության պաշտպանության նախարարության ներքոհիշյալ զինծառայողները հետմահու պարգևատրվել են.
Քիմիական զենքն Արցախում․ ինչի՞ մասին են վկայում հայ զինվորների այրվածքները
«Մարտական խաչ» 1-ին աստիճանի շքանշանով՝
Նարեկ սարկավագ Պետրոսյան` Հայաստանի Հանրապետության զինված ուժերի հոգևոր առաջնորդության առաջնորդի օգնական։
«Դոբրին». զոհված Վարուժան Մատոսյանն ուզում էր 100 տարի ապրել և Արարատը բարձրանալ
Արիության մեդալով՝
Խաչիկ Լևոնի Ավետիսյան` թիվ N զորամասի գումարտակի հրամանատարի տեղակալ, մայոր,
Սևակ Վարդանի Օհանյան` թիվ N զորամասի վաշտի հրամանատար, կապիտան,
Մնացական Գեղամի Խաչատրյան` թիվ 70179 զորամասի դասակի հրամանատար, ավագ լեյտենանտ,
Գևորգ Եղիշեի Մանուկյան` թիվ 60925 զորամասի ժամկետային պարտադիր զինծառայող, շարքային,
Գնել Աբելի Պետրոսյան` թիվ N զորամասի ժամկետային պարտադիր զինծառայող, շարքային։
«Չեմ կարող վախկոտի պես ապրել». Վահեն իր վերջին վիրավորին կուրանալուց փրկեց, ինքը զոհվեց
Մարտական ծառայության մեդալով՝
Ռուդոլֆ Յուրիկի Դոխոյան` թիվ N զորամասի բաժանմունքի պետ, փոխգնդապետ,
Կարեն Հրահատի Հակոբյան` թիվ N զորամասի դիվիզիոնի հրամանատար, փոխգնդապետ,
Ռաֆայել Հովհաննեսի Վասիլյան` թիվ N զորամասի զորատեսակի պետ, մայոր,
Խորեն Հրանտի Ալեքսանյան` թիվ N զորամասի գումարտակի հրամանատարի տեղակալ, մայոր,
Ռուբեն Աշոտի Պրազյան` թիվ N զորամասի վաշտի հրամանատար, կապիտան,
Արարատ Կապլոյի Ծատուրյան` թիվ N զորամասի ջոկի սանհրահանգիչ, ենթասպա,
Արամիկ Կամոյի Դանիելյան` թիվ N զորամասի ջոկի հրամանատար, ենթասպա,
Արթուր Արայիկի Առաքելյան` թիվ N զորամասի բուժակ, ենթասպա,
Նարեկ Յուրիկի Ելուղյան` թիվ N զորամասի պայմանագրային զինծառայող, սերժանտ,
Տիգրան Արթուրի Խաչատրյան` թիվ N զորամասի պայմանագրային զինծառայող, սերժանտ,
Հարություն Կառլենի Հարությունյան` թիվ N զորամասի պայմանագրային զինծառայող, կրտսեր սերժանտ,
Մելիք Ռոբերտի Աթոյան` թիվ N զորամասի պայմանագրային զինծառայող, կրտսեր սերժանտ,
Վահագն Վանիկի Աֆրիկյան` թիվ N զորամասի պայմանագրային զինծառայող, կրտսեր սերժանտ,
Արա Յուրիկի Ափյան` թիվ N զորամասի պայմանագրային զինծառայող, շարքային,
Իգոր Համլետի Մանուկյան` թիվ N զորամասի պայմանագրային զինծառայող, շարքային,
Դավիթ Աշոտի Գևորգյան` թիվ N զորամասի պայմանագրային զինծառայող, շարքային,
Գարիկ Վաչագանի Բեգլարյան` թիվ N զորամասի պայմանագրային զինծառայող, շարքային,
Վահե Վաչիկի Գասպարյան` թիվ N զորամասի պայմանագրային զինծառայող, շարքային,
Ավագ Գևորգի Ռևազյան` թիվ N զորամասի պայմանագրային զինծառայող, շարքային,
Լևոն Գագիկի Եղիազարյան` թիվ N զորամասի պայմանագրային զինծառայող, շարքային,
Տիգրան Վահանի Զաքարյան` թիվ N զորամասի պայմանագրային զինծառայող, շարքային,
Սերգեյ Պավելի Բալբաբյան` թիվ N զորամասի պայմանագրային զինծառայող, շարքային,
Գոռ Արտուշի Իսախանյան` թիվ 95532 զորամասի պայմանագրային զինծառայող, շարքային,
Հայկ Մկրտչի Մկրտչյան` թիվ N զորամասի ժամկետային պարտադիր զինծառայող, շարքային,
Գոռ Վարդանի Երմալովյան` թիվ N զորամասի ժամկետային պարտադիր զինծառայող, շարքային,
Իսրայել Գագիկի Ակինյան` թիվ N զորամասի ժամկետային պարտադիր զինծառայող, շարքային,
Ավետիս Հակոբի Վարդանյան` թիվ N զորամասի ժամկետային պարտադիր զինծառայող, շարքային,
Վաղարշակ Հրաչիկի Բաղդասարյան` թիվ N զորամասի ժամկետային պարտադիր զինծառայող, շարքային,
Մորիս Գագիկի Խումարյան` թիվ N զորամասի ժամկետային պարտադիր զինծառայող, շարքային,
Գրիգոր Արայիկի Հովսեփյան` թիվ N զորամասի ժամկետային պարտադիր զինծառայող, շարքային,
Հարություն Ալիկի Պապեյան` թիվ N զորամասի ժամկետային պարտադիր զինծառայող, շարքային,
Արման Արշակի Մանուչարյան` թիվ N զորամասի ժամկետային պարտադիր զինծառայող, շարքային,
Գառնիկ Մանուկի Խաչատրյան` թիվ N զորամասի ժամկետային պարտադիր զինծառայող, շարքային,
Գարիկ Վալենտինի Մարգարյան` թիվ N զորամասի ժամկետային պարտադիր զինծառայող, շարքային,
Ռոբերտ Արտաշեսի Անանյան` թիվ N զորամասի ժամկետային պարտադիր զինծառայող, շարքային,
Հովհաննես Սմբատի Հովհաննիսյան` թիվ N զորամասի ժամկետային պարտադիր զինծառայող, շարքային,
Գևորգ Մնացականի Մնացականյան` թիվ N զորամասի ժամկետային պարտադիր զինծառայող, շարքային,
Արտյոմ Սարգսի Քոլանջյան` թիվ N զորամասի զինծառայող, ավագ սերժանտ,
Ռուբեն Ռաֆայելի Կիրակոսյան` թիվ N զորամասի զինծառայող, շարքային,
Համլետ Վլադիկի Աբրահամյան` թիվ N զորամասի զինծառայող, շարքային:
Հիշեցնենք` արդախյան վերջին պատերազմի զոհերի վերջնական թիվը մինչև այսօր հայտնի չէ։ Փետրվարի 18-ին ՀՀ գլխավոր դատախազությունը հայտնել էր, որ նույնականացվել է 3389 զինծառայողի մարմին։
թեգերը:
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։