ՀՀ վարչապետ Կարեն Կարապետյան

Կարեն Կարապետյան. ես վստահում եմ իմ թիմին

136
(Թարմացված է 02:08 06.12.2016)
Վարչապետ Կարեն Կարապետյանը հանդիպել է հայաստանյան ԶԼՄ-ների ղեկավարների հետ։ Վարչապետի հետ հանդիպմանը ներկա է եղել նաև Sputnik Արմենիայի գլխավոր խմբագիր Ալինա Օրդյանը։ Կարեն Կարապետյանը լրատվամիջոցների ղեկավարներին ներկայացրել է իր ծրագրերը։

ԵՐԵՎԱՆ, 6 դեկտեմբերի —Sputnik. Շատ է շահարկվում Գազպրոմի աշխատակիցներին կառավարությունում ընդգրկելու հարցը, սակայն, նախ՝ դա այնքան էլ այդպես չէ, հետո էլ՝ ես վստահում եմ իմ թիմին, գիտեմ, որ նրանք պրոֆեսիոնալներ են, ԶԼՄ-ների ղեկավարների հետ հանդիպման ժամանակ, որին ներկա է եղել նաև Sputnik Արմենիայի գլխավոր խմբագիր Ալինա Օրդյանը, հայտնել է ՀՀ վարչապետ Կարեն Կարապետյանը։

Նա կարևորել է թիմակիցների բարոյական կերպարը, նշել, որ ճանապարհ է անցել նրանց հետ և երկրում բարեփոխումների հրամայականը նրանք ի կատար են ածելու։

Վարչապետը ևս մեկ անգամ շեշտել է, որ ՀՀԿ-ին անդամակցելու ճանապարհին որևէ պարտադրանք չի եղել. նա դիմել է այդ քայլին՝ ելնելով համոզմունքներից։ Գազպրոմի աշխատակիցներին նույնպես ոչ ոք չի ստիպել կուսակցական դառնալ։

Անդրադառնալով տնտեսությանը, Կարեն Կարապետյանը դժվարացել է կանխատեսել, թե կոնկրետ որքան կլինի ներդրումների չափը 2017 թվականին, սակայն ասել է, որ բիզնեսի համար արդար միջավայր կապահովվի, կվերացնեն խոչընդոտները, ինչը հնարավորություն կտա հստակեցնել վիճակը։

Ինչ վերաբերում է իր ապագային, ապա վարչապետը 2018-ից հետո էլ իրեն տեսնում է նույն պաշտոնում, քանի որ առավել, քան վստահ է՝ վարչակազմը կարդարացնի ժողովրդի սպասելիքները, կաշխատի արդյունավետ ու պահանջված կլինի։

136
թեմա:
ՀՀ վարչապետ Կարեն Կարապետյան (40)