ԵՐԵՎԱՆ, 15 նոյեմբերի — Sputnik. Վստահ եմ` ՀՀ-ում չկա որևէ քաղաքացի, որը դեմ կլինի օգնել բանակին, խնդիրը հարցի արժեքն է, վստահության բացակայությունը: Այսօր ԱԺ նիստի սկզբում հայտարարեց ԱԺ ԲՀԿ խմբակցության ղեկավար Նաիրա Զոհրաբյանը` միաժամանակ կոչ անելով նախ պարզել և պատժել բանակը թալանած անձանց:

Պատգամավորը հիշեցրեց, որ ապրիլյան քառօրյա պատերազմից հետո պաշտոնանկ արվեցին բանակի բարձրաստիճան պաշտոնյաներ, և հարց ուղղեց հարակից զեկուցող, ԱԺ պաշտպանության հանձնաժողովի նախագահ Կորյուն Նահապետյանին։

«Ինչու՞ նրանք պաշտոնանկ արվեցին, լավ աշխատելու համա՞ր»,- ասաց Զոհրաբյանը:

Բացի այդ, պատգամավորը մատնանշեց, որ բանակում այսօր էլ կան գեներալներ, որոնք ճոխ կյանքով են ապրում և կոչ արեց պարզել, թե որտեղից է նրանց այդ «աստղաբաշխական» հարստությունը:

© Sputnik / Asatur Yesayants

Զինծառայողների ընտանիքների աջակցության հիմնադրամի գումարները կծառայեն իրենց նպատակին

Կորյուն Նահապետյանը նշեց, որ բանակի պաշտոնյաները պաշտոնանկ են արվել «ծառայողական պարտականությունները ոչ պատշաճ կատարելու համար», ապա ավելացրեց, թե պատասխանատվությունը պարտադիր չէ, որ լինի քրեական, կարող է լինել նաև կարգապահական պատասխանատվություն: Ինչ վերաբերում է գեներալների հարստությանը, ԱԺ հանձնաժողովի նախագահը մատնացույց արեց նրանց` օրենքով ներկայացված գույքի և ունեցվածքի հայտարարագրերը` նշելով, որ դրանցում կան պատգամավորի հնչեցրած հարցի պատասխանները:

Նաիրա Զոհրաբյանի հարցադրումը շարունակեց նաև ԱԺ ՕԵԿ խմբակցության ղեկավար Հեղինե Բիշարյանը` նշելով նաև փողի տեղը:

«Եկեք գնանք բանակի գեներալների տները և տեսնենք, թե ինչպես են ապրում: Միայն նրանց քշած ջիպերը բավական են բանակին աջակցելու համար: Էլ պետք չէ հիմնադրամ ստեղծել, 1000 դրամներ հավաքել»,- ասաց Բիշարյանը:ՀՀ կառավարությունը հանդես է եկել առաջարկով, որի համաձայն` երկրի յուրաքանչյուր աշխատող քաղաքացու աշխատավարձից ամսական 1000 դրամ պետք է փոխանցվի բանակի կարիքներին։

Հայրենիքի պաշտպանության ժամանակ կյանքը զոհված և առողջությունը վնասած զինծառայողներին և նրանց ընտանիքիներին հատուցելու համար կառավարությունը կներդնի նոր համակարգ: Դրա հիմնասյունը լինելու է հատուկ հիմնադրամը, որի միջոցները ձևավորվելու են նվիրատվություններից, փոխառություններից, դրամաշնորհային գումարներից, հիմնադրամի սկզբնական միջոցներից, նաև յուրաքանչյուր աշխատող քաղաքացու աշխատավարձից պարտադիր գանձվող 1000 դրամ գումարից:

Զոհվածների և 1-ին խմբի հաշմանդամություն ստացած զինծառայողների ընտանիքները միանվագ կստանան 10 մլն դրամ, 2-րդ խմբի հաշմանդամները՝ 5 մլն, իսկ հետագայում՝ 20 տարվա ընթացքում, կստանան ամսական 300 հազար դրամ: Սպաների համար այդ գումարը կկազմի ամսական 300 հազար դրամ, ենթասպաների համար՝ 250 հազար դրամ, շարքայինների համար՝ 100 հազար դրամ: Այսինքն, սպային կամ նրա ընտանիքին 20 տարվա ընթացքում կհատկացվի 82 մլն դրամ, ենթասպաներին՝ 70 մլն, շարքայիններին՝ 58 մլն։ II խմբի հաշմանդամություն ստացած զինծառայողներն ամսական կստանան 200 հազար դրամ, 150 և 100 հազար դրամ համապատասխանաբար։ Դրամական միջոցները կստանան զինծառայողների ծնողներն ու երեխաները, ինչպես նաև մինչև 23 տարեկան եղբայրներն ու քույրերը։

ԵՐԵՎԱՆ, 5 մարտի -  Sputnik. Ռուսաստանում ավարտվել է «Սպուտնիկ Լայթ» պատվաստանյութի կլինիկական փորձարկումների երկրորդ փուլը։ Տեղեկությունը հայտնել է Ռուսաստանի առողջապահության նախարար Միխայիլ Մուրաշկոն:

«Հիմա տվյալներն ուղղվել են փորձագիտական գնահատական ստանալու», - ասել է նա լրագրողներին։

© Sputnik / Валерий Мельников

Հայաստանը նախ «Սպուտնիկ V» կգնի. քանի՞ մարդու կբավականացնի կորոնավիրուսի պատվաստանյութը

Երրորդ փուլի անցկացման թույլտվությունն արդեն կա, այն տրամադրվել է փետրվարի կեսերին: Այս ուսումնասիրությունը կկատարվի երկու խմբերի համար։ Կօգտագործվի նաև պլացեբո։ Ուսումնասիրությունը պետք է ավարտվի մինչև 2022 թվականի հունվարի 28-ը:

«Սպուտնիկ Լայթ» պատվաստանյութը մտնում է «Սպուտնիկ» շարքի մեջ, այն մշակվել է Գամալեայի կենտրոնի կողմից՝ մարդու ադենովիրուսային վեկտորների լավ ուսումնասիրված հարթակում ուղղակի ներդրումների ռուսական հիմնադրամի հետ համատեղ:

Ուղղակի ներդրումների ռուսական հիմնադրամի ղեկավար Կիրիլ Դմիտրիևի խոսքով՝ «լայթ տարբերակը» հիմնականում ուղղված է արտաքին շուկաներին, որտեղ կան ուժեղ համաճարակային օջախներ, իսկ Ռուսաստանում առաջատար կմնա «Սպուտնիկ V»-ն:

Ռուսաստանի թշնամիները վախենում են «Սպուտնիկ V»-ի հաջողությունից. Դմիտրիև

Գամալեայի կենտրոնի տնօրեն Ալեքսանդր Գինցբուրգն ասել է, որ այդ երկրներում «Սպուտնիկ Լայթի» օգտագործումը հնարավորություն է տալիս նվազեցնել հիվանդացության մակարդակն ու ծանրաբեռնվածությունը տեղական առողջապահության համար: Նա ավելացրել է, որ պատվաստումից հետո իմունիտետը կպահպանվի, ամենայն հավանականությամբ, մոտ երեք-չորս ամիս, իսկ պատվաստման արդյունավետությունը կկազմի մոտ 85%:

Սխեման ներառում է միայն մեկ ներարկում («Սպուտնիկ V»-ի առաջին բաղադրիչը) ու կարճ ժամանակահատվածում հակամարմինների արտադրություն։ Ընդ որում, նույնիսկ եթե պատվաստվածը վարակվի կորոնավիրուսով, նրան հիվանդության ծանր ընթացք չի սպառնում, քանի որ վիրուսի հարուցիչը թոքեր չի իջնի: Պաշտպանությունը երկարացնելու համար երեք ամիս անց կարելի է ներարկել երկրորդ մասը: