Երևան

Նոյեմբերի ձմեռային անակնկալը

8
Նոյեմբերի 2-ին հանրապետությունում սպասվում են առատ տեղումներ, լեռնային և նախալեռնային գոտիներում՝ հիմնականում ձյան տեսքով, առանձին ճանապարհահատվածներում սպասվում է բուք, ցածր տեսանելիություն և մերկասառույց:

ԵՐԵՎԱՆ, 1 նոյեմբերի – Sputnik. Նոյեմբերի 2-ի լույս 3-ի գիշերը Տավուշի և Սյունիքի հովտային գոտիներում, Արագածոտնի և Վայոց ձորի նախալեռներում, Արարատյան դաշտում հնարավոր է 0-ից —2 աստիճան ցուրտ: Այս մասին հայտնում է «Հիդրոմետ» ծառայությունը։

Հանրապետության տարածքում նոյեմբերի 2-ին ժամանակ առ ժամանակ սպասվում են տեղումներ, լեռնային և նախալեռնային գոտիներում՝ ձյուն, նոյեմբերի 3-6-ը սպասվում է առանց տեղումների եղանակ:

Քամին կլինի արևմտյան՝ 3-8 մ/վ արագությամբ:

Օդի ջերմաստիճանը նոյեմբերի 2-ի ցերեկն էապես չի փոխվի, 3-ի գիշերը կնվազի 5-7 աստիճանով, 4-5-ը կբարձրանա 4-5 աստիճանով:

Երևանում նոյեմբերի 2-ին ժամանակ առ ժամանակ սպասվում է անձրև, նոյեմբերի 3-6-ը սպասվում է առանց տեղումների եղանակ:

Նոյեմբերի 2-ին մայրաքաղաքում ցերեկային ժամերին օդի ջերմաստիճանը կկազմի 6-8 աստիճան տաքություն, հոկտեմբերի 3-ին` 8-10, հոկտեմբերի 4-ին` 10-12 աստիճան, 5-ին և 6-ին` 11-13 աստիճան տաքություն։

 

8