1. Հայերը գինեգործությամբ զբաղվող ամենահին ազգն են աշխարհում։

Ասվածի ապացույցն է 2011թ. «Արենի- 1» քարանձավային համալիրում գինեգործության արհեստի ավելի քան 6.000 տարվա պատմություն ունեցող վկայությունների հայտնագործությունը:

2. Հայերն աշխարհում առաջինն են, որ քրիստոնեությունը պետական կրոն են ընդունել:

3. Հայաստանը հինավուրց վանքերի ու եկեղեցիների երկիր է:

Հայաստանում վանքերն ու եկեղեցիներն այնքան շատ են, որ հնարավոր չէ դրանց շարքում ընտրել լավագույնը: Մասնավորապես Տաթևի վանական համալիրի գեղեցկությունն ուղղակի ապշեցնող է:

4. Շախմատը ներառված է հանրակրթական դպրոցների ուսումնական ծրագրում։

5. 1915թ. տեղի ունեցած Հայոց ցեղասպանության ժամանակ 1.5 մլն հայ է սպանվել:

Ծիծեռնակաբերդ

6. Հայաստանի սահմաններից դուրս շատ ավելի հայ է ապրում, քան երկրում:

1915թ. դեպքերը ստիպել են միլիոնավոր հայերի գաղթել արտասահման ու հետագայում այնտեղ խոշոր համայնքներ ստեղծել։ Հայաստանի սահմաններից դուրս ապրում է մոտ 5.6 մլն հայ:

7. Հայաստանը համաշխարհային ճանաչում ունեցող մի շարք աստղերի՝ Շերի, Անդրե Աղասիի, Սերժ Թանկյանի, Քարդաշյանների պատմական հայրենիքն է:

 

8. Հայերը հավատում են, որ Նոյյան տապանը հանգրվանել է Արարատ լեռան կատարին՝ չնայած, որ իրականացված բազմաթիվ գիտարշավների արդյունքում տապանն այդպես էլ չի հայտնաբերվել:

9. Հայաստանի ազգային խորհրդանիշներից մեկը Թուրքիայի տարածքում գտնվող Արարատ լեռն է, որը հայերը սրբազան են համարում:

10. Հայաստանն ունի աշխարհի ամենահին մայրաքաղաքներից մեկը։

Երևանը համարվում է աշխարհի ամենահին բնակեցված քաղաքներից մեկը, որը Հռոմից մեծ է 29 տարով:

11. Հայաստանի մայրաքաղաքը հաճախ անվանում են «վարդագույն» քաղաք, քանի որ կենտրոնական հատվածի մի շարք շենքեր կառուցված են վարդագույն տուֆից։

12. Նշանավոր հայկական կոնյակը Մեծ Բրիտանիայի վարչապետ Ուինսթոն Չերչիլի սիրած խմիչքն է եղել։

Հայկական կոնյակի անզուգական համը փորձողների թվում է Մեծ Բրիտանիայի նախկին վարչապետ Ուինսթոն Չերչիլը, որի համար ԽՍՀՄ ղեկավար Իոսիֆ Ստալինը Երկրորդ աշխարհամարտի տարիներին մի քանի տասնյակ արկղ հայկական կոնյակ է ուղարկել:

13. Իրականում Յալթայի պատմական հանդիպման դրական ելքն «ապահովել» են հայկական կոնյակն ու գինին։

Յալթայի կոնֆերանսը, որի ժամանակ Ղրիմում են հանդիպել Չերչիլը, Ստալինն ու ԱՄՆ-ի նախագահ Ֆրանկլին Ռուզվելտը՝ քննարկելու հետպատերազմյան Եվրոպայի զարգացման ուղին, «դրական ելք է ունեցել» հայկական կոնյակի ու գինու շնորհիվ: Չերչիլի օգնականներից մեկն ավելի ուշ խոստովանել է, որ վարչապետն այնպիսի քանակությամբ է ըմպել կովկասյան խմիչքներ, որ բավական էին ցանկացած խելամիտ մարդու թուլացնելու համար:

14. Հայաստանում է գտնվում աշխարհի ամենաերկար հետադարձելի ճոպանուղին` «Տաթևերը»։

15. Հայաստանը պատերազմում է։

Հայաստանի ու հարևան պետության` Ադրբեջանի հարաբերությունների սրման պատճառը Լեռնային Ղարաբաղն է։

16. Կարելի է դահուկներ քշել Ծաղկաձորում։

17. Գարունն ասոցացվում է արագիլների հետ։

18. Հայաստանն այս տարի օլիմպիական մեդալներով վերադարձավ Ռիոյից։

19. Հայկական հացը՝ լավաշը, ներառված է ՅՈՒՆԵՍԿՕ-ի ոչ նյութական արժեքների համաշխարհային ժառանգության ցանկում:

20. Հայերը սիրու՞մ են Շակիրային։

Հայերից շատերը հիացմունք ապրեցին, երբ հարևան Ադրբեջանում կայացած համերգի ժամանակ հայտնի երգչուհի Շակիրան սխալ էր բռնել Կոլումբիայի դրոշը։ Իսկ այն հակառակ պահելու դեպքում վերածվում է Հայաստանի եռագույնի։

21. Հայաստանը կարող է պարծենալ իր Սևանա լճով, որն ամենամեծն է Կովկասում։

22. Հայ կանայք ամենասեքսուալն են ճանաչվել աշխարհում։

ԱՄՆ-ում բնակվող 44.000 տղամարդու շրջանում անցկացված սոցհարցման արդյունքը եղել է ահա այսպիսին: Չի բացառվում, որ արդյունքն առավելապես պայմանավորված է հեռուստաաստղ Քիմ Քարդաշյանի ունեցած հաջողությամբ:

23. Հայերը մեծ հաջողություններ չունեն ֆուտբոլում։

24. Հայաստանի կոթողներից երեքն ընդգրկված են ՅՈՒՆԵՍԿՕ-ի համաշխարհային ժառանգության ցուցակում` Հաղպատ և Սանահին վանքերը, Էջմիածնի մայր տաճարն ու Զվարթնոց հուշահամալիրը։

25. Հայաստանում այբուբենին նվիրված հուշարձան կա:

ԵՐԵՎԱՆ, 5 մարտի -  Sputnik. Ռուսաստանում ավարտվել է «Սպուտնիկ Լայթ» պատվաստանյութի կլինիկական փորձարկումների երկրորդ փուլը։ Տեղեկությունը հայտնել է Ռուսաստանի առողջապահության նախարար Միխայիլ Մուրաշկոն:

«Հիմա տվյալներն ուղղվել են փորձագիտական գնահատական ստանալու», - ասել է նա լրագրողներին։

Երրորդ փուլի անցկացման թույլտվությունն արդեն կա, այն տրամադրվել է փետրվարի կեսերին: Այս ուսումնասիրությունը կկատարվի երկու խմբերի համար։ Կօգտագործվի նաև պլացեբո։ Ուսումնասիրությունը պետք է ավարտվի մինչև 2022 թվականի հունվարի 28-ը:

«Սպուտնիկ Լայթ» պատվաստանյութը մտնում է «Սպուտնիկ» շարքի մեջ, այն մշակվել է Գամալեայի կենտրոնի կողմից՝ մարդու ադենովիրուսային վեկտորների լավ ուսումնասիրված հարթակում ուղղակի ներդրումների ռուսական հիմնադրամի հետ համատեղ:

Ուղղակի ներդրումների ռուսական հիմնադրամի ղեկավար Կիրիլ Դմիտրիևի խոսքով՝ «լայթ տարբերակը» հիմնականում ուղղված է արտաքին շուկաներին, որտեղ կան ուժեղ համաճարակային օջախներ, իսկ Ռուսաստանում առաջատար կմնա «Սպուտնիկ V»-ն:

Ռուսաստանի թշնամիները վախենում են «Սպուտնիկ V»-ի հաջողությունից. Դմիտրիև

Գամալեայի կենտրոնի տնօրեն Ալեքսանդր Գինցբուրգն ասել է, որ այդ երկրներում «Սպուտնիկ Լայթի» օգտագործումը հնարավորություն է տալիս նվազեցնել հիվանդացության մակարդակն ու ծանրաբեռնվածությունը տեղական առողջապահության համար: Նա ավելացրել է, որ պատվաստումից հետո իմունիտետը կպահպանվի, ամենայն հավանականությամբ, մոտ երեք-չորս ամիս, իսկ պատվաստման արդյունավետությունը կկազմի մոտ 85%:

Սխեման ներառում է միայն մեկ ներարկում («Սպուտնիկ V»-ի առաջին բաղադրիչը) ու կարճ ժամանակահատվածում հակամարմինների արտադրություն։ Ընդ որում, նույնիսկ եթե պատվաստվածը վարակվի կորոնավիրուսով, նրան հիվանդության ծանր ընթացք չի սպառնում, քանի որ վիրուսի հարուցիչը թոքեր չի իջնի: Պաշտպանությունը երկարացնելու համար երեք ամիս անց կարելի է ներարկել երկրորդ մասը: