Գյուրզա

Մարդը ներխուժել է սողունի տարածք

51
(Թարմացված է 23:53 07.08.2016)
Մարդիկ սարսափում են սողուներից, հատկապես՝ օձերից։ Տպավորություն է, թե սողուները շատացել են, այնինչ նրանք ավելի շատ չեն ուզում, որ խաչվի իրենց ու մարդու ճանապարհը։ Հայաստանում ապրող 23 տեսակ օձից թունավոր է չորս տեսակը։

ԵՐԵՎԱՆ, 7 օգոստոսի-Sputnik. Օձերի վարքի, թունավորության աստիճանի և նրանց հանդիպելիս մարդու դրսևորած վարքագթի մասին Sputnik Արմենիան զուցել է բնապահպանության նախարարության կենսառեսուրսների կառավարման գործակալության բնության հատուկ պահպանվող տարածքների և դենդրոպարկերի կառավարման բաժնի պետ Արամ Աղասյանի հետ։

Բնապահպանության ներկայացուցիչը պնդում է, որ շինարարությունը, բնակելի տարածքի ընդլայնումը կենդանական աշխարհը դուրս են մղում բնականոն հունից։

Սողունները ոչ թե շատացել են, այլ մարդն է ներխուժել նրանց տարածք։ Հայաստանում կա 23 տեսակի օձ, որից ընդամենը չորսն է թունավոր՝ կովկասյան գյուրզան, հայկական, լեռնատափաստանային, դայրովսկու իժերը։

Օձերը չեն շատացել, հակառակը, Արամ Աղասյաը ասում է, որ նրանք պակասել են։ ՈՒղղակի սողունների և մարդու հանդիպման հավանականությունն է մեծացել։

Մարդը սողունին դուրս է մղում իր էկոհամակարգից։ Մարդու կյանքի համար վտանգավոր են գյուրզան և հայկական իժը, սակայն բոլոր բուժհիմնարկներում հակաթույներ կան,և հնարավոր է փրկել մարդու կյանքը։

Թունավոր օձերին ոչ թունավորներից կարելի է տարբերել արտաքին տեսքով։

Արամ Աղասյանի նկարագրելով, թունավոր օձերի մարմինն անհամաչափ է՝ պոչը կտրուկ նեղ է, իսկ ոչ թունավորների մարմինը համաչափ է։

Թունավոր օձի աչքի բիբը շեղ է, ոչ թունավորնը՝ կլոր։ Թունավորների մարմնի թեփուկները խոշորությամբ նման են գլխի թեփուկներին, իսկ ոչ թունավորներին գլխի վրա խոշոր վահանակներ կան։

Օձի հանդիպելիս մարդը պետք է հանգիստ պահի իրեն, աշխատի չշարժվել, այդժամ օձը հանդարտ կհեռանա, քանի որ նա ինքը խուսափում է մարդու հետ հանդիպելուց և երբեք նախահարձակ չի լինում։

Եթե, այդուամենայնիվ, օձը կծել է, անհրաժեշտ է առանց վարանելու վերքից արյունը բերանով քաշել և թափել, դադաղեցնել արյան շրջանառությունը, սրտի աշխատանքը և ճնշումը կարգավորող միջոցներ ընդունել, չվախենալ և անհապաղ դիմել բժշկի։

Անդրադառնալով կարիճներին, Արամ Աղասյանը նշեց, որ Հայաստանում հիմնականում հաստապոչ (շեկ) կարիճներն են տարածված, որոնց խայթոցը թունավոր չէ։ Կան նաև սև կարիճներ, բայց դրանց խայթոցը նույնպես մահացու չէ։

51