ԵՏՄ

ԵԱԶԲ. Հայաստանը կշահի ԵՏՄ-ում միասնական արժույթի ներմուծումից

75
(Թարմացված է 17:34 07.08.2016)
Միասնական արժույթի ներմուծումը դրական կանդրադառնա ԵՏՄ երկրների տնտեսությունների վրա, սակայն մինչ ադ նրանք պետք է նախապատրաստական շրջան անցնեն, կարծում է Եվրասիական բանկի Ինտեգրացիոն հետազոտությունների կենտրոնի տնօրենի տեղակալը:

ԵՐԵՎԱՆ, 7 օգոստոսի — Sputnik. ԵՏՄ երկրների միջև միասնական արժութային միության ստեղծումը դրական կազդի Հայաստանի տնտեսության վրա, ԵԱԶԲ «10 տարի. գաղափարից՝ գործողություն» կլոր սեղանի ժամանակ ասաց ԵԱԶԲ Ինտեգրացիոն հետազոտությունների կենտրոնի տնօրենի տեղակալ Միխայիլ Դեմիդենկոն:

Փորձագետի կարծիքով, Հայաստանից բացի, դրական արդյունք կզգան նաև Բելառուսը և Ղազախստանը:
Նա կարծում է, որ դա առավել շատ կզգացվի առևտրի ծավալների վրա:

«Փոխարժեքի չտատանվելը կնպաստի առևտրի ծավալները մեծացնելուն: Անհրաժեշտություն չկա օգտագործել ռեսուրսներն արժույթի կոնվերսացման և տարբեր արժույթներում հաշվապահական հաշառման համար: Օրինակ, Եվրամիությունում եվրոյի ներմուծումից հետո երկրների միջև առևտուրը 8 տոկոսից դարձել է 29 տոկոս»,- ասաց Դեմիդենկոն:

Նրա կարծիքով, վերոհիշյալ երկրների զգալի օգուտը կպայմանավորվի նաև նրանով, որ դրանք նավթ են ներկրում Ռուսաստանից և Ղազախստանից,
բայց այդ ամենը երկարաժամկետ հեռանկարում կլինի:

Տվյալ փուլում ԵՏՄ բոլոր երկրների հիմնական առևտրային գործընկերը Ռուսաստանն է, մյուս երկրների միջև ցուցանիշը չափազանց ցածր է, թեև ԵՏՄ-ում բարձր է աշխատաշուկայի ինտեգրացման մակարդակը:

Փորձագետը նշում է, որ երկրները բավարար չափով ինտեգրված չեն, դա վերաբերում է տնտեսությունների ծավալին և փոխադարձ ներդրումների ցուցանիշներին: Տվյալ դեպքում ևս մեկ բացասական գործոն է տնտեսությունների դոլարացման մակարդակը:

«Միասնական արժույթի ներմուծումը զուտ քաղաքական որոշում է, որի համար անհրաժեշտ է անցնել տնտեսությունների ադապտացման երկար նախապատրաստական շրջան»,- կարծում է Դեմիդենկոն:

Նրա կարծիքով, միասնական արժութային միություն ստեղծելու ուղղությամբ աշխատելու համար պետք է նվազեցնել դոլարացման մակարդակը, կրճատել գնաճը ԵՏՄ երկրներում, բարելավել համակարգումը և ֆիսքալային դրամավարկային քաղաքականությունը:

75