ԵՐԵՎԱՆ, 27 հուլիսի — Sputnik. Գրող, հրապարակախոս Վահրամ Մարտիրոսյանը կարծում է, որ անկախ Հայաստանի 25 տարվա ընթացքում աստիճանաբար տեղի է ունեցել մտավորականներին հեղինակազրկելու պրոցես։ Դրա համար էլ, ըստ նրա, այսօր չեն գտնվում հանրային լուրջ դեմքեր, որոնք կմասնակցեն իշխանության ու «Սասնա ծռեր» խմբի բանակցություններին։

«Ինչու որպես միջնորդ Արմենչիկին չբերեցին բանակցելու, վաստակավոր արտիստի կոչում եք տվել. Դա՞ է մտավորականության չափանիշը»,-ասաց Մարտիրոսյանը։

Չնայած ստեղծված իրավիճակին` հրապարակախոսը կարծում է, որ բանակցելու հնարավորությունը լիարժեք սպառված չէ։

Ազատ Արշակյանն էլ ստեղծված իրավիճակի հանգուցալուծումը տեսնում է միայն Կառավարության հրաժարականի գնով։

«Պետք է պաշտոնանկ արվի կառավարությունը, ձևավորվի նոր կառավարություն հատուկ ֆունկցիայով`հակակոռուպցիոն, գոնե մի անգամ 25 տարի հետո լինի մի կառավարություն, որը կոռուպցիոն չի լինի։ Մի հատ տեսնենք ինչ կա, հայ մարդ կա՞, որ կոռուպցիայի մեջ ներգրավված չէ։ Նախագահը որոշում կայացնելուց առաջ պետք է հրավիրի հասարակական կազմակերպություններին, քաղաքական կուսակցություններին»,-ասաց Արշակյանը։

Գերագույն խորհրդի նախկին պատգամավորը ևս կարծում է, որ մինչև օրս չգտնվեց մեկը, որ պատշաճ ու արդյունավետ կերպով կբանակցեր երկու կողմի հետ։ Իսկ լարվածությունն ամրապնդում են վերջնագրերը, որ ունեն իշխանությունն ու զինյալ խումբը։

«Հայաստանում հեղինակություններ չգտնվեցին, որ կրակոցներ ու արյունահեղություն չլիներ։ Իշխանությունը և զինյալները մտան փակուղի, որովհետև երկուսն էլ պատրաստ չէին խնդիրն առանց արյունահեղության լուծելու»,-ասաց նա։

Այս պահին, չնայած արդեն շատ արյուն է հոսել, բանախոսների խոսքով, դեռ հնարավոր է հետքայլ անել։ Թե՛ իշխանությունը, թե՛ «Սասնա ծռերը» պետք է դրա համար բարի կամք դրսևորեն։

ԵՐԵՎԱՆ, 5 մարտի - Sputnik. Երեկ Արցախի հարավային թևում ԱՀ ներքին գործերի նախարարության ԱԻ պետական ծառայության փրկարար ջոկատների որոնողական աշխատանքները դարձյալ արդյունք չեն տվել: Տեղեկությունը հայտնում է ԱՀ ներքին գործերի նախարարության մամուլի ծառայությունը։

© Photo : Facebook / ԱՀ Արտակարգ իրավիճակների պետական ծառայություն

Զինծառայողների աճյուններ կփնտրեն Հադրութի շրջանում և Քաշաթաղի շրջանի հարավային թևում

44–օրյա պատերազմի օրերին տարածքը թիրախավորվել և հրկիզվել էր թշնամու արձակած հրթիռից:

Նախարարությունից նշում են, սակայն, որ Մարտակերտի զորամասերից մեկի հավաքակայանից ԱԻ ծառայությանն է փոխանցվել նախնական տվյալներով 2 զինծառայողի մասունք:

Վերջիններիս ինքնությունը պարզ կլինի միայն դատաբժշկական փորձաքննությունից հետո:

Նշենք, որ 2 օր առաջ նույն վայրից փոխանցվել էր ևս մեկ զինծառայողի մասունք:

Զինադադարից հետո մինչ օրս հայտնաբերվել է ընդհանուր 1488 աճյուն:

Երանի էի տալիս, որ գերի ընկած լինի, ապա` որ գտնենք մարմինը. Տիգրանի ծնողների դժոխքի ճամփան

Որոնումներն այսօր շարունակվում են Հադրութի և Վարանդայի (Ֆիզուլի) շրջաններում:

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Անհետ կորածների, գերիների ու վիրավորների թվի մասին պաշտոնական տվյալներ չկան։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը