ԵՐԵՎԱՆ, 12 հունիսի — Sputnik. Անդրանիկ Մարգարյանի ծննդյան օրվա կապակցությամբ նախագահ Սերժ Սարգսյանը հունիսի 12-ին այցելել է Կոմիտասի անվան այգու պանթեոն` հարգանքի տուրք մատուցել պետական, քաղաքական գործչի հիշատակին:
ՀՀ նախագահի մամուլի ծառայությունը, Սերժ Սարգսյանին ուղեկցել են ԼՂՀ նախագահ Բակո Սահակյանն ու ՀՀ բարձրագույն ղեկավարությունը:
Մատուցված պատարագից հետո նախագահները մոտեցան Անդրանիկ Մարգարյանի ընտանիքի անդամներին, շնորհավորեցին վարչապետի ծննդյան օրն ու հարգանքի տուրք մատուցեցին նրա վառ հիշատակին:
Sputnik Արմենիայի հետ զրույցում Անդրանիկ Մարգարյանի քույրը՝ Անահիտ Մարգարյանը, նշեց, որ եղբայրն ամուր կանգնած էր իր երկրի ու ընտանիքի թիկունքին:
Քրոջ համար այս օրը հակասական զգացողություններ է առաջացնում: Մի կողմից ուրախ է, որ ծնվել է պետության համար մեծ ներդրում ունեցող անհատականություն, մյուս կողմից էլ տխրում է, որ եղբոր կյանքը շուտ ավարտվեց ու կիսատ թողած գործեր մնացին:
Անդրանիկ Մարգարյանը ծնվել է 1951 թվականի հունիսի 12-ին Երևանում։ Նա Հայաստանի վարչապետ է եղել 2000-2007 թվականներին։ 2005 թվականին ընտրվել է ՀՀԿ նախագահ։ Պարգևատրվել է ՀՀ ՊՆ «Գարեգին Նժդեհ», «Արամ Մանուկյան», «Ֆրիտյոֆ Նանսեն», «Վազգեն Սարգսյան» մեդալներով։
