ԵՐԵՎԱՆ, 24 մայիսի — Sputnik. Ինչպես գրում է թերթը, իրավապահները փորձում են գոնե առայժմ գաղտնի պահել նախարարի թիկնապահների ձերբակալությունները:
«Մեզ հաջողվեց ճշտել, որ ձերբակալվածները հինգն են: Նրանցից երեքին արդեն կալանավորել են: Սույն «միջոցառումը» տեղի է ունեցել ինչ-որ քրեական գործի շրջանակում: Առավել մանրամասներ մեզ առայժմ հայտնի չեն»,- նշված է հոդվածում:
Մոտ երկուսուկես ամիս առաջ մամուլում հրապարակում եղավ, որ Գագիկ Բեգլարյանի թիկնապահները ծեծի էին ենթարկել «Վենետիկյան պալատ» ռեստորանային համալիրի սեփականատիրոջ որդուն՝ գործարարությամբ զբաղվող 25-ամյա Սերգեյ Աբովյանին, որը մի քանի հայտնի խանութներ ունի՝ «Goodlife», «Gallery of Brands»:
Վիճաբանությունը ծագել էր մեքենային ճանապարհ չզիջելու համար, վեճը վերածվել էր թեժ ծեծկռտուքի, 25-ամյա Աբովյանը բազմաթիվ մարմնական վնասվածքներ էր ստացել, սակայն հիվանդանոց չէր դիմել:
