Ивета Мукучян

Իվետա Մուկուչյանը Հայաստան կժամանի լուսադեմին

92
Նախօրեին կայացած «Եվրատեսիլ-2016»-ի եզրափակիչ փուլում Իվետա Մուկուչյանը գրավեց 7-րդ հորիզոնականը

ԵՐԵՎԱՆ, 15 մայիսի-Sputnik. Եվրատեսիլ-2016-ի Հայաստանի ներկայացուցիչ Իվետա Մուկուչյանն ու հայկական պատվիրակությունը Երևան կժամանեն լուսադեմին: Այս մասին Sputnik Արմենիային հայտնեց Հանրային հեռուստաընկերության PR մենեջեր Արուսիկ Զախարյանը։

Մեր տեղեկություններով՝ ինքնաթիռը վայրէջք կկատարի մայիսի 16-ին` ժամը 04:45-ին:

Հիշեցնենք, որ նախօրեին կայացած «Եվրատեսիլ-2016»-ի եզրափակիչ փուլում Իվետա Մուկուչյանը փայլուն ելույթ ունեցավ` գրավելով 7-րդ հորիզոնականը:

Այս տարի «Եվրատեսիլ-2016» մրցույթն անցկացվեց «Միավորվենք» (Come together) կարգախոսով։

Մրցույթի եզրափակիչ փուլին մասնակցեց 26 երգիչ` երկու կիսաեզրափակիչների հաղթողները, ինչպես նաև մրցույթն ընդունող երկրի՝ Շվեդիայի և «մեծ հնգյակի» երկրների ներկայացուցիչները։

Հայաստանը «Եվրատեսիլ» մրցույթին մասնակցում է 2006թ.-ից: Լավագույն արդյունքները ցույց են տվել երգչուհի Սիրուշոն 2008թ.-ին (չորրորդ տեղ) և Արամ MP3-ն 2014թ.-ին (չորրորդ տեղ):

 

 

92