ԵՐԵՎԱՆ, 2 մայիսի — Sputnik. Մայիսի 6-8-ը Թուրքիայի Ստամբուլ քաղաքում կկայանա Օլիմպիական խաղերի ըմբշամարտի վարկանիշային վերջին մրցաշարը, հայտնում է ՀԱՕԿ լրատվության բաժինը:
Ուղեգրերի համար կպայքարեն ազատ ոճի ըմբշամարտիկներ Դավիթ Սաֆարյանը (65 կգ), Գրիգոր Գրիգորյանը (74 կգ) և Մուսա Մուրթազալիևը (86 կգ):
Ազատ ոճի ըմբշամարտի Հայաստանի հավաքականն ունի 3 ուղեգիր, որոնք նվաճել են Գառնիկ Մնացականյանը (57 կգ), Գեորգի Կետոևը (97 կգ) և Լևան Բերիանիձե (125 կգ):
Մարզիկի հետ մրցավայր կմեկնեն հավաքականի մարզիչներ Սամվել Գևորգյանը և Էդուարդ Սահակյանը:
Հունահռոմեական ոճի ըմբշամարտի Հայաստանի հավաքականը 4 ուղեգիր ունի, որոնք նվաճել են 66 կգ քաշային Միհրան Հարությունյանը, Արսեն Ջուլֆալակյանը (75 կգ), Մաքսիմ Մանուկյանը (85 կգ) և 98 կգ քաշային Արթուր Ալեքսանյանը:
