Юрий Алексеевич Гагарин

Հայկական կոնյակն անհետացավ Գագարինի տիեզերանավից

155
(Թարմացված է 16:00 13.04.2016)
Գագարինի հետ սպիրտի փոխարեն հայկական կոնյակ էին ուղարկել, որպեսզի հարկ եղած դեպքում կոնյակով շփումներ անի

ԵՐԵՎԱՆ, 13 ապրիլի — Sputnik. Երբ Յուրի Գագարինը վայրէջք կատարեց Սարատովի մարզում, զինվորականներից մեկը հայտնաբերեց, որ ինչ-որ մեկը տիեզերագնացի նստարանի տակից թռցրել է հայկական կոնյակը, գրում է Լև Դանիլկինն իր «Յյուրի Գագարին» գրքում։

«Փոքր դետալ. ինչ-որ մեկը գողություն է արել։ Տիեզերանավում, նրա նստարանի տակ հայկական կոնյակ կար։ Երբ ես հերթս հանձնեցի ԱԴՇ ղեկավար մայոր Սարաևին, նրա ենթական` սերժանտ Ալեքսանդրովը, գողացավ այն։ Եվ չվերադարձրեց», — Դանիլկինը ներկայացնում է Ահմեդ Գասիևի հիշողությունները։

Նրա կարծիքով` կոնյակը գողացել է արտադրողա-կարգավարական ծառայության սերժանտը և չի վերադարձրել մի պարզ պատճառով` խմել է ամբողջ շիշը։

Օդաչու Նիկոլայ Կամանինի հիշելով` հայկական կոնյակը տիեզերանավում էր հայտնվել, որովհետև Գագարինն անձեռնմխելի վթարային պահուստում շփումների համար նախատեսված սպիրտի պակաս էր նկատել և առաջարկել էր սպիրտ վերցնել։

Բժիշկները մտածել, մտածել էին ու հրաժարվել Գագարինի գաղափարից` բացատրելով, որ սպիրտի գոլորշին կարող է տիեզերագնացի թունավորման կամ հրդեհի բռնկման պատճառ դառնալ։

«Դե, ուրեմն կոնյակ։ Այն գազեր չի պարունակում և հրդեհի պատճառ չի կարող դառնալ», — ժպտացել է Գագարինը, և հայկական կոնյակը հայտնվել է տիեզերանավում։

Կոնյակն անկշռության պայմաններում փորձարկել է Իվան Կասյանը։ Նրա խոսքով` վարժանքների ժամանակ ինքը մի քանի անգամ կոնյակ է խմել և համոզվել, որ համը պահպանվում է, տհաճ զգացողություններ չկան։

«Անկշռության պայմաններում կոնյակի համն ու հոտը շատ հաճելի էր», — հիշում է Կասյանը։

 

155
Արմեն Հովհաննիսյան

Ձեռքերը կորցրին, երազանքները` ոչ. պատերազմում վիրավորված տղաները բիոնիկ պրոթեզներ կունենան

29
(Թարմացված է 23:31 23.07.2021)
Արդեն մի քանի օր է, ինչ 44–օրյա պատերազմում ձեռքերը կորցրած տղաներից 20–ը Հայրենիքի պաշտպանի վերականգնողական կենտրոնում ձեռքի բիոնիկ պրոթեզներ են ստանում։ Sputnik Արմենիայի նկարահանող խումբը եղել է կենտրոնում, զրուցել տղաների հետ։

Հայրենիքի պաշտպանի վերականգնողական կենտրոնի սենյակներից մեկում ենք։ Ռուսաստանից Հայաստան ժամանած 2 պրոթեզավորողներն ակտիվ այս ու այն կողմ են գնում, համապատասխան մասեր բերում, չափումներ անում, որ պատերազմում ձեռքը կորցրած հերթական երիտասարդին բնականոն կյանքի վերադարձնեն։

Специалисты из России устанавливают бионические протезы армянским военнослужащим в Реабилитационном центре Защитника Отечества
© Sputnik / Aram Nersesyan
Ռուսաստանցի մասնագետները բիոնիկ պրոթեզներ են տեղադրում Հայրենիքի պաշտպանի վերականգնողական կենտրոնում

 

Սենյակի մի անկյունում նստած են 20–ամյա արդեն նախկին ժամկետային զինծառայողներ Արմեն Հովհաննիսյանն ու Սուրեն Դիլբարյանը։ Տղաներն աչք չեն կտրում ռուս մասնագետների աշխատանքից, որոնց պարբերաբար օգնում է ֆիզիոթերապևտ Արամ Մելիքյանը։ Նա դեռ ուսանող է, բայց համատեղությամբ աշխատում է Հայրենիքի պաշտպանի վերականգնողական կենտրոնում, իսկ վերջին 3 ամսներին առաջարկ է ստացել վերապատրաստվելու որպես պրոթեզավորող։ Սիրով համաձայնել է ու անցել գործի։

Специалисты из России устанавливают бионические протезы армянским военнослужащим в Реабилитационном центре Защитника Отечества
© Sputnik / Aram Nersesyan
ֆիզիոթերապևտ Արամ Մելիքյանն ու Արմեն Հովհաննիսյանը

 

Նրա խոսքով`միջինը 3-4 օր է պետք, որպեսզի տղաները նոր պրոթեզներին հարմարվեն։

Դե, իսկ ռուս մասնագետները շատ արագ են աշխատում։ Պատահում է` ընդամենը մեկ օրում ամբողջ ձեռքի բիոնիկ պրոթեզը պատրաստում են ու տեղադրում։

Специалисты из России устанавливают бионические протезы армянским военнослужащим в Реабилитационном центре Защитника Отечества
© Sputnik / Aram Nersesyan
Ռուսաստանցի մասնագետները բիոնիկ պրոթեզներ են տեղադրում Հայրենիքի պաշտպանի վերականգնողական կենտրոնում

 

Տղաները մինչ այս (վերականգնողական բուժման ընթացքում) նաև պրոթեզավորման նախապատրաստական փուլ են անցել. մկանները վարժեցրել են, ֆիզիկապես ու հոգեբանորեն պատրաստվել պրոթեզ օգտագործելուն։

  • Ռուսաստանցի մասնագետները բիոնիկ պրոթեզներ են տեղադրում Հայրենիքի պաշտպանի վերականգնողական կենտրոնում
    Ռուսաստանցի մասնագետները բիոնիկ պրոթեզներ են տեղադրում Հայրենիքի պաշտպանի վերականգնողական կենտրոնում
    © Sputnik / Aram Nersesyan
  • Ռուսաստանցի մասնագետները բիոնիկ պրոթեզներ են տեղադրում Հայրենիքի պաշտպանի վերականգնողական կենտրոնում
    Ռուսաստանցի մասնագետները բիոնիկ պրոթեզներ են տեղադրում Հայրենիքի պաշտպանի վերականգնողական կենտրոնում
    © Sputnik / Aram Nersesyan
  • Ռուսաստանցի մասնագետները բիոնիկ պրոթեզներ են տեղադրում Հայրենիքի պաշտպանի վերականգնողական կենտրոնում
    Ռուսաստանցի մասնագետները բիոնիկ պրոթեզներ են տեղադրում Հայրենիքի պաշտպանի վերականգնողական կենտրոնում
    © Sputnik / Aram Nersesyan
1 / 3
© Sputnik / Aram Nersesyan
Ռուսաստանցի մասնագետները բիոնիկ պրոթեզներ են տեղադրում Հայրենիքի պաշտպանի վերականգնողական կենտրոնում

 

«Այս պրոթեզները բազմաֆունկցիոնալ են. տղաները դրանք կառավարում են մկանային ազդակների միջոցով։ Ամեն ազդակ ունի իր նշանակությունը։ Մեր ռուս գործընկերները պատմում են, որ իրենց պացիենտներից մեկն այս պրոթեզով նույնիսկ միկրսխեմաներ է զոդում»,–ասում է Արամը, հետո ժպիտով հավելում, որ մեր տղաներն էլ պակասը չեն. Մեկն, օրինակ, որոշել է, որ պրոթեզը ստանալուց հետո դաշնամուր նվագել է սովորելու։

Физиотерапевт Арам Меликян в Реабилитационном центре Защитника Отечества
© Sputnik / Aram Nersesyan
Արամ Մելիքյանը

 

Մինչ զրուցում եմ Արամի հետ, տղաները ժպիտով հետևում են մեզ, իսկ զրույցը սկսելուց առաջ վստահեցնում` ամեն ինչ լավ է։

ՀՀ նախագահը կաջակցի վիրավորների պրոթեզավորման գործընթացին

Արմենը 20 տարեկան է։ Ծառայում էր Մատաղիսում, երբ պատերազմը սկսվեց։ Վիրավորվել է հենց առաջին օրը` սեպտեմբերի 27–ին։ Վիրավորման մանրամասների մասին զրույցը ժպիտով շրջանցում է, հետո շտապում ավելացնել, որ պատերազմն իր երազանքները չի կարողացել ջնջել։

Специалисты из России устанавливают бионические протезы армянским военнослужащим в Реабилитационном центре Защитника Отечества
© Sputnik / Aram Nersesyan
Արմեն Հովհաննիսյան

 

«Ընդունվել եմ Ամերիկյան համալսարան, դառնալու եմ ինժեներ-ծրագրավորող։ Սեպտեմբերից գնալու եմ դասի, բացի այդ, այս ընթացքում օնլայն կուրսեր եմ անցել, երեկ էլ վկայական ստացա։ Ես մինչև բանակ գնալս լավ ուսում եմ ստացել, նպատակս հիմա այն է, որ շարունակեմ նույն ձևով, անցնեմ աշխատանքի։Այն, ինչ պետք է անեի բանակից գալուց հետո, (եթե պատերազմ չլիներ) փորձում եմ հիմա անել։ Դե, այսպես է ստացվել, շուտ են զորացրել։ Իմ կյանքի պլանների մեջ ոչինչ չի փոխվել»,–ասում է տղան։

Արմենն արդեն իր բիոնիկ պրոթեզը փորձարկել է, նույնիսկ տուն է տարել, բայց այսօր հետ է բերել , քանի որ մի քիչ փոփոխություններ պետք է արվեն։

Специалисты из России устанавливают бионические протезы армянским военнослужащим в Реабилитационном центре Защитника Отечества
© Sputnik / Aram Nersesyan
Ռուսաստանցի մասնագետները բիոնիկ պրոթեզներ են տեղադրում Հայրենիքի պաշտպանի վերականգնողական կենտրոնում

 

«3 օր հատուկ պարապմունքներ եմ անցել, ծանոթացել եմ բիոնիկ պրոթեզի աշխատանքին, հնարավորություններին։ Մնում է, որ սովորեմ ձեռքիս վրա պրոթեզի քաշին, որովհետև մի տեսակ հետ եմ վարժվել։ Սկզբում անընդհատ ցանկություն կար ձեռքս պրոթեզի միջից հանելու, բայց հետո սովորեցի։ Հիմա բավականին հարմարավետ է։ Դժվարություններ առաջանում են որոշակի դիրքերում օգտագործելիս, բայց դա էլ ժամանակի հարց է. երբ մկաններս ձգվեն, խնդիրներ չեն լինի»,–ասում է տղան։

Ի տարբերություն Արմենի`Սուրենը վիրավորվել է 44–օրյա պատերազմի վերջին օրը, Մարտունի քաղաքում։

Проходящий курс в Реабилитационном центре Защитника Отечества военнослужащий Сурен Дилбарян
© Sputnik / Aram Nersesyan
Սուրեն Դիլբարյանը

 

«Նոյեմբերի 9-ի լույս 10-ի գիշերն էր, երբ հրադադարն արդեն հայտարարվել էր։ Պատերազմին սկզբից մինչև վերջ լիարժեք մասնակցել եմ, բայց դե վերջում «կռիսություն» արեցին ու տեսա, թե ինչպես է ֆոսֆորային սնարյադն ուղիղ ինձ վրա գալիս։ Հիշում եմ միայն, որ չէի տեսնում ոչինչ»,–ասում է տղան։

Հիշում է, թե թոքերում ինչ ցավ էր զգում ու ինչքան դժվար էր ձայն հանելը, բայց վերջին ուժերը հավաքեց ու օգնություն կանչեց։

«Գոռում էի՝ օգնեք, էլի, ախպեր, խնդրում եմ, ու վաշտի հրամանատարի ձայնն եմ հիշում՝ հեսա, Սուր ջան, հանում ենք, դիմացիր։ Մեկ էլ ականջներումս ա մեր ֆելդշեր Միսակի ձայնը. ասում էր`չքնե՛ս Սուրո, հանկարծ չքնես»։

Специалисты из России устанавливают бионические протезы армянским военнослужащим в Реабилитационном центре Защитника Отечества
© Sputnik / Aram Nersesyan
Սուրեն Դիլբարյանը

 

Սուրենը դեմքի և ձեռքի շրջանում ֆոսֆորային այրվածքներ է ստացել։ Երկար ժամանակ բուժվել է։ Բժիշկները տղայի ձեռքը փրկել չեն կարողացել։

Արդեն 3 ամիս է, ինչ նա բուժում է ստանում Հայրենիքի պաշտպանի վերականգնողական կենտրոնում։ Իր բիոնիկ պրոթեզը դեռ չի փորձարկել, ասել են` մեկ շաբաթ հետո իրենն էլ պատրաստ կլինի։

Սուրենը ձեռքի բիոնիկ պրոթեզի աշխատանքը դեռ չի տեսել, փոխարենը ոտքի բիոնիկ պրոթեզն է տեսել, տղաներն ասել են`գոհ են։ Սուրենը չի փոշմանել ոչ մի բանի համար։

Специалисты из России устанавливают бионические протезы армянским военнослужащим в Реабилитационном центре Защитника Отечества
© Sputnik / Aram Nersesyan
Ռուսաստանցի մասնագետները բիոնիկ պրոթեզներ են տեղադրում Հայրենիքի պաշտպանի վերականգնողական կենտրոնում

 

«Պետք լիներ՝ մյուս ձեռքս էլ կտայի, միայն թե հողերի կեսը գոնե հետ բերեինք»,-ասում է տղան։

Պատերազմը Սուրենին շատ է մեծացրել։ Ով նայում է, չի հավատում, որ 20 տարեկան է։ Իսկ նա միանգամից հասունացել է, բայց չի կոտրվել։ Այժմ ընդունվել է Հայաստանի ֆիզիկական կուլտուրայի և սպորտի պետական ինստիտուտ, սովորում է սպորտային լրագրություն բաժնում։

Ասում է`առաջին երազանքն արդեն կատարվել է` Հանրային հեռուստաընկերության եթերում ֆուտբոլ է մեկնաբանել։

© Sputnik
Պատերազմում ձեռքերը կորցրած տղաները փորձարկում են բիոնիկ պրոթեզները

 

Հավելենք, որ բիոնիկ պրոթեզը 36 գործողության հնարավորություն ունի, 18 ֆունկցիան հենց պրոթեզի վրա է, իսկ մնացածը կարգավորվում է հատուկ ծրագրի օգնությամբ։ Որոշակի գործողություններ տղաներն իրենք էլ կարող են ծրագրում ավելացնել և կիրառել։

Նշենք, որ մինչև պատերազմն էր Հայրենիքի պաշտպանի վերականգնողական կետրոնը պրոթեզարանի ստեղծում նախաձեռնել։ Պատերազմից հետո գործին միացել է Հայաստան համահայկական հիմնադրամը։ Միայն 20 երիտասարդի ձեռքի բիոնիկ պրոթեզի համար հիմնադրամը 1 մլն եվրո է հատկացրել։     

Պրոթեզավորման կարիք ունի պատերազմի 115 մասնակից. փոփոխություններ` պրոթեզավորման կարգում

29
թեգերը:
Արցախյան պատերազմ, Պատերազմ, պրոթեզ, ոտքեր, ձեռք
Ըստ թեմայի
«Դե, դե, ծալի՛ր ծունկդ, մի՛ վախեցիր». վիրավոր տղաները գերժամանակակից պրոթեզներ կունենան
Ոտքի գերմանական պրոթեզների հերթական խմբաքանակը Հայաստանում է. լուսանկար
Էլի գոհ էի, որ ողջ եմ. Զինվորի տանը 8 տղաներ առաջին անգամ քայլեցին պրոթեզներով
Ադրբեջանական հենակետ. արխիվային լուսանկար

Հայ–ադրբեջանական սահմանին շարունակում են անկանոն կրակահերթեր հնչել. ՀՀ ՊՆ

214
(Թարմացված է 23:24 23.07.2021)
Ինչ վերաբերում է սահմանի մյուս ուղղություններին, ապա իրավիճակը հարաբերական կայուն է։

ԵՐԵՎԱՆ, 23 հուլիսի - Sputnik. Հայ-ադրբեջանական սահմանի Գեղարքունիքի հատվածում ադրբեջանական կողմից անկանոն կրակահերթերը շարունակվում են ընդհատումներով։ Sputnik Արմենիայի հետ զրույցում տեղեկությունը հայտնեցին ՀՀ պաշտպանական գերատեսչությունից։

«Ինտենսիվ փոխհրաձգություն չկա, սակայն անկանոն կրակահերթեր հնչում են»,- նշեցին նախարարությունից։

Մյուս ուղղություններում իրավիճակը նորմալ է, հարաբերական կայուն։

Նշենք, որ ավելի վաղ Ադրբեջանի պաշտպանության նախարարությունը հայտարարել էր, թե Հայաստանի և Ադրբեջանի զինված ուժերի միջև ինտենսիվ փոխհրաձգություն է Քարվաճառի շրջանում։

ՀՀ ՊՆ–ն իր հերթին հայտնել էր, որ այսօր՝ ժամը 17։00-ի սահմանում, Ադրբեջանի զինված ուժերը կրակ են բացել հայ-ադրբեջանական սահմանի Գեղարքունիքի հատվածում տեղակայված հայկական դիրքերի ուղղությամբ։

Ադրբեջանական կողմի հերթական սադրանքի հետևանքով ինտենսիվ փոխհրաձգության ժամանակ հրազենային թեթև վիրավորում են ստացել ՀՀ ԶՈւ 3 զինծառայող։

Հիշեցնենք` ադրբեջանցի զինվորականները մայիսի 12-ից Հայաստանի Սյունիքի մարզում գտնվող Սև լճի տարածքում են և փորձում են ամրապնդվել այնտեղ։ Նմանատիպ իրավիճակ է նաև Գեղարքունիքի մարզի Կութ, Վերին Շորժա և Նորաբակ գյուղերի հատվածում։

Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցությունները արդյունք չտան։

Իսկ հուլիսի 14-ին հայ-ադրբեջանական Երասխի հատվածում ադրբեջանական ԶՈւ ստորաբաժանումները մարտական դիրքերի առաջխաղացման նպատակով փորձել էին ինժեներական տեխնիկայի կիրառմամբ ամրաշինական աշխատանքներ իրականացնել: Հայկական կողմի՝ նշված աշխատանքները դադարեցնելուն միտված հակազդող գործողություններից հետո ադրբեջանցի զինծառայողները նշանառու կրակ էին բացել հայկական դիրքերի ուղղությամբ: Ծավալված փոխհրաձգության հետևանքով ՀՀ ԶՈւ զինծառայող էր մահացել:

Ադրբեջանի զինված ուժերը Երասխի հայկական դիրքերի ուղղությամբ կրակ էին բացել նաև հուլիսի 16-ին և 17-ին։

214
թեգերը:
ՀՀ Պաշտպանության նախարարություն (ՊՆ), կրակոց, Գեղարքունիքի մարզ, հայ-ադրբեջանական, Ադրբեջան
Ըստ թեմայի
Ռուսների տեղակայվելուց հետո գեղարքունիքցին կկարողանա օգտվել խոտհարքներից ու արոտներից
Գիշերը Գեղարքունիքի դիրքերում կրակոցներ են հնչել․ այժմ իրավիճակը հանգիստ է
Ադրբեջանը տարածել է` իբր Գեղարքունիքից կրակ են բացել իրենց ուղղությամբ. ՀՀ ՊՆ–ն հերքում է
Пункт выдачи Wildberries в Москве

Ուկրաինան պատժամիջոցներ է կիրառում Wildberries –ի դեմ. թիրախում նաև հայաստանյան բաժինն է

0
Ռուսաստանում և մի շարք այլ երկրներում գրանցված ռուսական ընկերության ստորաբաժանումներից բացի պատժամիջոցային ցանկում են հայտնվել նաև Ֆրանսիայում գրանցված, սակայն Դոնեցկի ժողովրդական հանրապետության հետ առնչություն ունեցող ոչ առևտրային կազմակերպությունները։

ԵՐԵՎԱՆ, 23 հուլիսի – Sputnik. Ուկրաինան տնտեսական պատժամիջոցներ է կիրառել Wildberries ռուսական ընկերության նկատմամբ։ Համապատասխան հրամանագիրը, որով Ուկրաինայի նախագահ Վլադինիր Զելենսկին գործողության մեջ է դնում Ազգային անվտանգության ու պաշտպանության խորհրդի որոշումը, ստորագրվել է այսօր։ Փաստաթուղթը հրապարակվել է նախագահի կայքում։

Նշվում է, որ պատժամիջոցները տարածվում են նաև ընկերության` Ռուսաստանում, Հայաստանում, Լեհաստանում, Բելառուսում, Ուկրաինայում, Ղրղզստանում և Ղազախստանում գործող ստորաբաժանումների վրա։

Wildberries–ից բացի, Ազգային անվտանգության ու պաշտպանության խորհրդի պատժամիջոցների տակ են հայտնվել ինքնահռչակ Դոնեցկի ժողովրդական հանրապետության և Ղրիմի վարչակազմի հետ կապ ունեցող մի շարք կազմակերպություններ։

Արևմուտքը համաձայնվել է չեղյալ հայտարարել Իրանի դեմ հիմնական պատժամիջոցները. Ռոհանի

Նշված ընկերություններից բացի պատժամիջոցային ցանկում են հայտնվել նաև Ֆրանսիայում գրանցված, սակայն Դոնեցկի ժողովրդական հանրապետության հետ առնչություն ունեցող ոչ առևտրային կազմակերպությունները։

Հրամանագիրն ուժի մեջ է մտնում հրապարակման օրվանից։

Ինչ կտա Իրանի պատժամիջոցների չեղարկումը ՀՀ-ին. փորձագետը՝ նոր հնարավորությունների մասին 

0
թեգերը:
Հայաստան, Ռուսաստան, պատժամիջոցներ, Ուկրաինա