Давид Арутюнян

Ընտրական օրենսգիրքը չի սահմանափակի լրագրողի աշխատանքն ընտրատեղամասերում

38
(Թարմացված է 14:45 23.03.2016)
Ընդդիմությունն ու ԶԼՄ–ների ներկայացուցիչները դժգոհ են Հայաստանի ընտրական օրենսգրքի այն փոփոխություններից, որոնք վերաբերում են ընտրատարածքներում լրագրողների ու վստահված անձանց քանակի սահմանափակմանը

ԵՐԵՎԱՆ, 22 մարտի — Sputnik. Իշխանությունը քննարկում է ընտրատարածքներում լրագրողների քանակի սահմանափակումը վերացնելու հարցը, ԱԺ-ում լսումների ժամանակ ասաց Հայաստանի կառավարության աշխատակազմի ղեկավար, նախարար Դավիթ Հարությունյանը։

Ընտրական օրենսգրքի նախագծով ընտրատեղամասում լրագրողների ու դիտորդների թիվը սահմանափակվում է 8-ով։

«Կարող ենք ընդհանրապես հանել լրագրողների թվի սահմանափակումը, բայց սահմանափակել յուրաքանչյուր լրատվամիջոցի ներկայացուցիչների թիվը, օրինակ` որպեսզի յուրաքանչյուր լրատվամիջոց ունենա առավելագույնը 50 լրագրող, որն իրավունք կունենա մտնել ընտրատեղամասեր»,- պարզաբանել է Դավիթ Հարությունյանը»,- ասաց Հարությունյանը։

Միաժամանակ նրա խոսքով՝ իրենց հիմնական մտահոգությունն այն է, որ այս համակարգով յուրաքանչյուր տարածքում հնարավորություն են ստեղծում ունենալ 100-ից ավել թեկնածու:

«Եթե յուրաքանչյուր թեկնածուն իր վստահված անձն ունենա տեղամասային կենտրոնում, դա կարող է լարվածություն առաջացնել: Այդ պատճառով էլ մենք որոշել ենք սահմանափակել վստահված անձանց թիվը: Սակայն այս դեպքում էլ մնում է մի մտահոգություն, որ թեկնածուի վստահված անձինք տեղամասում կարող են հայտնվել լրագրողի կամ դիտորդի անվան տակ: Եվ այստեղ էր, որ պետք էր լուծում որոնել: Ես արդեն ասացի, թե ինչ տարբերակի ենք մենք հակված լրագրողների մասով, սակայն տեղական դիտորդների մասով լուծումներ դեռ չունենք»,- ասաց Դավիթ Հարությունյանը:

Նրա խոսքով` քննարկումը շարունակվում է։ Նա հույս հայտնեց, որ ի վերջո, կկարողանան փոխհամաձայնության գալ։

 

38