Левон Аронян

Արոնյանը միավորը կիսեց Գիրիի հետ. Հավակնորդների մրցաշար

45
(Թարմացված է 01:04 12.03.2016)
Շախմատի աշխարհի չեմպիոնի հավակնորդների մրցաշարում Հայաստանի հավաքականի առաջատար Լևոն Արոնյանն առաջին խաղն ավարտեց ոչ-ոքի հաշվով

ԵՐԵՎԱՆ, 12 մարտի —Sputnik. Մոսկվայում անցկացվող մրցաշարի առաջին տուրում Արոնյանի մրցակիցը հոլանդացի Անիշ Գիրին էր: Արոնյանը խաղում էր սև խաղաքարերով և պարտիայի 65-րդ քայլին համաձայնեց ոչ-ոքի արդյունքին:

Միաժամանակ ընթացող պարտիաներում ոչ-ոքի ավարտվեց Կարյակին-Սվիդլեր, Նակամուրա-Կարուանա պարտիաները: Աշխարհի նախկին չեմպիոն հնդիկ Վիշի Անանդը հաղթեց Տոպալովին:

Հաջորդ տուրում Արոնյանը կմրցի հենց Անանդի հետ: Մյուս զույգերն են Սվիդլերն ու Տոպալովը, Կարուանան ու Գիրին, Կարյակինն ու Նակամուրան:

Հավակնորդների մրցաշարը կավարտվի մարտի 30-ին։ Մրցաշարի հաղթողը կմրցի աշխարհի գործող չեմպիոն նորվեգացի Մագնուս Կարլսենի հետ։ Աշխարհի ուժեղագույն շախմատիստի կոչումը նվաճելու համար մղվող մրցապայքարը կանցկացվի 2016 թվականի նոյեմբերին ԱՄՆ-ում։



45