Վալովայա. ԵԱՏՀ–ն Եվրասիական միության երկրների տնտեսությունների աճ է ակնկալում
(Թարմացված է 15:00 06.02.2020)
ԵՏՄ գործադիր մարմինը` ԵԱՏՀ–ն, Եվրասիական միության անդամ երկրների տնտեսությունների աճ է ակնկալում։ ԵՐԵՎԱՆ, 8 փետրվարի — Sputnik. Հանձնաժողովը ԵՏՄ երկրների տնտեսությունների աճ է ակնկալում, Sputnik Արմենիա մամուլի կենտրոնում Մոսկվա-Երևան-Աստանա տեսակամրջի ժամանակ ասաց ԵԱՏՀ մակրոէկոնոմիկայի և ինտեգրման հիմնական ուղղությունների նախարար Տատյանա Վալովայան։
Տիգրան Սարգսյանը` փայլուն ընտրություն
Հայաստանի նախկին վարչապետ Տիգրան Սարգսյանն անցել է ԵԱՏՀ նախագահի իր պարտականությունների կատարմանն` այդ պաշտոնում փոխարինելով Ռուսաստանի ներկայացուցիչ Վիկտոր Խրիստենկոյին։
Վալովայայի խոսքով` Սարգսյանը քաջատեղյակ է ինտեգրման գործընթացներին, և «ԵՏՄ երկրների նախագահները փայլուն ընտրություն» են կատարել։
«Հայաստանի` ԵՏՄ-ին անդամակցելու սկզբնական որոշումների կայացման փուլում Սարգսյանը գլխավորում էր Հայաստանի Հանրապետության կառավարությունն ու քաջատեղյակ է ինտեգրման գործընթացին», — նշեց Վալովայան։
Ընդհանուր առմամբ կադրային փոփոխությունները, նրա կարծիքով, միանգամայն տրամաբանական են։ Կոլեգիայի նոր կազմում միության յուրաքանչյուր պետություն նախկին երեքի փոխարեն այժմ ներկայացված է երկու անդամով։ Այսպիսով` փետրվարի 1-ից կոլեգիայի ընդհանուր անդամների թիվը կազմում է 10 մարդ` նախկին 15-ի փոխարեն։
ԵՏՄ Գերագույն խորհրդի որոշման համաձայն` հանձնաժողովում նոր պաշտոն է մտցվել` ներքին շուկաների, տեղեկատվության, տեղեկատվա-հաղորդակցական տեխնոլոգիաների հարցերով կոլեգիայի անդամ (նախարար)։ Այդ պաշտոնը զբաղեցրեց Կարինե Մինասյանը։
Այդպիսով` նոր և հին կադրերի համատեղ աշխատանքի շնորհիվ ավելի արդյունավետ և հաջորդաբար կլուծվեն Միության առաջիկա 4 տարիների խնդիրները։
ԵՏՄ-ն որպես պատասխան գլոբալ տնտեսական ճգնաժամին
ԵՏՄ խնդիրներն ուղղակիորեն կապված են համաշխարհային ճգնաժամի հետ, կարծում է նախարարը։ Նրա կարծիքով` հիմա հազիվ թե հարկ կա խոսել ԵՏՄ երկրներում հետընթացի մասին։
«Ավելի շուտ պետք է խոսել այդ հետընթացից դուրս գալու մասին։ Այն, ինչ մենք այժմ տեսնում ենք, այն տնտեսական գործընթացների շարունակությունն է, որոնք սկսվել են 2007-2008 թվականներին», — նշեց Վալովայան։
Նրա խոսքով` ԵՏՄ երկրներն այժմ գնում են հետընթացից դուրս գալու ճանապարհով, իսկ Միության ստեղծումն արդեն իսկ պատասխան էր գլոբալ ճգնաժամին։
«Պատասխանը համաշխարհային ճգնաժամին պետք է լինի տնտեսության վերակազմավորումը։ Եվրասիայում այս գլոբալ փոփոխությունը դարձավ հենց ԵՏՄ-ի ստեղծումը», — ընդգծեց Վալովայան։
Նա մեկնաբանեց բոլոր ԵՏՄ երկրներում հնչած կասկածներն այն մասին, որ 2015 թվականը չարդարացրեց Միության երկրների տնտեսական սպասումները։ Նրա խոսքով` բացասական աճն ու առևտրի նվազումը, բնականաբար, առկա են, սակայն առանց ինտեգրման բացասական ցուցանիշներն ավելի վատը կլինեին։
Որպես իր խոսքերի ապացույց` Վալովայան բերեց Միության երկրների` այլ երկրների հետ տնտեսական համագործակցության ցուցանիշները, որոնք ավելի շատ անկում են ապրել։
2016 թվականի համար ԵԱՏՀ-ն փորձում է զգույշ կանխատեսումներ անել` ակնկալելով ԵՏՄ տնտեսությունների զարգացման որոշակի դրական դինամիկա։
Միասնական արժույթ մտցնելու համար դեռ շուտ է
ԵԱՏՀ-ում կարծում են, որ ներկա տնտեսական փուլում դեռ շուտ է միասնական արժույթի մասին խոսելը, ավելին` այն կարող է հանգեցնել բացասական տնտեսական հետևանքների։
Վալովայայի խոսքով` անհրաժեշտ է ակտիվորեն զարգացնել պայմանագրի այն դրույթները, որոնք համագործակցություն են ենթադրում մակրոէկոնոմիկայի ու արժույթի բնագավառներում։ Սա, նրա կարծիքով, առաջին հերթին վերաբերում է ազգային արժույթներով փոխադարձ հաշվարկների ընդլայնմանը։
«Մենք հասկանում ենք, որ այժմ երրորդ երկրների դրամային միավորների նկատմամբ մեր արժույթների փոխարժեքների տատանման պայմաններում ազգային արժույթների օգտագործման ընդլայնումը կարող է կայունացնել իրավիճակը», — ասաց Վալովայան։
ԵՏՄ-ն մոտ է Իսրայելի հետ ԱԱԳ մասին համաձայնագրի ստորագրմանը
Նախարարը նաև անդրադարձել է մյուս երկրների հետ ԵՏՄ համագործակցության խորացման հեռանկարներին։ Ներկա պահին Ազատ առևտրի գոտու մասին համաձայնագիր է ստորագրված միայն Վիետնամի հետ, սակայն, նրա խոսքով, տարբեր պետություններից մի քանի հայտ է ստացվել։
«Ներկա պահին երկրորդ հավակնորդը Իսրայելն է, քանի որ արդեն խնդրի նախնական քննարկման փուլն ավարտված է, ու նախագահները որոշում են կայացրել, որ մենք արդեն կարող ենք սկսել բանակցությունները», — ասաց Վալովայան։
Նա նշեց, որ քննարկվում է նաև Եգիպտոսի, Հնդկաստանի և մի շարք այլ պետությունների հետ համաձայնագիր ստորագրելու հնարավորությունը։
Ներուժի մասին խոսելիս Վալովայան նշեց, որ համագործակցությունը կարող է զարգանալ ոչ միայն ԱԱԳ ստեղծման օգնությամբ, այլև տարբեր տեխնիկական հարցերի ու ընթացակարգերի հեշտացման մասին հուշագրերի շրջանակում։
©
Sputnik / Константин Чалабов
Ավելի սերտ համագործակցության հնարավորություններ Իրանի հետ
Առանձին խոսվել է նաև Իրանի հետ հարաբերությունների մասին։ Վալովայայի խոսքով` դեռ ամենասկզբում, երբ քննարկվում էր ԵՏՄ-ին անդամակցելուց հետո Հայաստանի առավելությունների ու հեռանկարների հարցը, հաշվի էր առնվում նաև Իրանի գործոնը։
«Հաշվի առնելով այն մի շարք նախագծերը, որոնք քննարկվել են Իրանի ու Ռուսաստանի, Իրանի և Ղազախստանի միջև, միությանը անդամակցությունից հետո Հայաստանի համար մեծ հնարավորություններ ու հեռանկարներ են բացվում տրանսպորտի ու լոգիստիկայի, ինչպես նաև առևտրատնտեսական փոխգործակցության ոլորտներում», — ասաց Վալովայան։
Պատժամիջոցների հանումը ևս մեկ խթան դարձավ Իրանի հետ ԵՏՄ տնտեսական հարաբերությունների ակտիվացման համար։
Հաղորդակցությունների ապաշրջափակումը ձեռնտու կլինի, եթե դա անեն բոլորը․ Թավադյան
ԵՐԵՎԱՆ, 5 մարտի - Sputnik. Լեռնային Ղարաբաղի շուրջ հաղորդակցությունների ապաշրջափակում պետք է իրականացնեն բոլոր կողմերը, այլ ոչ թե միայն որևէ մեկը։ Այդ մասին Sputnik Արմենիա մուլտիմեդիան մամուլի կենտրոնում կազմակերպած Երևան-Մոսկվա տեսակապի ժամանակ հայտարարեց տնտեսական գիտությունների դոկտոր Աշոտ Թավադյանը։
«Ցավոք, ապաշրջափակման փոխարեն մեզ մոտ հակառակ գործընթացն է տեղի ունենում։ Փակ է Վարդենիս-Մարտակերտ ճանապարհը։ Դրան գումարած, ադրբեջանական կողմը փորձում է օրակարգում միայն մի ուղղություն պահել՝ Մեղրիով Նախիջևան տանող միջանցքը, որը ձեռնտու է Թուրքիային և Ադրբեջանին», - ասաց նա։
Սակայն, ըստ նրա, կան երթուղիներ, որոնց բացումը շահավետ է հայկական կողմի համար։ Դա Մեղրիով անցնող նույն ճանապարհն է, սակայն արդեն Նախիջևանով Արարատյան դաշտ, որը թույլ կտա ավելի արագ և հեշտ միմյանց կապել երկրի հարավային ու կենտրոնական շրջանները։ Այսօր Մեղրիից Երևան բեռնափոխադրումների վրա նույնքան ռեսուրս է ծախսվում, որքան Թբիլիսիից կամ Վրաստանի սևծովյան նավահանգիստներից, հավելեց նա։
Ավելի ընդարձակ համատեքստում դա Նախիջևանի երկաթուղու բացումն է, որը թույլ կտա Հայաստանի և Ռուսաստանի միջև ավելի շատ բեռնափոխադրումներ իրականացնել։ Խորհրդային տարիներին այդ երկաթուղին ՌԽՖՍՀ-ի ու անդրկովկասյան պետությունների միջև հիմնական բեռնափոխադրումային մայրուղին էր (Աբխազիայով ճանապարհը հիմնականում ուղևորատար էր)։ Հայաստանի և Ռուսաստանի միջև հաղորդակցությունը կարող է ամրապնդվել նաև շնորհիվ Իջևանից Ղազախ երկաթուղային ճանապարհի բացման, հիշեցրեց Թավադյանը։
«Այդ պատճառով բոլոր այդ հարցերը պետք է համալիր լուծում ստանան։ Հակառակ դեպքում գործընթացները տեղից չեն շարժվի», - ընդգծեց Թավադյանը։
Նշենք, որ Լեռնային Ղարաբաղի շուրջ հաղորդակցման ուղիների բացման վերաբերյալ քննարկումների համար եռակողմ աշխատանքային խումբ է ստեղծվել, որը գլխավորում են Հայաստանի, Ռուսաստանի և Ադրբեջանի փոխվարչապետները։
«Շնորհակալ ենք, Կամպանյա». «Արարատ-Արմենիայի» իսպանացի մարզիչը հեռանում է
(Թարմացված է 16:07 05.03.2021)
Իսպանացի մասնագետը թիմի գլխավոր մարզիչ էր նշանակվել նախորդ տարվա ամռանը։
ԵՐԵՎԱՆ, 5 մարտի – Sputnik․ «Արարատ-Արմենիա» ֆուտբոլային ակումբը և մարզիչ Դավիդ Կամպանյան երկկողմանի համաձայնությամբ խզել են պայմանագիրը։ Տեղեկությունը հայտնում է ֆուտբոլային ակումբի մամուլի ծառայությունը Facebook-ի պաշտոնական էջում։
«Շնորհակալություն ենք հայտնում պարոն Կամպանյային և իր մարզչական շտաբին` համատեղ աշխատանքի համար։ Շնորհակալ ենք, Կամպանյա: Մաղթում ենք հաջողություն»,- նշված է հաղորդագրության մեջ։
Նշենք, որ Դավիդ Կամպանյան ֆուտբոլային թիմը գլխավորում էր 2020 թվականից:
«Արարատ-Արմենիան» Կամպանյայի գլխավորությամբ անցկացրել է 18 խաղ, տոնել 8 հաղթանակ, գրանցել 4 ոչ-ոքի և կրել 6 պարտություն:
«Արարատ–Արմենիայի» ֆուտբոլիստներից մեկը հատուկ մրցանակի է արժանացել Պորտուգալիայում