Зима в Армении

Ցրտի դասերը. Հայաստանի հյուսիսում կանայք ծննդաբերում են ամռանը

84
Օրեր առաջ Հայաստանում գրանցվեցին ամենացուրտ գիշերները, դրանք առավել ցուրտ էին հյուսիսային շրջաններում։ Այն մասին, թե ինչպես են այդ բնակավայրերի բնակիչները դիմակայում ցրտին, Sputnik ռադիոկայանին պատմեց Գյումրու թղթակից Արմենուհի Մխոյանը

ԵՐԵՎԱՆ, 30 հունվարի — Sputnik. Հայաստանի հյուսիսային շրջանների, հատկապես Աշոցքի ու Ամասիայի բնակիչների համար մինչև 30 աստիճան ցուրտը սովորական կարելի է համարել։

Դժվարությունը ոչ այնքան ցուրտն է, որքան ձմռան սեզոնին փակվող ներհամայնքային ճանապարհները։ Այնպես որ տեղի բնակիչներն այս սեզոնի համար նախապես ամբարում են ավելի շատ սնունդ ու վառելիք։

Ցուրտը չի «սառեցնում» նաև նրանց հումորի զգացումը. նրանք ասում են, որ ստեղծված իրավիճակից ելնելով` տղաներին ամուսնացնում ու հարս են բերում ամռանը, կանայք էլ ծննդաբերում են «պլանավորած»` մինչև այս շրջանը։

Ի տարբերություն հյուսիսային շրջանների այլ բնակավայրերի` Գյումրի տանող ճանապարհը գրեթե փակ չի լինում, սակայն այստեղ էլ այլ խնդիր կա։ Եթե գյումրեցին կոփված է ու հանգիստ է տանում մինչև 25 աստիճան ցուրտը, ապա նույնը չի կարելի ասել հին ջրագծերի մասին, որոնք, չդիմանալով ցրտին, պարբերաբար վթարվում են։

Հիշեցնենք, որ հունվարի 27-28-ի և 28-29-ի գիշերը Շիրակի մարզում գրանցվեց մինչև 30 աստիճան ցուրտ, իսկ այս գիշեր արդեն Շիրակում գիշերը գրեթե կրկնակի «տաք» է եղել` մինչև 16 աստիճան ցուրտ։

 

 

84