Эчмиадзинский кафедральный собор

Էջմիածինը նոր շունչ կստանա

221
(Թարմացված է 09:14 30.01.2016)
Մայր աթոռ սուրբ Էջմիածինը մի շարք փոփոխություններ է կրում, շինարարական ակտիվ աշխատանքներ են իրականացվում, ինչպես նաև ուսումնասիրվում են մի շարք փաստաթղթեր ու պատմական տվյալներ

Լաուրա Սարգսյան, Sputnik.

 

Sputnik Արմենիա ռադիոկայանի հետ զրույցում տաճարի բարեկարգման աշխատանքների մասին է պատմել Մայր աթոռ սուրբ Էջմիածնի թանգարանների ու արխիվի տնօրեն տեր Ասողիկ քահանա Կարապետյանը։

Էջմիածնի տաճարը քրիստոնեական հնագույն վանքերից մեկն է, որն այսօր մի շարք փոփոխությունների է ենթարկվում։ Տաճարի տարածքը Խորհրդային իշխանության օրոք զգալիորեն կրճատվել էր։

Հայկական քրիստոնեական սրբավայրի վերականգնման աշխատանքները սկսվել են Հայաստանի անկախացումից հետո։ Շահագործման է հանձնվել վանքին կից գործող մկրտարանը։ Մինչ այդ մկրտության արարողություննեերն իրականացնում էին կաթողիկոսի ու վանականների կացարանում առանձնացված փոքր տարածքում, որը հայտնի է Հազարապատ անվանումով։

«Վերականգնողական աշխատանքներն են տարվում կաթողիկոսի նստավայրում, որին կից կառուցում են հանդիսավոր արարողությունների և ընդունելությունների սրահը, հայոց կաթողիկոսների գերեզմանոցներն ու «Գարեգին առաջին» կրթական կենտրոնը», — Sputnik Արմենիա պորտալի թղթակցի հետ զրույցում հայտնեց տեր Ասողիկ քահանա Կարապետյանը։

«Գարեգին առաջին» կրթական կենտրոնը մասամբ արդեն գործում է, սակայն շինարարական աշխատանքները դեռ շարունակվում են։ Կենտրոնում վերապատրաստում են անցնելու եկեղեցական ուսուցիչները։ Այն նաև գիտաժողովների ու գիտական հավաքների անցկացման վայր է դառնալու։
Կենտրոնում գիտության, կրոնի ու մշակույթի առկա խնդիրներին վերաբերող ձեռնարկներ են հրատարակվելու։ Քահանայի խոսքով` հիմնական աշխատանքներն ավարտվելու են մոտակա 2-3 տարում։ «Այս փոփոխություններն ուղղված են նրան, որ եկեղեցուն կից սկսեն գործել բաժիններ, որոնք բացի հոգևոր գործունեությունից, թույլ կտան տաճարում մշակութային և կրթական գործունեություն իրականացնել», — նշեց քահանան։

Մայր տաճարին կից գործում է հրատարակչություն, Մատենդարան, ինչպես նաև՝ հոգևոր ճեմարան։ Էջմիածնի մասունքների վերականգնման նախագծի շրջանակում կաթողիկոս Գարեգին Բ-ի նախաձեռնությամբ ու Լոնդոնում բնակվող Մանուկյանների ընտանիքի աջակցությամբ մի քանի տարի առաջ կառուցվել է Էջմիածնի երկհարկանի մատենադարանը։ Շենքի մակերեսը կազմում է 1500քմ, իսկ դրա նպատակը երեք գրադարանի ու Մայր աթոռ սուրբ Էջմիածնի մատենագրերի պահպանման բաժնի միացումն է։ Մինչ այդ դրանք տարբեր վայրերում էին գտնվում, ինչն անհարմարություն էր պատճառում ֆոնդից օգտվողների համար։

221