Мост Победы в Ереване

Կինը փորձում էր նետվել Հաղթանակի կամրջից

213
(Թարմացված է 16:10 03.06.2016)
Հունվարի 24-ին ժամը 02:30-ի սահմանում Sputnik Արմենիա պորտալի թղթակիցներն անսովոր տեսարանի ականատես դարձան

ԵՐԵՎԱՆ, 24 հունվարի- Sputnik. Գիշերը Երևանում՝ Հաղթանակի կամրջի վրա, անցորդներն ու ոստիկանները ինքնասպանության փորձ կանխեցին:
Կամրջի երթևեկելի մասում մի քանի ավտոմեքենաներ էին կանգնել, իսկ մայթին տասնյակ մարդիկ էին հավաքվել:

Ոստիկանն ամուր գրկել էր միջին տարիքի կնոջը, որը փորձել էր անցնել եզրապատը: Ենթադրելով, որ օգնություն է պետք, մեքենաների վարորդները կանգնեցրել էին ավտոմեքենաներն ու մոտեցել կնոջը:

Հաջողվեց պարզել, որ ուշ գիշերով Հաղթանակի կամրջի վրա տարօրինակ պահվածքով կնոջը նկատել էին տաքսիստն ու ուղևորները:

Նրանք կանխել էին ինքնասպանության փորձը և ոստիկան կանչել: Շուտով մեր թղթակցի աչքի առաջ հայտնվեց նաև երկրորդ ոստիկանը, և հավաքվածները ցրվեցին:

Միաժամանակ կինը շարունակում էր նետվել դեպի եզրապատը և ճչում էր, որ իրեն բաց թողնեն և չխանգարեն «գնալ իր երեխայի ու մոր մոտ»:

Ոստիկաններն իրենց հերթին համապատասխան միջոցներ ձեռնարկեցին և չեզոքացրին ողբերգական ավարտի հավանականությունը: Միջադեպի մանրամասները կներկայացվեն ավելի ուշ:

213