Заседание по делу об убийстве семьи Аветисян российским военнослужащим Валерием Пермяковым

Պերմյակովի դատը հետաձգվեց մի շաբաթով

175
Ավետիսյանների ընտանիքի սպանության մեջ մեղադրվող Վալերի Պերմյակովի դատավարությունը հետաձգվեց, քանի որ սպանվածների հարազատներն իրենց լավ չէին զգում

ԵՐԵՎԱՆ, 22 հունվարի- Sputnik. Գյումրիում տեղակայված ռուսական 102-րդ ռազմակայանում դեկտեմբերի 22-ին մեկնարկած դատական նիստը հետաձգվեց մինչև հունվարի 29-ը ժամը 12։00-ն, քանի որ սպանված Ավետիսյանների դուստրերը` Լուսինե Ավետիսյանը, Անահիտ Կոշտոյանը, և փեսան` Եգոր Ադամյանը, հոգեբանորեն պատրաստ չէին խոսելու։ Մինչ այդ դեպքի մասին իրենց տեսածն ու լսածը ներկայացրին մահացած Հասմիկ Ավետիսյանի քույրը` Ռիտա Պետրոսյանը, և Ավետիսյանների հարսի` Արաքսյա Ավետիսյանի հայրը` Անդրանիկ Պողոսյանը։

Դատական նիստը բավական զգացմունքային էր և պարբերաբար ընդմիջվում էր հարազատների ինքնազգացողության վատացման պատճառով։

Շտապօգնության աշխատակիցները չէին լքում դահլիճը։

Հիշեցնենք, որ Գյումրիում, որտեղ տեղակայված է 102-րդ ռուսական ռազմակայանը, 2015 թվականի հունվարի 12-ին սպանվել էր մի ամբողջ ընտանիք, մեկուկես տարեկան երեխան մահացել էր մեկ շաբաթ անց հիվանդանոցում։ Հանցագործության կասկածանքով նույն օրը ձերբակալվել էր ռուս պայմանագրային զինծառայող Վալերի Պերմյակովը: Նա փորձել էր անցնել Թուրքիայի տարածք, և ռուս սահմանապահները նրան հայտնաբերել էին հենց սահմանին: Զենք հափշտակելու և դասալքության համար 2015 թվականի օգոստոսի 12-ին Գյումրիում դատարանը Պերմյակովին դատապարտել է 10 տարի ազատազրկման։ Սպանության մասին գործը հանձնվել է հայկական կողմին և քննվում է առանձին, առաջին նիստը տեղի էր ունեցել դեկտեմբերի 18-ին։

 

175