Ձկնարտադրության ոլորտին մոնոպոլիզացիայի վտանգ է սպառնում
ԵՐԵՎԱՆ, 15 հունվարի — Sputnik. Վերջին տարիների ընթացքում արդեն շուրջ 85 ձկարտադրական տնտեսություն փակվել է, ևս 35 կանգնած են փակման եզրին, ասաց «Հայ ձկնարտադրողների եւ ձկնարտահանողների միություն» ՀԿ նախագահ Արթուր Աթոյանը: Աթոյանը դժգոհություն հայտնեց Գյուղատնտեսության նախարարության աշխատանքից` նշելով, որ վերջին տարիներին չեն լուծվում ձկնարտադրական տնտեսությունների առջև ծառացած խնդիրները` ջրի ու կերի գները, ինչպես նաև արտահանման խնդիրը:
«Ձկնարտադրական տնտեսությունների զարգացման հիմնական խոչընդոտներն են ջրի ու կերի գները: Անհրաժեշտ է որևէ քայլ ձեռնարկել, որպեսզի արտադրանքի ինքնարժեքը նվազի», — ասում է Աթոյանը:
Նա հիշեցրեց, որ երբ 2013 թվականին արգելեցին ջրի գնման արտոնյալ պայմանները, ձկնարտադրական տնտեսություններին դրա փոխարեն ոչ մի բան չառաջարկեցին, ինչը բավական վատ դրության մեջ է դրել նրանց:
Աթոյանի կարծիքով՝ այդ ամենը տանում է դեպի մոնոպոլիզացիա: Նա պնդում է, որ խոշոր տնտեսությունները վնասով են աշխատում, սակայն հույս ունեն, որ փոքր ու միջին տնտեսությունների սնանկացումից հետո տեղական շուկայում մոտոպոլիզացիայի հաշվին «կկարողանան լրացնել բացը»:
Նա պնդում է, որ ձկնարտադրական տնտեսությունների թվի (234) վերաբերյալ պաշտոնական տեղեկությունը չի համապատասխանում իրականությանը:
«2015 թվականի վերջին մենք խոսել ենք 110-120-ի մասին, սակայն ներկա պահին թիվը նվազել է: Այսօր խոսքը 108 տնտեսության մասին է, միայն 2016 թվականին փակվել է 3 ձեռնարկություն», — ասաց Աթոյանը:
Որպես ձկնարտադրական տնտեսությունների քանակի նվազեցման ցուցանիշ, Աթոյանը նշեց կերի ներկրման նվազումը2015 թվականին: Նրա տվյալով՝ 2015 թվականին Հայաստանը 50% ավելի քիչ կեր է ներկրել, քան 2014 թվականին:
Sputnik Արմենիայի հարցին, թե արդյո՞ք այդ տարբերությունը փոխհատուցել են կերի ներքին արտադրողները, Աթոյանը պատասխանեց, որ տեղական արտադրությունը գործարկվել է 2014 թվականին, և գործարարների վստահությանը դեռ չի արժանացել:
Ես որևէ կերպ չեմ խրախուսել նրա որոշումը. Սերժ Սարգսյանը Արոնյանի՝ ԱՄՆ տեղափոխվելու մասին
ԵՐԵՎԱՆ, 3 մարտի - Sputnik. ՀՀ շախմատի ֆեդերացիայի նախագահ, ՀՀ 3-րդ նախագահ Սերժ Սարգսյանը խոսել է հայ գրոսմայստեր Լևոն Արոնյանի՝ ԱՄՆ տեղափոխվելու մասին, տեղեկացնում է armsport.am-ը։
«Ես որևէ կերպ չեմ խրախուսել նրա որոշումը, բացարձակապես, նույնիսկ ես նրան առաջարկել եմ հնարավորություն ստեղծել, որ այդ օժանդակությունը Հայաստանում շախմատ սիրողների կողմից տրամադրվի: Ինքն ասել է, որ վերադառնալու է, երբ իր նկատմամբ վերաբերմունքը փոխվի, և նախկինի նման շախմատը հարգվի Հայաստանում»,-ասել է ՀՀ 3-րդ նախագահը լրագրողների հետ զրույցում:
Հիշեցնենք, որ օրեր առաջ Արոնյանը հայտնել էր ԱՄՆ տեղափոխվելու և այդ երկրի հավաքականում հանդես գալու մասին:
«Ես ապացուցելու ոչինչ չունեմ». Վազգեն Մանուկյանի դեմ քրեական գործ է հարուցվել
(Թարմացված է 18:57 03.03.2021)
Գեղամ Մանուկյանը հայտնեց, թե Հայրենիքի փրկության շարժման վարչապետի թեկնածուին որ հոդվածով է մեղադրանք առաջադրվել։ ԵՐԵՎԱՆ, 3 մարտի – Sputnik. Հայրենիքի փրկության շարժման վարչապետի թեկնածու Վազգեն Մանուկյանը ծանուցագիր է ստացել, որ փետրվարի 20-ին քննչական կոմիտեն քրեական գործ է հարուցել Մանուկյանի դեմ։ Բաղրամյան պողոտայում ընթացող հանրահավաքի ժամանակ հայտնեց ՀՅԴ–ական Գեղամ Մանուկյանը։
«Այս նույն` Քրեական օրենսգրքի 301–րդ հոդվածը քննչական կոմիտեն կարել է Հայրենիքի փրկության անդամներից` արդեն չեմ հիշում` քանիսի վրա։ Մանուկյանին մեղադրում են պետական կարգի տապալման մեջ»,–ասաց Մանուկյանը։
Մանուկյանը Sputnik Արմենիայի հետ զրույցում նշեց, որ դեռ 1988-ից է սովոր նման ծանուցումների։
«Իրենք պետք է ինչ–որ բան ապացուցեն։ Ես ապացուցելու որևէ բան չունեմ»,–ասաց Մանուկյանը։
Հարցին, թե որքանո՞վ էր այն սպասելի Մանուկյանի համար, վերջինս պատասխանեց, թե պետք է որ մեր երկրում նման բան սպասելի չլիներ, սակայն քանի որ երկիրն այն վիճակում է, որ շատ մարդկանց շատ ծանուցումներ են ուղարկել, անսպասելի չէր։
«Գուցե որոշել են ուժ կիրառել». Արթուր Վանեցյանը` ոստիկանության հայտարարության մասին
Մանուկյանը հավելեց` եթե նախաքննական մարմինն իրեն կանչի հարցաքննության այն ժամին, որ իրեն հարմար լինի, ապա որևէ խնդիր չկա` կներկայանա ՔԿ։
Հիշեցնենք` 301-րդ հոդվածը սահմանում է, որ իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչեր անելը պատժվում է տուգանքով` նվազագույն աշխատավարձի երեքհարյուրապատիկից հինգհարյուրապատիկի չափով, կամ կալանքով` երկուսից երեք ամիս ժամկետով, կամ ազատազրկմամբ` առավելագույնը երեք տարի ժամկետով:
«Աջակցությունս եմ հայտնում զինակից ընկերոջս». ևս մեկ գեներալ փոխմարզպետ հրաժարական տվեց