Հայոց ցեղասպանության թեման` Թուրքիայի խորհրդարանում
(Թարմացված է 23:01 15.01.2016)
Թուրքիայում հայ պատգամավորները հենց երկրի խորհրդարանում խոսել են Հայոց ցեղասպանության ճանաչման մասին: Թուրքական Իզմիր նահանգում «ահաբեկչական կազմակերպության քարոզչություն անելու կասկածանքով» ձերբակալվել է Քոջաելի համալսարանի 21 գիտնական:ԵՐԵՎԱՆ, 16 հունվարի. Sputnik. Sputnik Արմենիա ռադիոկայանի եթերում այս երկու դեպքի մասին մանրամասներ է ներկայացնում «Մարմարա» օրաթերթի լրագրող Նաիրա Մկրտչյանը։
Թուրքիայի Ժողովրդահանրապետական կուսակցության հայազգի պատգամավոր Սելինա Դողանը հայտարարել է, որ Ցեղասպանության թեման վերաբերում է ոչ միայն հայերին, այլև` Թուրքիային, և այդ պատճառով այս մասին պետք է խոսվի հենց Թուրքիայի խորհրդարանում և ոչ թե այլ երկրների խորհրդարաններում:
«Այլապես ամեն ապրիլի 24-ին սովորական դարձած արտահայտություններով մենք այս թեման մեր գլխից դեն կնետենք»,- խորհրդարանում ասել է Սելինա Դողանը: Նա նաև համոզմունք է հայտնել, որ Թուրքիայում ապրող իր հայրենակիցներից ոչ ոք չի պատրաստվում դա անել:
Հայազգի պատգամավորը հիշեցրել է, որ 2015 թվականին Էրզրումում կայացած հանրահավաքի ժամանակ վարչապետը հայտարարել է, որ տեղահանությունը մարդկային հանցանք է:
Թուրքիայում տեղի ունեցած «ինտելեկտուալների ձերբակալությունների» առնչությամբ «Մարմարայի» լրագրողը հայտնել է, որ երեկ նախագահ Էրդողանը կոշտ կերպով պատասխանել է քուրդ ապստամբների նկատմամբ հետապնդումները դադարեցնելու կոչ հնչեցրած դասախոսներին և հրահանգել նրանց դեմ դատական գործ հարուցել: Արդեն այսօր ոստիկանությունը ձերբակալել է 21 դասախոսի:
Հիշեցնենք, որ հունվարի 13-ին հազար հարյուր քսանութ դասախոս իր ստորագրությունն էր դրել «քրդերի և տարածաշրջանի մյուս ազգերի կանխամտածված սպանությունները և արտաքսումը դադարեցնելու մասին» իշխանություններին ուղված պահանջի տակ:
Ես որևէ կերպ չեմ խրախուսել նրա որոշումը. Սերժ Սարգսյանը Արոնյանի՝ ԱՄՆ տեղափոխվելու մասին
ԵՐԵՎԱՆ, 3 մարտի - Sputnik. ՀՀ շախմատի ֆեդերացիայի նախագահ, ՀՀ 3-րդ նախագահ Սերժ Սարգսյանը խոսել է հայ գրոսմայստեր Լևոն Արոնյանի՝ ԱՄՆ տեղափոխվելու մասին, տեղեկացնում է armsport.am-ը։
«Ես որևէ կերպ չեմ խրախուսել նրա որոշումը, բացարձակապես, նույնիսկ ես նրան առաջարկել եմ հնարավորություն ստեղծել, որ այդ օժանդակությունը Հայաստանում շախմատ սիրողների կողմից տրամադրվի: Ինքն ասել է, որ վերադառնալու է, երբ իր նկատմամբ վերաբերմունքը փոխվի, և նախկինի նման շախմատը հարգվի Հայաստանում»,-ասել է ՀՀ 3-րդ նախագահը լրագրողների հետ զրույցում:
Հիշեցնենք, որ օրեր առաջ Արոնյանը հայտնել էր ԱՄՆ տեղափոխվելու և այդ երկրի հավաքականում հանդես գալու մասին:
«Ես ապացուցելու ոչինչ չունեմ». Վազգեն Մանուկյանի դեմ քրեական գործ է հարուցվել
(Թարմացված է 18:55 03.03.2021)
Գեղամ Մանուկյանը հայտնեց, թե Հայրենիքի փրկության շարժման վարչապետի թեկնածուին որ հոդվածով է մեղադրանք առաջադրվել։ ԵՐԵՎԱՆ, 3 մարտի – Sputnik. Հայրենիքի փրկության շարժման վարչապետի թեկնածու Վազգեն Մանուկյանը ծանուցագիր է ստացել, որ փետրվարի 20-ին քննչական կոմիտեն քրեական գործ է հարուցել Մանուկյանի դեմ։ Բաղրամյան պողոտայում ընթացող հանրահավաքի ժամանակ հայտնեց ՀՅԴ–ական Գեղամ Մանուկյանը։
«Այս նույն` Քրեական օրենսգրքի 301–րդ հոդվածը քննչական կոմիտեն կարել է Հայրենիքի փրկության անդամներից` արդեն չեմ հիշում` քանիսի վրա։ Մանուկյանին մեղադրում են պետական կարգի տապալման մեջ»,–ասաց Մանուկյանը։
Մանուկյանը Sputnik Արմենիայի հետ զրույցում նշեց, որ դեռ 1988-ից է սովոր նման ծանուցումների։
«Իրենք պետք է ինչ–որ բան ապացուցեն։ Ես ապացուցելու որևէ բան չունեմ»,–ասաց Մանուկյանը։
Հարցին, թե որքանո՞վ էր այն սպասելի Մանուկյանի համար, վերջինս պատասխանեց, թե պետք է որ մեր երկրում նման բան սպասելի չլիներ, սակայն քանի որ երկիրն այն վիճակում է, որ շատ մարդկանց շատ ծանուցումներ են ուղարկել, անսպասելի չէր։
Մանուկյանը հավելեց` եթե նախաքննական մարմինն իրեն կանչի հարցաքննության այն ժամին, որ իրեն հարմար լինի, ապա որևէ խնդիր չկա` կներկայանա ՔԿ։
Հիշեցնենք` 301-րդ հոդվածը սահմանում է, որ իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչեր անելը պատժվում է տուգանքով` նվազագույն աշխատավարձի երեքհարյուրապատիկից հինգհարյուրապատիկի չափով, կամ կալանքով` երկուսից երեք ամիս ժամկետով, կամ ազատազրկմամբ` առավելագույնը երեք տարի ժամկետով:
թեգերը: