Անի Լիպարիտյան, Sputnik Արմենիա.

Հարի Փոթերի երկրպագուներն ամենուր են, աշխարհի բոլոր երկրներում։ Նրանցից շատերը կուզեին հանդես գալ Փոթերի դերում ու նրա հերոսությունները զգալ սեփական մաշկի վրա: Նախօրեին «Հարի Փոթերի» երկրպագուներն իմացան, որ մահացել է իրենց սիրելի պրոֆեսոր Սևերուս Սնեգը, իսկ ավելի կոնկրետ` դերասան Ալան Ռիքմանը։ Բժիշկները նրա մոտ քաղցկեղ էին հայտնաբերել։

Հայաստանում նույնպես շատ են հրաշագործ տղայի պատմության սիրահարները: Sputnik Արմենիա պորտալին հետ զրույցում նկարչուհի Զառա Միքայելյանը պատմում է Հարիի, նրա արկածների ու այն մասին, թե որքան ծանր է իր համար դերասանի մահը:

«Ալան Ռիքմանը գերազանց է խաղում: Ինձ համար նա միշտ կմնա կիսատոհմիկ արքայազն, քանի որ ֆիլմին յուրահատուկ շունչ է հաղորդել, այսինքն դու այդ ֆիլմն ու այդ հերոսին ընկալում ես հենց նրա տեսանկյունից: Այսինքն ուրիշ պրոֆեսոր Սնեգ ես չեմ պատկերացնում: Ես շատ ցավում եմ, որ նա այլևս չկա, քանի որ ֆիլմի հերոսներից ու վառ կերպարներից մեկն էր», — խոստովանեց Զառան:

«Հարի Փոթերն» իրականությու՞ն է, թե՞ հորինվածք:

Մեր զրուցակցի խոսքով` «Հարի Փոթերը» հեքիաթ չէ, այլ` այլընտրանքային իրականություն:

«Այն իմ կարդացած ամենահանճարեղ ստեղծագործություններից է: Ու նրանք հեքիաթային հերոսներ չեն: Բոլոր նրանք, ովքեր սիրում են այս պատմությունը, հասկանում են, որ սա այլընտրանքային իրականություն է: Անձամբ ինձ համար բացարձակ իրականություն է, և ես նույնիսկ զարմանում եմ, երբ մարդիկ ասում են, որ սա հորինված պատմություն է կամ, առավել ևս, երբ համեմատում են «Մատանիների տիրակալը» ֆիլմի հետ», — ասում է մեր զրուցակիցը:

Նա պատմում է նաև այն մասին, թե երբ ու ինչպես է ծնվել սերն այս ստեղծագործության նկատմամբ: «Ամեն ինչ սկսվեց նրանից, որ դուստրս խնդրեց կինոթատրոն գնալ ու դիտել «Հարի Փոթերը»: Սկզբում ես փնթփնթացի, որ ստիպված եմ ինչ-որ «հիմար» հեքիաթ նայել: Հետո մեկուկես ժամ անց, երբ մենք դուրս եկանք դահլիճից, ես ասացի` գնա՞նք մի անգամ էլ դիտենք։ Կինոթատրոնում մենք գնեցինք բոլոր տեսաձայնագրությունները, որոնք այն ժամանակ վաճառվում էին: Ես զարմացած էի, հմայված», — պատմում է նա:

Շրջապատի մարդիկ հաճախ են զարմանում, որ նա այդքան սիրում է այն ամենը, ինչ կապված է Հարի Փոթերի հետ, ոմանք նրան նույնիսկ տարօրինակ են անվանում:

Նա պատմում է, որ իր դպրոցական կյանքն ու դստեր ծննդին հաջորդող շրջանը երկու տարբեր հարթություններ են, քանի որ ինքը սովորել է ԽՍՀՄ-ի օրոք, երբ երեխաների համար հեքիաթների ու կախարդանքի «տեղ» չկար:

Զառան ավելացնում է, որ այս ստեղծագործությունը փոխել է իր կյանքն ու երազանքները: Նա կարծում է, որ «Հարի Փոթերը» բոլորի մասին է:

«Այն նույնիսկ իմ մանկությունն է հիշեցնում։ Օրինակ` մանուկ հասակում ես ու իմ ընկերուհիները հատուկ տառեր էինք հնարել, հիերոգլիֆներ ու սիմվոլներ: Մենք մեր լեզվով էինք հաղորդակցվում իրար հետ», — պատմում է նա:

Զառան կարծում է, որ ստեղծագործության մեջ ներկայացված ընկերության բանաձևը ընթերցողին գեղեցիկն ու հրաշալին գնահատելու զգացում է պարգևում:

«Պարզվում է, որ իրական կյանքում էլ նման ընկերություն կա: Գիրքն ամենևին էլ ընկերության կամ չարի ու բարու պայքարի մասին չէ, այլ` հավիտենականության ու ամեն ինչի մասին: Գրքի հեղինակ Ջոան Ռոուլինգը, իմ կարծիքով, աշխարհի ամենահանճարեղ գրողներից մեկն է, քանի որ հորինել ու աշխարհին է նվիրել այս ստեղծագործությունը, որը ամենակարդացվող գրքերի ցանկում այս պահին երրորդ տեղում է», — խոստովանեց Զառան:

Sputnik Արմենիա պորտալի զրուցակիցը նաև պատմում է, որ ունի Հարի Փոթերի բոլոր գրքերը տարբեր լեզուներով, «Հոգվարդսի» դասագրքերն անձամբ Փոթերի մեկնաբանություններով ու նույնիսկ ֆիլմի վերջին մասում`«Մահվան պարգևներ»-ում հայտնի կախազարդը: Նա նաև իր բոլոր պայուսակների վրա ասեղնագործում է «Հոգվարդսի» տների զինանշանները` Գրիֆինդոր, Քոգտևրան, Փուֆենդույ, Սլիզերին:

Զառան նաև կախարդական փայտիկ ունի: Ափսոս, որ փայտիկը իսկապես կախարդական չէ, թե չէ Զառան կփոխեր Հայաստանի շենքերի արտաքին տեսքը, կփոխեր տանիքները կամ էլ պարզապես կհայտնվեր «փոթերյան» աշխարհում:

«Եվ եթե ինձ հարցնեն` կցանկանայի՞ հայտնվել Հոգվարդսում, ես առանց վարանելու կպատասխանեի` այո: Կարևորը հոգով միշտ երեխա մնալն է», — ասում է Զառան:

ԵՐԵՎԱՆ, 3 մարտի – Sputnik. Հայրենիքի փրկության շարժման վարչապետի թեկնածու Վազգեն Մանուկյանը ծանուցագիր է ստացել, որ փետրվարի 20-ին քննչական կոմիտեն քրեական գործ է հարուցել Մանուկյանի դեմ։ Բաղրամյան պողոտայում ընթացող հանրահավաքի ժամանակ հայտնեց ՀՅԴ–ական Գեղամ Մանուկյանը։

© Sputnik / Asatur Yesayants

Բանակը չի ենթարկվի Օնիկ Գասպարյանին ազատելու որոշմանը. Վազգեն Մանուկյան

«Այս նույն` Քրեական օրենսգրքի 301–րդ հոդվածը քննչական կոմիտեն կարել է Հայրենիքի փրկության անդամներից` արդեն չեմ հիշում` քանիսի վրա։ Մանուկյանին մեղադրում են պետական կարգի տապալման մեջ»,–ասաց Մանուկյանը։

Մանուկյանը Sputnik Արմենիայի հետ զրույցում նշեց, որ դեռ 1988-ից է սովոր նման ծանուցումների։

«Իրենք պետք է ինչ–որ բան ապացուցեն։ Ես ապացուցելու որևէ բան չունեմ»,–ասաց Մանուկյանը։

Հարցին, թե որքանո՞վ էր այն սպասելի Մանուկյանի համար, վերջինս պատասխանեց, թե պետք է որ մեր երկրում նման բան սպասելի չլիներ, սակայն քանի որ երկիրն այն վիճակում է, որ շատ մարդկանց շատ ծանուցումներ են ուղարկել, անսպասելի չէր։

«Գուցե որոշել են ուժ կիրառել». Արթուր Վանեցյանը` ոստիկանության հայտարարության մասին

Մանուկյանը հավելեց` եթե նախաքննական մարմինն իրեն կանչի հարցաքննության այն ժամին, որ իրեն հարմար լինի, ապա որևէ խնդիր չկա` կներկայանա ՔԿ։

Հիշեցնենք` 301-րդ հոդվածը սահմանում է, որ իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչեր անելը պատժվում է տուգանքով` նվազագույն աշխատավարձի երեքհարյուրապատիկից հինգհարյուրապատիկի չափով, կամ կալանքով` երկուսից երեք ամիս ժամկետով, կամ ազատազրկմամբ` առավելագույնը երեք տարի ժամկետով:

«Աջակցությունս եմ հայտնում զինակից ընկերոջս». ևս մեկ գեներալ փոխմարզպետ հրաժարական տվեց