Ամուսինների նկատմամբ բռնության դեպքերն ավելացել են
ԵՐԵՎԱՆ, 15 դեկտեմբերի, Sputnik. 2015 թվականին անչափահասների կատարած հանցագործությունների թիվը նվազել է 4-ով, իսկ 10-ով նվազել է հանցագործություն կատարած անչափահասների թիվը:
«Մենք այսօր Հայաստանի ավագ դպրոցներից 7-ում ունենք 62 դպրոցական տեսուչ, որոնք բազմաթիվ աշխատանքներ են իրականացնում: 2015 թվականին դպրոցներում տեղի է ունեցել հանցագործության 11 դեպք, երբ անչափահասն անչափահասին մարմնական վնասված է հասցրել»,-ասում է Նելլի Դուրյանը:
Նրա տեղեկացմամբ՝ այսօր ոստիկանները սովորում են ժեստերի լեզուն, որպեսզի հասկանան ոստիկանության տարածքային բաժին այցելած խուլ ու համր քաղաքացիներին:
Նելլի Դուրյանը գոհունակությամբ է նշում, որ ոստիկանությունում ընտանեկան բռնության դեմ վարչություն է ստեղծվել, որի նպատակը բռնության դեպքերի նվազեցումն է:
«2015 թվականին գրանցվել է ընտանեկան բռնության 784 դեպք, որից 150-ի դեպքում քրեական գործեր են հարուցվել, ինչը գերազանցում է 2014 թվականի ցուցանիշներին: Ամուսնու կողմից կնոջ նկատմամբ ընտանեկան բռնության 471 դեպք է գրանցվել, ծնողի կողմից զավակի նկատմամբ՝ 65, իսկ ծնողի նկատմամբ 106 դեպք»,-ասում է Նելլի Դուրյանը
Այս տարի ավելացել են նաև տղամարդկանց դեմ կանանց բռնությունները: Այդ խնդրով ոստիկանության բաժին է ներկայացել 15 տղամարդ: Տղամարդիկ հայտնել են ոստիկաններին, որ իրենց վնասվածքներ են հասցրել կանայք։
Նելլի Դուրյանն ասաց նաև, որ շարունակվում են աշխատանքները մուրացիկ-թափառաշրջիկ անչափահասների հայտնաբերման ուղղությամբ:
Ես որևէ կերպ չեմ խրախուսել նրա որոշումը. Սերժ Սարգսյանը Արոնյանի՝ ԱՄՆ տեղափոխվելու մասին
ԵՐԵՎԱՆ, 3 մարտի - Sputnik. ՀՀ շախմատի ֆեդերացիայի նախագահ, ՀՀ 3-րդ նախագահ Սերժ Սարգսյանը խոսել է հայ գրոսմայստեր Լևոն Արոնյանի՝ ԱՄՆ տեղափոխվելու մասին, տեղեկացնում է armsport.am-ը։
«Ես որևէ կերպ չեմ խրախուսել նրա որոշումը, բացարձակապես, նույնիսկ ես նրան առաջարկել եմ հնարավորություն ստեղծել, որ այդ օժանդակությունը Հայաստանում շախմատ սիրողների կողմից տրամադրվի: Ինքն ասել է, որ վերադառնալու է, երբ իր նկատմամբ վերաբերմունքը փոխվի, և նախկինի նման շախմատը հարգվի Հայաստանում»,-ասել է ՀՀ 3-րդ նախագահը լրագրողների հետ զրույցում:
Հիշեցնենք, որ օրեր առաջ Արոնյանը հայտնել էր ԱՄՆ տեղափոխվելու և այդ երկրի հավաքականում հանդես գալու մասին:
«Ես ապացուցելու ոչինչ չունեմ». Վազգեն Մանուկյանի դեմ քրեական գործ է հարուցվել
(Թարմացված է 18:57 03.03.2021)
Գեղամ Մանուկյանը հայտնեց, թե Հայրենիքի փրկության շարժման վարչապետի թեկնածուին որ հոդվածով է մեղադրանք առաջադրվել։ ԵՐԵՎԱՆ, 3 մարտի – Sputnik. Հայրենիքի փրկության շարժման վարչապետի թեկնածու Վազգեն Մանուկյանը ծանուցագիր է ստացել, որ փետրվարի 20-ին քննչական կոմիտեն քրեական գործ է հարուցել Մանուկյանի դեմ։ Բաղրամյան պողոտայում ընթացող հանրահավաքի ժամանակ հայտնեց ՀՅԴ–ական Գեղամ Մանուկյանը։
«Այս նույն` Քրեական օրենսգրքի 301–րդ հոդվածը քննչական կոմիտեն կարել է Հայրենիքի փրկության անդամներից` արդեն չեմ հիշում` քանիսի վրա։ Մանուկյանին մեղադրում են պետական կարգի տապալման մեջ»,–ասաց Մանուկյանը։
Մանուկյանը Sputnik Արմենիայի հետ զրույցում նշեց, որ դեռ 1988-ից է սովոր նման ծանուցումների։
«Իրենք պետք է ինչ–որ բան ապացուցեն։ Ես ապացուցելու որևէ բան չունեմ»,–ասաց Մանուկյանը։
Հարցին, թե որքանո՞վ էր այն սպասելի Մանուկյանի համար, վերջինս պատասխանեց, թե պետք է որ մեր երկրում նման բան սպասելի չլիներ, սակայն քանի որ երկիրն այն վիճակում է, որ շատ մարդկանց շատ ծանուցումներ են ուղարկել, անսպասելի չէր։
«Գուցե որոշել են ուժ կիրառել». Արթուր Վանեցյանը` ոստիկանության հայտարարության մասին
Մանուկյանը հավելեց` եթե նախաքննական մարմինն իրեն կանչի հարցաքննության այն ժամին, որ իրեն հարմար լինի, ապա որևէ խնդիր չկա` կներկայանա ՔԿ։
Հիշեցնենք` 301-րդ հոդվածը սահմանում է, որ իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչեր անելը պատժվում է տուգանքով` նվազագույն աշխատավարձի երեքհարյուրապատիկից հինգհարյուրապատիկի չափով, կամ կալանքով` երկուսից երեք ամիս ժամկետով, կամ ազատազրկմամբ` առավելագույնը երեք տարի ժամկետով:
«Աջակցությունս եմ հայտնում զինակից ընկերոջս». ևս մեկ գեներալ փոխմարզպետ հրաժարական տվեց