Նոր ավիաընկերություն կհայտնվի հայկական երկնքում
(Թարմացված է 10:03 15.01.2016)
«Նորդավիա – տարածաշրջանային ավիաուղիներ» ՓԲԸ-ն նշանակվել է Սանկտ Պետերբուրգ – Երևան և հակառակ երթուղով ուղևորների, բեռների և փոստի կանոնավոր փոխադրող, շաբաթական կիրականացվի երեք չվերթ, ասված է Ռոսավիացիայի հաղորդագրության մեջԵՐԵՎԱՆ, 15 հունվարի — Sputnik. Ռոսավիացիան «Նորդավիա — տարածաշրջանային ավիաուղիներ» ՓԲԸ-ին նշանակել է Սանկտ Պետերբուրգ — Երևան — Սանկտ Պետերբուրգ օդային երթուղու կանոնավոր փոխադրող, համապատասխան փաստաթուղթը տեղադրված է գերատեսչության կայքում։
«Նորդավիան ստացել է Հայաստանի Հանրապետության ավիացիոն իշխանության բոլոր անհրաժեշտ թույտվությունները։ Ներկա պահին Երևանի օդանավակայանի հետ ընթանում է ժամանակացույցի համաձայնեցման աշխատանքը, ձևավորվում են սակագները»,- «Բի-պորտ» հրատարակությանն ասել է «Նորդավիայի» տեղեկատվական քաղաքականության և կորպորատիվ հաղորդակցությունների բաժնի տնօրեն Վիկտոր Անոշկինը։
Դեպի Երևան չվերթը կդառնա «Նորդավիայի» երկրորդ կանոնավոր միջազգային ուղղությունը։ Ավելի վաղ ավիաընկերությունը կանոնավոր հաղորդակցություն էր հաստատել Թել Ավիվի հետ (չվերթն իրականացվում է Սոչիից` ամառային օդագնացության ժամանակ)։
Ներկա պահին Սանկտ Պետերբուրգ — Երևան — Սանկտ Պետերբուրգ ուղիղ չվերթ իրականացնում է միայն «Ուրալի ավիաուղիներ» ընկերությունը։
Ես որևէ կերպ չեմ խրախուսել նրա որոշումը. Սերժ Սարգսյանը Արոնյանի՝ ԱՄՆ տեղափոխվելու մասին
ԵՐԵՎԱՆ, 3 մարտի - Sputnik. ՀՀ շախմատի ֆեդերացիայի նախագահ, ՀՀ 3-րդ նախագահ Սերժ Սարգսյանը խոսել է հայ գրոսմայստեր Լևոն Արոնյանի՝ ԱՄՆ տեղափոխվելու մասին, տեղեկացնում է armsport.am-ը։
«Ես որևէ կերպ չեմ խրախուսել նրա որոշումը, բացարձակապես, նույնիսկ ես նրան առաջարկել եմ հնարավորություն ստեղծել, որ այդ օժանդակությունը Հայաստանում շախմատ սիրողների կողմից տրամադրվի: Ինքն ասել է, որ վերադառնալու է, երբ իր նկատմամբ վերաբերմունքը փոխվի, և նախկինի նման շախմատը հարգվի Հայաստանում»,-ասել է ՀՀ 3-րդ նախագահը լրագրողների հետ զրույցում:
Հիշեցնենք, որ օրեր առաջ Արոնյանը հայտնել էր ԱՄՆ տեղափոխվելու և այդ երկրի հավաքականում հանդես գալու մասին:
«Ես ապացուցելու ոչինչ չունեմ». Վազգեն Մանուկյանի դեմ քրեական գործ է հարուցվել
(Թարմացված է 18:57 03.03.2021)
Գեղամ Մանուկյանը հայտնեց, թե Հայրենիքի փրկության շարժման վարչապետի թեկնածուին որ հոդվածով է մեղադրանք առաջադրվել։ ԵՐԵՎԱՆ, 3 մարտի – Sputnik. Հայրենիքի փրկության շարժման վարչապետի թեկնածու Վազգեն Մանուկյանը ծանուցագիր է ստացել, որ փետրվարի 20-ին քննչական կոմիտեն քրեական գործ է հարուցել Մանուկյանի դեմ։ Բաղրամյան պողոտայում ընթացող հանրահավաքի ժամանակ հայտնեց ՀՅԴ–ական Գեղամ Մանուկյանը։
«Այս նույն` Քրեական օրենսգրքի 301–րդ հոդվածը քննչական կոմիտեն կարել է Հայրենիքի փրկության անդամներից` արդեն չեմ հիշում` քանիսի վրա։ Մանուկյանին մեղադրում են պետական կարգի տապալման մեջ»,–ասաց Մանուկյանը։
Մանուկյանը Sputnik Արմենիայի հետ զրույցում նշեց, որ դեռ 1988-ից է սովոր նման ծանուցումների։
«Իրենք պետք է ինչ–որ բան ապացուցեն։ Ես ապացուցելու որևէ բան չունեմ»,–ասաց Մանուկյանը։
Հարցին, թե որքանո՞վ էր այն սպասելի Մանուկյանի համար, վերջինս պատասխանեց, թե պետք է որ մեր երկրում նման բան սպասելի չլիներ, սակայն քանի որ երկիրն այն վիճակում է, որ շատ մարդկանց շատ ծանուցումներ են ուղարկել, անսպասելի չէր։
«Գուցե որոշել են ուժ կիրառել». Արթուր Վանեցյանը` ոստիկանության հայտարարության մասին
Մանուկյանը հավելեց` եթե նախաքննական մարմինն իրեն կանչի հարցաքննության այն ժամին, որ իրեն հարմար լինի, ապա որևէ խնդիր չկա` կներկայանա ՔԿ։
Հիշեցնենք` 301-րդ հոդվածը սահմանում է, որ իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչեր անելը պատժվում է տուգանքով` նվազագույն աշխատավարձի երեքհարյուրապատիկից հինգհարյուրապատիկի չափով, կամ կալանքով` երկուսից երեք ամիս ժամկետով, կամ ազատազրկմամբ` առավելագույնը երեք տարի ժամկետով:
«Աջակցությունս եմ հայտնում զինակից ընկերոջս». ևս մեկ գեներալ փոխմարզպետ հրաժարական տվեց