«Գրինչի գողացած Ամանորը». հայկական տարբերակ
(Թարմացված է 20:17 09.01.2016)
Երևանի փողոցներում անդորր է: Երևում է` մարդիկ դեռ վայելում են Ամանորի թողած հետքերը։ Հանգստյան օրերն ավարտվում են. մարդիկ վայելում են վերջին երկու օրըԱնի Լիպարիտյան, Sputnik.
Սրճարանները, խանութները, թատրոններն ու զվարճանքի այլ վայրերը նոր-նոր սկսում են բացվել, ու հետաքրքիրն այն է, որ այս օրերին միակ ներկայացումը, որը կարելի է դիտել տիկնիկային թատրոնում, «Գրինչի գողացած Ամանորն» է:
Sputnik Արմենիա պորտալի թղթակիցները շրջել են երևանյան փողոցներով պարզելու համար թե ինչպես են մարդիկ Ամանորի տոներից հետո անցկացնում իրենց հանգստյան օրերը:
Քաղաքն ընկղմվել է լռության մեջ, կարծես շունչը պահած լինի: Կա՛մ մարդիկ շատ գումար են ծախսել ու դատարկ գրպանով փողոց դուրս գալու ցանկություն չունեն, կա՛մ էլ հալչող ձյունն ու տեղ-տեղ դիզված ձնակույտերն են խանգարում, որ մարդիկ փողոց դուրս գան։
Փողոցում երևացող հատուկենտ քնաթաթախ մարդիկ Ամանորի թոհուբոհից հետո, ասես, խուսափում են առօրյայի եռուզեռից: Ոմանք արդեն հոգեբանական դեգերումների մեջ են հայտնվել կուտակած կիլոգրամների ու պարտքերի պատճառով։
Սառած հանգստյան օրեր
Վարդանը ջանասիրաբար ավլում է Սպենդիարյանի անվան օպերայի ու բալետի ազգային ակադեմիական թատրոնի բակը: Մասնագիտությամբ ագրոէկոլոգ Վարդանը նկատում է, որ մաքրել պետք է ոչ միայն փողոցները, այլև` մարդկանց հոգիները:
«Մենք ինքներս են մեր ճակատագրի ու կյանքի տերը, այդ պատճառով հարկավոր է սկսել սեփական անձը կարգի բերելուց: Իսկ հետո նաև երկիրը կարգի բերել», — ասում է Վարդանը:
©
Sputnik / Асатур Есаянц
Երևանցիները քաղաքն ազատում են ձնից
Մայրաքաղաքի ամենաաշխույժ հատվածը երևի Կարապի լճի սահադաշտն է: Այստեղ տարբեր տարիքի մարդիկ են հավաքվել և փորձում են գոնե կես ժամով «սառույցի աստղ» դառնալ։
©
Sputnik / Асатур Есаянц
Կարապի լճի սահադաշտում
Թռչուններն ու մրսած շները կեր են փնտրում մայրաքաղաքի ձնակույտերի մեջ:
Կասկադի մոտ, որտեղ միշտ մարդաշատ է, նույնպես գրեթե մարդ չկա։ Կարելի է միայն հատուկենտ զբոսաշրջիկների նկատել։
©
Sputnik / Asatur Yesayants
Նույնիսկ մարդաշատ Կասկադն է դատարկված
Մնում է հուսալ, որ Հայաստանի բնակիչներն ու հյուրերը կարճ ժամանակում դուրս կգան տոնական մրափից, չէ՞ որ առջևում Սուրբ Սարգսի տոնն է, հետո` կանանց միամսյակը, ու հետո մնացած տոները, մինչև հաջորդ Նոր տարի։
Հետտոնական Երևանը© Sputnik / Асатур Есаянц
Որոշ հաստատություններ դեռ փակ են© Sputnik / Артур Есаянц
Փուչիկներ վաճառողը© Sputnik / Asatur Yesayants
Շներն էլ են սիրում նկարվել© Sputnik / Asatur Yesayants
Մրսած աղավնին© Sputnik / Асатур Есаянц
Ոստիկանները© Sputnik / Асатур Есаянц
Զբոսաշրջիկները© Sputnik / Асатур Есаянц
Սահադաշտում© Sputnik / Асатур Есаянц
©
Sputnik / Асатур Есаянц
Օնիկ Գասպարյանը տուն է գնացել, իսկ Փաշինյանը նամակ է ուղարկել թիմակիցներին. «Ժողովուրդ»
(Թարմացված է 10:01 03.03.2021)
«Ժողովուրդ» օրաթերթն անդրադարձել է վերջին օրերի ամենաքննարկվող թեմային։ Թերթի տեղեկություններով` Օնիկ Գասպարյանը վերջին օրերին գիշերել է ՊՆ գլխավոր շտաբում:ԵՐԵՎԱՆ, 3 մարտի – Sputnik. Գլխավոր շտաբի պետ Օնիկ Գասպարյանը երեկ գիշեր տուն է գնացել. մինչ օրս նա գիշերում էր ՀՀ ՊՆ գլխավոր շտաբում։ Տեղեկությունը հայտնում է «Ժողովուրդ» օրաթերթը` հղում անելով իր աղբյուրներին։
©
Sputnik / Asatur Yesayants
«Դա, սակայն, ոչ թե նշանակում է նահանջ, այլ կարճ դադար։ ԳՇ անդամները սպասում են առավոտյան Գասպարյանի գալուն և նոր հրահանգներին»,– գրում է թերթը։
Իսկ ինչ վերաբերում է Արմեն Սարգսյանի անակնկալ որոշմանը, ապա պարբերականը նկատել է, որ երեկ, երբ ՀՀ նախագահ Արմեն Սարգսյանը հանդիպել է վարչապետ Փաշինյանին, հանդիպումից առաջ ԱԺ «Իմ քայլը» խմբակցության պատգամավորները սոցիալական ցանցերում և հարցազրույցներում իսկական գրոհ են սկսել ՀՀ նախագահի դեմ։
Ըստ թերթի` վարչապետը նախագահի հետ հանդիպումից հետո sms է ուղարկել իր թիմակիցներին՝ «անջատելով» քննադատությունները։
«Եվ զարմանալի չէր, որ երեկ արդեն իրավիճակը 180 աստիճանով փոխվեց։ Նիկոլ Փաշինյանի պահանջը կկատարվի. Օնիկ Գասպարյանը, ամենայն հավանականությամբ, կդադարի լինել ԳՇ պետ մարտի 4-ից»,–գրում է «Ժողովուրդը»:
ՀՀ նախագահի մամուլի ծառայությունը երեկ հայտնեց, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը, միաժամանակ առաջնորդվելով Սահմանադրության 169-րդ հոդվածի 1-ին մասի 4-րդ կետով` ՀՀ նախագահն առանձին դիմումով դիմելու է ՍԴ` «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով։
Ավելի վաղ «Մեկ Հայաստան» կուսակցության նախագահ, Հայրենիքի փրկության շարժման ներկայացուցիչ Արթուր Ղազինյանը գրել էր, որ Արմեն Սարգսյանն ու Նիկոլ Փաշինյանը երեկ եկել են համաձայնության՝ իրավական աճպարարության միջոցով իրագործելու Նիկոլ Փաշինյանի` Օնիկ Գասպարյանին զբաղեցրած պաշտոնից ազատելու ցանկությունը։ Մասնավորապես, ըստ հաստատված ծրագրի, Արմեն Սարգսյանը կդիմի ՍԴ, բայց ոչ թե վարչապետի առաջարկության սահմանադրականությունը ստուգելու, այլ 2018թ-ի հունիսի 11-ին ընդունված «Զինվորական ծառայության և զինծառայողի կարգավիճակի մասին» ՀՀ օրենքում կատարված փոփոխությունների սահմանադրականությունը վիճարկելու պահանջով։
©
Photo : press office of the Government of RA
Ղազինյանի խոսքով` նման սխեմա կիրառվել է նաև 2018թ-ին Մովսես Հակոբյանին զբաղեցրած պաշտոնից ազատելու համար։ ՀՀ ԱԺ նշված օրենքում կատարվել է լրացում, համաձայն որի` բարձրագույն հրամանատարական կազմի` զինվորական պաշտոնից ազատումը կարող է իրականացվել` անկախ այն հանգամանքից՝ առկա են սույն հոդվածի 1-ին մասում սահմանված հիմքեր, թե ոչ։
Նրա խոսքով` սա նշանակում է, որ Օնիկ Գասպարյանին զբաղեցրած պաշտոնից ազատելու ՀՀ վարչապետի որոշումը կմտնի օրինական ուժի մեջ, և Օնիկ Գասպարյանը իրավաբանորեն կդադարի լինել ՀՀ ԶՈւ Գլխավոր շտաբի պետ։
Հիշեցնենք` Հայաստանի ներքաղաքական իրադրությունը սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ հեղափոխությունը պաշտպանելու համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը առաջարկությունը կրկին ուղարկեց ՀՀ նախագահին։
Ջերմուկում ձյուն է գալիս, Սյունիքի ճանապարհները տեղ–տեղ պատվել են մերկասառույցով
(Թարմացված է 09:34 03.03.2021)
Ի՞նչ է կատարվում Հայաստանի ճանապարհներին, ո՞ր հատվածներն են փակ։ ՀՀ արտակարգ իրավիճակների նախարարությունը թարմ տեղեկություն է հայտնում և վարորդներին հիշեցնում, որ պետք է երթևեկել ձմեռային անվադողերով։ԵՐԵՎԱՆ, 3 մարտի – Sputnik. ՀՀ արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։
Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները:
Վարդենյաց լեռնանցքը փակ է կցորդիչով բեռնատարների համար:
Վանաձոր-Դիլիջան ավտոճանապարհին և Սյունիքի մարզի ավտոճանապարհներին տեղ-տեղ առկա է մերկասառույց։
Վայոց Ձորի մարզի Ջերմուկ քաղաքում ձյուն է գալիս։
Ստեփանակերտի օդանավակայանն ու Ալիևի ավիացիոն պլանները. իրավիճա՞կ է փոխվել
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար․ ռուսական կողմում կա մոտ 500 կուտակված բեռնատար ավտոմեքենա:
Վարորդներին խորհուրդ է տրվում երթևեկել բացառապես ձմեռային անվադողերով։
Արմավիրի մարզում ճակատ–ճակատի բախվել են Opel Astra–ներ. վիրավորների մեջ երեխաներ կան