Խոզի գրիպն ախտորոշելու մի քանի պարզ հարց
(Թարմացված է 22:08 09.01.2016)
Նկատի ունենալով, որ Հայաստանում սուր վարակիչ հիվանդությունների թվի աճ կա, հանգստյան օրերին պոլիկլինիկաները կաշխատեն հատուկ ռեժիմով՝ առավոտյան ժամը 10:00-ից մինչև 17:00-նԳոհար Սարգսյան, Sputnik
Երկու օր առաջ 5 տարեկան Նելլին արթնացավ ու գանգատվեց կոկորդի ցավից: Հետո սկսեց հազալ, որն ավելի ու ավելի հաճախակի դարձավ: Տեղեկանալով, որ այսօր՝ հունվարի 9-ին, տեղամասային պոլիկլինիկայի դռները բաց են, մայրը դստեր ձեռքը բռնեց ու շտապեց մանկաբույժի մոտ:
— Բերանդ բացիր, տեսնեմ…երեխայի կոկորդը կարմրած է: Դեռ դեղ չեմ նշանակում. առատ հեղուկներ թող խմի, եթե ջերմությունը բարձրանա, ու թուլություն նկատեք, անմիջապես զանգահարեք:
Բժշկուհին զննում է հիվանդ երեխային
Մանկաբույժ Հասմիկ Ավետիսյանը ճանապարհեց հիվանդին ու անդրադարձավ պոլիկլինիկայում այս օրերին տիրող իրավիճակին: Օրինակ երեկ՝ հունվարի 8-ին, թիվ 20 պոլիկլինիկա է այցելել ավելի քան 180 քաղաքացի, նրանցից 154-ը՝ սուր վարակիչ հիվանդություններով: Այսօր առավոտյան այցելությունները շարունակվում էին:
«Քաղաքացիների մոտ խուճապային իրավիճակ է, որը կապված է հիվանդության բարդության հետևանքով մահվան դեպքերի մասին լուրերի հետ: Առաջին օրը երեխան ջերմում է, ծնողները խառնվում են ու արագ գալիս այստեղ: Մի կողմից դա լավ է, քանի որ վերահսկողությունն է ուժեղանում»,-ասում է մանկաբույժը:
Հայաստանում սուր վարակիչ հիվանդությունները տարածվեցին լույսի արագությամբ: Առողջապահության ոլորտի պատասխանատուներն ասում են՝ համաճարակ չկա, բայց դրա շեմին ենք: Դրա համար էլ դպրոցական արձակուրդը երկարաձգվեց, իսկ պոլիկլինիկաները տոնական օրերին աշխատեցին արտակարգ ռեժիմով:
«Այս տարի գրիպով հիվանդ մեկ հղի ենք ունեցել, որին առաջարկել ենք ստացիոնար բուժում, սակայն նա հրաժարվել է: Հիմա մեր ձեռքի տակ է պատրաստի գրված ուղեգիրը. երբ ցանկանա, կկարողանա հոսպիտալացվել: Ինչ վերաբերում է բարդ դեպքին, ապա 17 տարեկան երիտասարդը հիվանդացել է ջրծաղիկով, որը բարդացել է թոքաբորբով: Հիմա նա Նորքի ինֆեկցիոնում բուժում է ստանում»,-ասում է թիվ 20 պոլիկլինիկայի բուժական գծով փոխտնօրեն Հասմիկ Ղազարյանը:
Քաղաքացիներին հատկապես անհանգստացնում է H1N1-ը կամ բոլորին հայտնի «խոզի գրիպը»: Այս թեմայով որոշ լրատվամիջոցներ թեժացնում են իրավիճակը, իսկ ոլորտի պատասխանատուները՝ շտապում մարել «կրակը»՝ մեջբերելով Առողջապահության համաշխարհային կազմակերպության հայտարարությունը՝ H1N1-ը գրիպի ենթատեսակ է:
©
Sputnik / Асатур Есаянц
Գրիպով հիվանդները պետք է որոշակի կանոններ պահպանեն
«Հասկանալու համար «խոզի գրիպի» հավանականություն կա, թե ոչ, հիվանդին մի քանի հարց ենք ուղղում. Արդյո՞ք ունի 38-ից բարձր ջերմություն, չոր հազ, մկանային ցավ, գլխացավ, քթարտադրություն և թուլություն: Եթե պատասխանները դրական են, ապա ուղեգրում ենք հիվանդանոց, որտեղ կատարվում են համապատասխան հետազոտություններ»,-ասում է մանկաբույժ Հասմիկ Ավետիսյանը:
Մասնագետները հիշեցնում են, որ գրիպը լուրջ հիվանդություն է և «պետք չէ դրան նայել մատների արանքով»: Եթե բարձր ջերմությունը, հազը, փսխումը տևում է 2 օրից ավելի, անհապաղ անհրաժեշտ է դիմել բժշկի:
Ի դեպ, երևանյան պոլիկլինիկաներում ջեռուցման խնդիր կա: Մեր ֆոտոխցիկը ֆիքսեց ջեռուցման սարքը, որը տաքացնում էր մի ամբողջ հարկի միջանցքը: Պոլիկլինիկա այցելելով հիվանդ երեխաները հավելյալ կարող են մրսել չջեռուցվող առողջապահական առաջնային օղակներում:
Պոլիկլինիկան ջեռուցող տաքացուցիչը
Վերջին տվյալով՝ հունվարի 9-ին հանրապետությունում գրանցվել է սուր շնչառական վարակներով հոսպիտալացման 662 դեպք, որից 219-ը` թոքաբորբով: 7 հիվանդ միացված է արհեստական շնչառական սարքին. Նրանցից մեկը հղի է:
Օնիկ Գասպարյանը տուն է գնացել, իսկ Փաշինյանը նամակ է ուղարկել թիմակիցներին. «Ժողովուրդ»
(Թարմացված է 10:01 03.03.2021)
«Ժողովուրդ» օրաթերթն անդրադարձել է վերջին օրերի ամենաքննարկվող թեմային։ Թերթի տեղեկություններով` Օնիկ Գասպարյանը վերջին օրերին գիշերել է ՊՆ գլխավոր շտաբում:ԵՐԵՎԱՆ, 3 մարտի – Sputnik. Գլխավոր շտաբի պետ Օնիկ Գասպարյանը երեկ գիշեր տուն է գնացել. մինչ օրս նա գիշերում էր ՀՀ ՊՆ գլխավոր շտաբում։ Տեղեկությունը հայտնում է «Ժողովուրդ» օրաթերթը` հղում անելով իր աղբյուրներին։
©
Sputnik / Asatur Yesayants
«Դա, սակայն, ոչ թե նշանակում է նահանջ, այլ կարճ դադար։ ԳՇ անդամները սպասում են առավոտյան Գասպարյանի գալուն և նոր հրահանգներին»,– գրում է թերթը։
Իսկ ինչ վերաբերում է Արմեն Սարգսյանի անակնկալ որոշմանը, ապա պարբերականը նկատել է, որ երեկ, երբ ՀՀ նախագահ Արմեն Սարգսյանը հանդիպել է վարչապետ Փաշինյանին, հանդիպումից առաջ ԱԺ «Իմ քայլը» խմբակցության պատգամավորները սոցիալական ցանցերում և հարցազրույցներում իսկական գրոհ են սկսել ՀՀ նախագահի դեմ։
Ըստ թերթի` վարչապետը նախագահի հետ հանդիպումից հետո sms է ուղարկել իր թիմակիցներին՝ «անջատելով» քննադատությունները։
«Եվ զարմանալի չէր, որ երեկ արդեն իրավիճակը 180 աստիճանով փոխվեց։ Նիկոլ Փաշինյանի պահանջը կկատարվի. Օնիկ Գասպարյանը, ամենայն հավանականությամբ, կդադարի լինել ԳՇ պետ մարտի 4-ից»,–գրում է «Ժողովուրդը»:
ՀՀ նախագահի մամուլի ծառայությունը երեկ հայտնեց, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը, միաժամանակ առաջնորդվելով Սահմանադրության 169-րդ հոդվածի 1-ին մասի 4-րդ կետով` ՀՀ նախագահն առանձին դիմումով դիմելու է ՍԴ` «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով։
Ավելի վաղ «Մեկ Հայաստան» կուսակցության նախագահ, Հայրենիքի փրկության շարժման ներկայացուցիչ Արթուր Ղազինյանը գրել էր, որ Արմեն Սարգսյանն ու Նիկոլ Փաշինյանը երեկ եկել են համաձայնության՝ իրավական աճպարարության միջոցով իրագործելու Նիկոլ Փաշինյանի` Օնիկ Գասպարյանին զբաղեցրած պաշտոնից ազատելու ցանկությունը։ Մասնավորապես, ըստ հաստատված ծրագրի, Արմեն Սարգսյանը կդիմի ՍԴ, բայց ոչ թե վարչապետի առաջարկության սահմանադրականությունը ստուգելու, այլ 2018թ-ի հունիսի 11-ին ընդունված «Զինվորական ծառայության և զինծառայողի կարգավիճակի մասին» ՀՀ օրենքում կատարված փոփոխությունների սահմանադրականությունը վիճարկելու պահանջով։
©
Photo : press office of the Government of RA
Ղազինյանի խոսքով` նման սխեմա կիրառվել է նաև 2018թ-ին Մովսես Հակոբյանին զբաղեցրած պաշտոնից ազատելու համար։ ՀՀ ԱԺ նշված օրենքում կատարվել է լրացում, համաձայն որի` բարձրագույն հրամանատարական կազմի` զինվորական պաշտոնից ազատումը կարող է իրականացվել` անկախ այն հանգամանքից՝ առկա են սույն հոդվածի 1-ին մասում սահմանված հիմքեր, թե ոչ։
Նրա խոսքով` սա նշանակում է, որ Օնիկ Գասպարյանին զբաղեցրած պաշտոնից ազատելու ՀՀ վարչապետի որոշումը կմտնի օրինական ուժի մեջ, և Օնիկ Գասպարյանը իրավաբանորեն կդադարի լինել ՀՀ ԶՈւ Գլխավոր շտաբի պետ։
Հիշեցնենք` Հայաստանի ներքաղաքական իրադրությունը սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ հեղափոխությունը պաշտպանելու համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը առաջարկությունը կրկին ուղարկեց ՀՀ նախագահին։
Ջերմուկում ձյուն է գալիս, Սյունիքի ճանապարհները տեղ–տեղ պատվել են մերկասառույցով
(Թարմացված է 09:34 03.03.2021)
Ի՞նչ է կատարվում Հայաստանի ճանապարհներին, ո՞ր հատվածներն են փակ։ ՀՀ արտակարգ իրավիճակների նախարարությունը թարմ տեղեկություն է հայտնում և վարորդներին հիշեցնում, որ պետք է երթևեկել ձմեռային անվադողերով։ԵՐԵՎԱՆ, 3 մարտի – Sputnik. ՀՀ արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։
Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները:
Վարդենյաց լեռնանցքը փակ է կցորդիչով բեռնատարների համար:
Վանաձոր-Դիլիջան ավտոճանապարհին և Սյունիքի մարզի ավտոճանապարհներին տեղ-տեղ առկա է մերկասառույց։
Վայոց Ձորի մարզի Ջերմուկ քաղաքում ձյուն է գալիս։
Ստեփանակերտի օդանավակայանն ու Ալիևի ավիացիոն պլանները. իրավիճա՞կ է փոխվել
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար․ ռուսական կողմում կա մոտ 500 կուտակված բեռնատար ավտոմեքենա:
Վարորդներին խորհուրդ է տրվում երթևեկել բացառապես ձմեռային անվադողերով։
Արմավիրի մարզում ճակատ–ճակատի բախվել են Opel Astra–ներ. վիրավորների մեջ երեխաներ կան