Գրիպը երկարացնում է արձակուրդները
(Թարմացված է 20:12 07.01.2016)
Հայաստանում գրիպը չափազանց տարածված է, գրանցվել է նաև «խոզի գրիպի» 27 դեպք։ Ընդ որում, հանրապետությունում սուր շնչառական վարակներով և թոքաբորբով հիվանդների 80 տոկոսը 0-18 տարեկան երեխաներ են։ Հենց դա հաշվի առնելով` դպրոցներում դասերը կմեկնարկեն մեկ շաբաթ ուշ` հունվարի 18-ից։Գոհար Սարգսյան, Sputnik
«Ձյունը կգա ու կմաքրի վիրուսները». հասարակության շրջանում տարածված համոզմունքն այս անգամ չարդարացավ։ Սուր շնչառական վարակները գրոհել են ու մտել տնետուն: Շուրջդ որ կողմը նայես, գրիպով հիվանդներ են:
Թեև սուր շնչառական վարակները հասարակության շրջանում խուճապ են առաջացրել, սակայն առողջապահության նախարարությունից տեղեկացնում են, որ «անհանգստության պատճառ չկա. կա սեզոնային գրիպի բնականոն աճ` պայմանավորված ջերմաստիճանի կտրուկ իջեցմամբ»: Առողջապահության ոլորտի պատասխանատուները շտապում են հիշեցնել` համաճարակի մասին խոսք լինել չի կարող:
«Երրորդ օրն է, ինչ տղաս ջերմում է, ունի փորլուծություն ու թուլություն: Այսօր տարա հիվանդանոց, ասացին, որ տարածված վիրուսներից է»,-ասաց Գայանե Հովհաննիսյանն ու ավելացրեց, որ անմիջապես շտապել է դեղատուն` նշանակված հակաբիոտիկների հետևից:
Իսկ Երևանի դեղատներում Sputnik Արմենիային տեղեկացրին, որ վերջին շրջանում զգալի թվով մարդիկ են այցելում դեղատուն և սուր շնչառական վարակների դեմ տարատեսակ դեղեր գնում:
«Հիմնականում գնում են ջերմիջեցնող դեղեր ու հակաբիոտիկներ: Չնայած մենք հիշեցնում ենք, որ հակաբիոտիկներ պետք է գնել միայն բժշկի նշանակմամբ»,-ասում է դեղատներից մեկի աշխատակից Լուսինեն:
Վերջին տվյալով` սուր շնչառական վարակներով և թոքաբորբով հոսպիտալացված հիվանդների թիվն անցնում է 400-ից, նրանց գերակշիռ մասը երեխաներ են: Հիվանդներից 97-ի մոտ ախտորոշվել է թոքաբորբ:
Ջերմության բարձրացում, թուլություն, հազ. այս ախտանշաններով են իրենց երեխաներին հիվանդանոց բերում ծնողները: Արաբկիր բժշկական համալիրում գրիպով հիվանդ երեխաների թիվը, մեղմ ասած, զգալի է: Հիվանդների զգալի թիվը բժիշկներին էլ է զարմացրել, սակայն դրա մասին նախընտրում են առայժմ լռել:
«Այս պահին ոչինչ ասել չենք կարող, քանի որ լրատվամիջոցները երբեմն ուռճացնում են իրավիճակը»,-ասաց համալիրի բժիշկներից մեկն ու արագ հեռացավ:
Հայաստանում գրիպի դեմ հղիները չեն պատվաստվում: ԱՆ իմունականխարգելման ազգային ծրագրի ղեկավար Գայանե Սահակյանն ափսոսանքով է ընդգծում այս փաստն ու ավելացնում, որ առաջին խոցելի խումբը հենց հղիներն են:
«Հղիները մտավախություն ունեն, որ պատվաստանյութը կարող է վնասել պտղին: Ես ամբողջ պատասխանատվությամբ հայտարարում եմ, որ նման բան չկա: Մարդիկ չեն պատկերացնում գրիպի բարդությունները: Գրանցվող մահերն առավել հաճախ բարդությունների հետևանք են: Իսկ պատվաստանյութերը նվազեցնում են հիվանդանալու հավանականությունը»,- ընդգծեց Սահակյանը:
Գայանե Սահակյանը տեղեկացրեց, որ հանրապետության խոցելի խմբերն արդեն իսկ պատվաստվել են: Իսկ քրոնիկ հիվանդություններ ունեցող քաղաքացիները դեռևս ակտիվ չեն այս հարցում: Չպատվաստվելը, ըստ նրա, իրազեկվածության պակասի արդյունք է: Գայանե Սահակյանը չի թաքցնում, որ անտեղյակություն կա նաև բժիշկների շրջանում:
«Որոշ բժիշկներ անգամ սոցիալական կայքերում են քննարկումներ ծավալում այն մասին, որ պատվաստանյութերն արդյունավետ չեն»,- ասում է Իմունիզացիայի ազգային ծրագրի ղեկավարը:
Այս պահին բժիշների հորդորը մեկն է` չզբաղվել ինքնաբուժմամբ և ախտանշանները նկատելուն պես անմիջապես դիմել բժշկի, անհարկի չօգտագործել հակաբիոտիկներ, հագնվել եղանակին համապատասխան, հնարավորության սահմաններում նվազեցնել շփումները հատկապես գրիպանման երևույթներով հիվանդների հետ և պահպանել հազալու, փռշտալու հիգիենան:
Ռուսական զենքն ինքն իրեն չի կրակում․ Զատուլինը պատասխանել է ՀՀ իշխանության մեղադրանքներին
(Թարմացված է 16:25 03.03.2021)
Ռուս պատգամավորը համոզված է, որ ռուսական զենքը փնովելու նպատակը սեփական ձախողումների և բացթողումների պատասխանատվությունն ուրիշի վրա բարդելն է:ԵՐԵՎԱՆ, 3 մարտի – Sputnik. Հայաստանի իշխանություններից որոշ մարդիկ և նրանց հետ համաձայնող քաղաքական գործիչներն ուզում են վարկաբեկել ռուսական զենքը, որպեսզի խնդիրը «հիվանդ գլխից առողջ գլխի վրա բարդեն»։ Այդ մասին հայտարարել է ՌԴ Պետական դումայի ԱՊՀ գործերի և հայրենակիցների հետ կապերի հանձնաժողովի անդամ, Սփյուռքի և ինտեգրման ինստիտուտի (ԱՊՀ երկրների ինստիտուտի) տնօրեն, Արտաքին քաղաքականության և պաշտպանության խորհրդի անդամ, Ռուսաստանի Դաշնության Հանրային խորհրդի անդամ Կոնստանտին Զատուլինը՝ Sputnik Արմենիա մուլտիմեդիոն մամուլի կենտրոնում տեսակոնֆերանսի ժամանակ։
©
Sputnik / Asatur Yesayants
Նախօրեին ՀՀ ԱԺ անկախ պատգամավոր Արման Բաբաջանյանն Ազգային ժողովի ամբիոնից հայտարարել էր, որ պատերազմում պարտվել են ոչ միայն Հայաստանն ու Արցախը, ոչ միայն հայկական բանակը, այլև Հայաստանի ռազմավարական դաշնակից Ռուսաստանը և ռուսական զենքը:
Զատուլինը հեգնանքով հայտարարեց, որ ռուսերենում շատ ժողովրդական իմաստուն ասացվածքներ կան, որոնք բնութագրում են նման իրավիճակները` սկսած վատ պարողի մասին ասացվածքից։
«Չգիտես ինչու մյուս ռազմաճակատներում ռուսական զենքը լավագույնն է դուրս գալիս կամ առնվազն չի զիջում մնացածներին, իսկ Ղարաբաղի դեպքում, ինչպես պարզվում է, դա այն մակարդակին չէր, որում ընթանում էին մարտական գործողությունները»,-ասաց նա։
«Ճշմարտությունը վերականգնվեց». Պեսկովը մեկնաբանել է «Իսկանդերի» մասին հայտարարությունները
Իրականում խնդիրն այլ տեղ է պետք փնտրել՝ հայկական կողմից ճիշտ հրամանատարության և ուժերի մոբիլիզացիայի բացակայության մեջ։ Ռուս պատգամավորի տեսանկյունից՝ Փաշինյանն ինքը չի կարողացել դուրս գալ անգամ պարզ իրավական իրավիճակից, որտեղ ինքն անձամբ իրեն հայտարարեց գերագույն գլխավոր հրամանատար, չնայած դրա իրավունքը չուներ՝ պատերազմը Ղարաբաղում էր ընթանում։
«Այդ ամենն ուղեկցվում է անպատասխանատվությամբ, ոչ կոմպետենտ գործողություններով, ինչպես նաև դավաճանության և հանցավոր հրամանների՝ ստուգման կարիք ունեցող փաստերով։ Օրինակ՝ ի՞նչ կապ ուներ ռուսական զենքը Շուշի քաղաքի նման անառիկ ամրոցի` ապաշնորհ պահվածքի պատճառով կորստի հետ»,-ասաց Զատուլինը։
Նրա խոսքով՝ ռուսական զենքի վարկաբեկումը հիմա պետք է իշխանության որոշ ներկայացուցիչների և նրանց հետ ամեն ինչում համաձայնող պատգամավորներին, որոնք չեն ազատվել արևմտամետ ուղղվածությունից, միայն ժամանակավորապես խլացրել են այն։
«Ռուսական զենքը նորմալ, վարպետ ձեռքերում հասնում է իր նպատակին։ Ռուսական զենքը, որը չեն ցանկանում օգտագործել, ինքն իրեն չի կրակում»,-կարծում է Զատուլինը։
Նրա համար անհասկանալի է, թե ինչ նպատակով է ՀՀ վարչապետն այդպիսի հեշտության նմանատիպ մեղադրանքներ հնչեցնում (նկատի ունի Փաշինյանի հայտարարությունը «Իսկանդերի» չպայթած հրթիռների մասին՝ խմբ․)։
ՀՀ վարչապետին «Իսկանդերի» վերաբերյալ ճիշտ չի զեկուցվել. Մանե Գևորգյան
Հեցնենք, որ փետրվարի 23-ին Նիկոլ Փաշինյանը 1in.am-ին տված հարցազրույցում, անդրադառնալով նախկին նախագահ Սերժ Սարգսյանի` 44-օրյա պատերազմի ընթացքում «Իսկանդերը» ժամանակին չօգտագործելու վերաբերյալ մեղադրանքներին, ասել է, որ Սարգսյանը թող հարց տա՝ ինչո՞ւ է «Իսկանդերը» պայթել 10%-ով։ Փետրվարի 25-ին ՌԴ ՊՆ–ն հայտարարեց, որ Ղարաբաղում «Իսկանդեր» ընդհանրապես չի կիրառվել։
Ոստիկանները լուսային և ձայնային նռնակներ են տեղադրել Ազգային ժողովի բակում
(Թարմացված է 16:28 03.03.2021)
Նռնակները հիշեցնում են «Пламя-2» ստացիոնար լուսային և ձայնային նռնակները, որոնք մարդու վրա ժամանակավոր ազդեցություն են թողնում։ԵՐԵՎԱՆ, 3 մարտի – Sputnik. Իշխանություններն Ազգային ժողովի բակն ու հարակից տարածքը նախապատրաստում են ընդդիմության հանրահավաքին։ Ոստիկանները լուսային և ձայնային նռնակներ են տեղադրում Ազգային ժողովի բակում։
Բաղրամյան պողոտայի հարակից դարպասներից ներս, գետնին տեղադրված նռնակները հիշեցնում են «Пламя-2» ստացիոնար լուսային և ձայնային նռնակները, որոնք մարդու վրա ժամանակավոր ազդեցություն են թողնում։
«Անցնելու ենք Փաշինյանի ճանապարհով». Գյումրիից քայլերթով գալիս են Երևան. տեսանյութ
Դրանք նախատեսված են հանցագործի վրա հոգեֆիզիոլոգիական ազդեցություն ապահովելու համար և օգտագործվում են զինված հանցագործներին վնասազերծելու ու անկարգությունները ճնշելու հատուկ գործողություններում:
Նռնակը ամբողջովին հրակայուն է, պատյանը՝ փշրվող: Այն կարող է օգտագործվել պահպանվող օբյեկտների պարագծերի անվտանգության ազդանշանային համակարգում:
Փողոցից երևում է նաև, որ Ազգային ժողովի պատշգամբներում դիպուկահարներ կան։
Հիշեցնենք` այսօր ԱԺ–ում նախատեսված է հարցուպատասխան կառավարության անդամների հետ, որին ներկա է լինելու նաև վարչապետ Նիկոլ Փաշինյանը։
Ընդդիմությունը նախապես հայտարարել է, որ այդ նիստին զուգահեռ Բաղրամյան պողոտայում հուժկու հանրահավաք են անցկացնելու, որպեսզի իրենց ձայները լսելի լինեն դահլիճում նստածներին։
Սադրանքների չենք գնալու, շենքեր չենք գրավելու. Իշխան Սաղաթելյան
թեգերը:
Թուրքիայում «Իսլամական պետության» 10 գրոհային է ձերբակալվել
(Թարմացված է 16:34 03.03.2021)
Ձերբակալման օրդեր է տրվել ԻՊ-ի հետ կապ ունենալու մեջ կասկածվող 16 օտարերկրացիների համար, որոնք մասնակցել են զինված հակամարտություններին Սիրիայում և Իրաքում։ԵՐԵՎԱՆ, 3 մարտի – Sputnik. Ստամբուլի Ահաբեկչության դեմ պայքարի վարչության աշխատակիցները «Իսլամական պետություն» (ԻՊ, արգելված է մի շարք պետություններում) ահաբեկչական խմբավորման ենթադրյալ գրոհայինների դեմ գործողություններ են իրականացրել, որոնց ընթացքում ձերբակալվել են 10 օտարերկրյա քաղաքացիներ: Այդ մասին հաղորդում է ՌԻԱ Նովոստին՝ հղում Anadolu գործակալությանը։
Հաղորդվում է, որ ձերբակալման օրդեր է տրվել ԻՊ-ի հետ կապ ունենալու մեջ կասկածվող 16 օտարերկրացիների համար, որոնք մասնակցել են զինված հակամարտություններին Սիրիայում և Իրաքում։ Ձերբակալման վայրերում խուզարկությունների ընթացքում մեծ քանակությամբ նյութեր են առգրավվել թվային կրիչների վրա։
«Իսլամական պետությունն» առաջացել է 2006թ․-ին՝ մի շարք ահաբեկչական խմբավորումների միաձուլման ճանապարհով։ Մինչև 2013թ․-ը այն պատկանում էր շարքային սուննիական ինքնավար զինված խմբավորումների թվին և ներառում էր ոչ ավելի, քան 4000 մարդ։ Խմբավորումը լայն ճանաչում ստացավ 2014թ․-ի ամռանը, երբ գրոհայինները լայնամասշտաբ հարձակում սկսեցին Իրաքի հյուսիսային և արևմտյան շրջանների վրա։ ԻՊ-ը մեծ ուժ հավաքեց Սիրիայի տարածքում գործողությունների ընթացքում, որտեղ պատերազմում էր կառավարության ուժերի դեմ։
«Իսլամական պետություն» խմբավորման անդամները նկարվել են Ադրբեջանում