Հայ ծաղրանկարիչ. ծիծաղել ապրելու համար
Արման Վանեսքեհյան, Sputnik.
Մեր աշխարհը դեռ հեռու է կատարյալ լինելուց` անվերջանալի պատերազմներ, ահաբեկչություններ, սով, հիվանդություններ, սոցիալական անհավասարություն։ Սակայն կան մարդիկ, ովքեր չեն կորցնում իրենց լավատեսությունն ու կարծում են, որ մեր բարդ ժամանակաշրջանում ապրել և կյանքի դժվարությունները հաղթահարել հնարավոր է միայն դրական լիցքերի և հումորի շնորհիվ։
Համենայն դեպս այդպես է կարծում Հայաստանի ամենահայտնի ծաղրանկարիչ, ծաղրանկարի միջազգային մրցույթների բազմակի մրցանակակիր, հայրենական մամուլի գլխավոր «նկարազարդող», Հայաստանի վաստակավոր նկարիչ Վլադիմիր Աբրոյանը։
Владимир Аброян
Վլադիմիր Աբրոյան
2015 թվականի վերջին նա Իտալիայի Տոլենտինո քաղաքից ստացել է երկար սպասված մրցանակը, նա Արվեստում հումորի միջազգային բիենալեում 28-րդ տեղն էր զբաղեցրել։ Մրցույթում նա հաղթել է «Իլյուզիոնիստի թաղումը» աշխատանքի շնորհիվ։ Մրցույթին ներկայացված աշխատանքներից մեկը` «Խոստովանությունը», մեծ արձագանք գտավ կազմակերպիչների ու միջոցառման այցելուների շրջանում և հետագայում ներառվեց ցուցահանդեսի կատալոգում։
Տոլենտինոյի մրցույթում սա Աբրոյանի երկրորդ պարգևն է. 1995 թվականին նա արժանացավ «Չեզարե Մարկորելիի» անվան մրցանակին։
«Մեր աշխատանքում ամենակարևորը սեփական երկիրն ըստ արժանվույն ներկայացնելու կարողությունն է մի ժանրում, որը բավական հայտնի ու պահանջված է ամբողջ աշխարհում, սակայն չգիտես ինչու Հայաստանում հետաքրքրություն չկա դրա նկատմամբ։ Մեր մասնագիտությունը էլիտար է և իր արժանի փառքն է վայելում արտասահմանում։ Իսկ մեզ մոտ ծաղրանկարիչների արվեստն ուշադրության չի արժանանում։ Ու ստիպված ես լինում շատ աշխատել արևմուտքի համար, որտեղ այն ավելի շատ է գնահատվում», — ասում է նկարիչը։ Նա երիտասարդ ծաղրանկարիչներին խորհուրդ է տալիս անպայման մասնակցել ծաղրանկարի միջազգային մրցույթներին ու բիենալեներին։
Այս տարի Արվեստում հումորի միջազգային բիենալեն անցկացվել է օգոստոսի 28-ից սեպտեմբերի 27-ը. մրցույթի հաղթողների ու ժյուրիի կողմից ընտրված մասնակիցների աշխատանքները ցուցադրվել էին XIV դարի Castello della Rancia ամրոցի տարածքում։
Владимир Аброян
Վլադիմիր Աբրոյան
Մրցույթն անցկացվում էր «Մահանալ ծիծաղելով» խորագրով, որն ասես յուրօրինակ հիշեցում էր Ֆրանսիայի «Շառլի Էբդո» երգիծական ամսագրի խմբագրությունում վերջերս տեղի ունեցած ահաբեկչության մասին։ Ինչպես նշում էին միջոցառման կազմակերպիչները, ցուցահանդեսի հիմնական նպատակը հոգսերով ու տանջանքով ապրող մարդկությանը մի քիչ լույս ու ժպտալու հնարավորություն պարգևելն է, ինչպես նաև հարգանքի տուրք` ահաբեկիչների գործողությունների հետևանքով զոհված ֆրանսիացի գործընկերների հիշատակին։ Պատահական չէ, որ մրցույթի մրցանակը նույնպես ժպիտի տեսք ունի` որպես հիշատակում այն բանի, որ կյանքի ամենադժվարին պահերին անգամ պետք է կարողանալ ուժ գտնել։
Տոլենտինոյի ցուցահանդեսում թեմայի իրենց տեսլականը այս տարի ներկայացրել են հարյուրավոր նկարիչներ ավելի քան 40 երկրից, ընդհանուր առմամբ մրցույթին ներկայացվել է 1000 աշխատանք։
Աբրոյանի «Իլյուզիոնիստի թաղումը» ծաղրանկարը, ժյուրիի կարծիքով, գերել է իր մետաֆիզիկական իմաստով։ Կազմակերպիչների կողմից նկարչին ուղղված շնորհակալական նամակում նշված էր, որ «այս մրցանակը երախտագիտության միայն մի փոքրիկ մասն է, որին արժանի է հեղինակը, քանի որ նրա աշխատանքները, որոնք նա ներկայացրել է մրցույթին, մեծ հետաքրքրություն են առաջացրել ոչ միայն ցուցահանդեսի այցելուների, այլև քննադատների, մամուլի, ինչպես նաև ծաղրանկարի գիտակների ու սիրահարների շրջանում»։Կազմակերպիչները հույս հայտնեցին, որ մյուս տարի Վլադիմիր Աբրոյանն անպայման իտալացիներին կուրախացնի իր մասնակցությամբ ու նոր շլացուցիչ աշխատանքներով։
Владимир Аброян
Карикатуры Владимира Аброяна
Վլադիմիր Աբրոյանի աշխատանքները տպագրվել են «Ոզնի» ամսագրում, «Կոմունիստ», «Սովետական Հայաստան» թերթերում, ինչպես նաև` նախկին ԽՍՀՄ-ի մի շարք ամսագրերում ու թերթերում, որոնցից են «Կրոկոդիլը», «Նեդելյան», «Օգոնյոկը», «Սմենան», «Սովետսկի սոյուզը», «Moscow News»-ը, «Լիտերատուրնայա գազետան», «Սովետսկի սպորտը», «Ֆուտբոլը»։ Նրա ստեղծագործությունները չեն շրջանցել նաև ԳԴՀ-ի, Ռումինիայի, Բուլղարիայի, Ֆրանսիայի, Լիբանանի ամսագրերը։ Դեռևս խորհրդային շրջանում նա ներկայացրել է մեր հանրապետությունը. եղել է ԽՍՀՄ նկարիչների միության երգիծանքի գծով հանձնաժողովի անդամ։
«Ինձ համար կարևորն այն է, որ աշխարհն իմանա, որ կա Հայաստանի նման երկիր, որտեղ դեռ կան լավ նկարիչներ։ Հենց այդ պատճառով վերջին տարիներին (անկախ տեղական մամուլում ակտիվ աշխատանքից) փորձում եմ իմ արվեստն ուղղել նաև դեպի միջազգային մրցույթներ։ Սա «ինքդ քեզ գերազանցելու», աշխատանքի և ընդհանրապես ստեղծագործության որակը բարձրացնելու հնարավորություն է տալիս»,- ասաց Աբրոյանը Sputnik Արմենիա պորտալին։
©
Sputnik / Владимир Аброян
Карикатуры Владимира Аброяна
Ռուսական զենքն ինքն իրեն չի կրակում․ Զատուլինը պատասխանել է ՀՀ իշխանության մեղադրանքներին
(Թարմացված է 16:25 03.03.2021)
Ռուս պատգամավորը համոզված է, որ ռուսական զենքը փնովելու նպատակը սեփական ձախողումների և բացթողումների պատասխանատվությունն ուրիշի վրա բարդելն է:ԵՐԵՎԱՆ, 3 մարտի – Sputnik. Հայաստանի իշխանություններից որոշ մարդիկ և նրանց հետ համաձայնող քաղաքական գործիչներն ուզում են վարկաբեկել ռուսական զենքը, որպեսզի խնդիրը «հիվանդ գլխից առողջ գլխի վրա բարդեն»։ Այդ մասին հայտարարել է ՌԴ Պետական դումայի ԱՊՀ գործերի և հայրենակիցների հետ կապերի հանձնաժողովի անդամ, Սփյուռքի և ինտեգրման ինստիտուտի (ԱՊՀ երկրների ինստիտուտի) տնօրեն, Արտաքին քաղաքականության և պաշտպանության խորհրդի անդամ, Ռուսաստանի Դաշնության Հանրային խորհրդի անդամ Կոնստանտին Զատուլինը՝ Sputnik Արմենիա մուլտիմեդիոն մամուլի կենտրոնում տեսակոնֆերանսի ժամանակ։
©
Sputnik / Asatur Yesayants
Նախօրեին ՀՀ ԱԺ անկախ պատգամավոր Արման Բաբաջանյանն Ազգային ժողովի ամբիոնից հայտարարել էր, որ պատերազմում պարտվել են ոչ միայն Հայաստանն ու Արցախը, ոչ միայն հայկական բանակը, այլև Հայաստանի ռազմավարական դաշնակից Ռուսաստանը և ռուսական զենքը:
Զատուլինը հեգնանքով հայտարարեց, որ ռուսերենում շատ ժողովրդական իմաստուն ասացվածքներ կան, որոնք բնութագրում են նման իրավիճակները` սկսած վատ պարողի մասին ասացվածքից։
«Չգիտես ինչու մյուս ռազմաճակատներում ռուսական զենքը լավագույնն է դուրս գալիս կամ առնվազն չի զիջում մնացածներին, իսկ Ղարաբաղի դեպքում, ինչպես պարզվում է, դա այն մակարդակին չէր, որում ընթանում էին մարտական գործողությունները»,-ասաց նա։
«Ճշմարտությունը վերականգնվեց». Պեսկովը մեկնաբանել է «Իսկանդերի» մասին հայտարարությունները
Իրականում խնդիրն այլ տեղ է պետք փնտրել՝ հայկական կողմից ճիշտ հրամանատարության և ուժերի մոբիլիզացիայի բացակայության մեջ։ Ռուս պատգամավորի տեսանկյունից՝ Փաշինյանն ինքը չի կարողացել դուրս գալ անգամ պարզ իրավական իրավիճակից, որտեղ ինքն անձամբ իրեն հայտարարեց գերագույն գլխավոր հրամանատար, չնայած դրա իրավունքը չուներ՝ պատերազմը Ղարաբաղում էր ընթանում։
«Այդ ամենն ուղեկցվում է անպատասխանատվությամբ, ոչ կոմպետենտ գործողություններով, ինչպես նաև դավաճանության և հանցավոր հրամանների՝ ստուգման կարիք ունեցող փաստերով։ Օրինակ՝ ի՞նչ կապ ուներ ռուսական զենքը Շուշի քաղաքի նման անառիկ ամրոցի` ապաշնորհ պահվածքի պատճառով կորստի հետ»,-ասաց Զատուլինը։
Նրա խոսքով՝ ռուսական զենքի վարկաբեկումը հիմա պետք է իշխանության որոշ ներկայացուցիչների և նրանց հետ ամեն ինչում համաձայնող պատգամավորներին, որոնք չեն ազատվել արևմտամետ ուղղվածությունից, միայն ժամանակավորապես խլացրել են այն։
«Ռուսական զենքը նորմալ, վարպետ ձեռքերում հասնում է իր նպատակին։ Ռուսական զենքը, որը չեն ցանկանում օգտագործել, ինքն իրեն չի կրակում»,-կարծում է Զատուլինը։
Նրա համար անհասկանալի է, թե ինչ նպատակով է ՀՀ վարչապետն այդպիսի հեշտության նմանատիպ մեղադրանքներ հնչեցնում (նկատի ունի Փաշինյանի հայտարարությունը «Իսկանդերի» չպայթած հրթիռների մասին՝ խմբ․)։
ՀՀ վարչապետին «Իսկանդերի» վերաբերյալ ճիշտ չի զեկուցվել. Մանե Գևորգյան
Հեցնենք, որ փետրվարի 23-ին Նիկոլ Փաշինյանը 1in.am-ին տված հարցազրույցում, անդրադառնալով նախկին նախագահ Սերժ Սարգսյանի` 44-օրյա պատերազմի ընթացքում «Իսկանդերը» ժամանակին չօգտագործելու վերաբերյալ մեղադրանքներին, ասել է, որ Սարգսյանը թող հարց տա՝ ինչո՞ւ է «Իսկանդերը» պայթել 10%-ով։ Փետրվարի 25-ին ՌԴ ՊՆ–ն հայտարարեց, որ Ղարաբաղում «Իսկանդեր» ընդհանրապես չի կիրառվել։
Ոստիկանները լուսային և ձայնային նռնակներ են տեղադրել Ազգային ժողովի բակում
(Թարմացված է 16:28 03.03.2021)
Նռնակները հիշեցնում են «Пламя-2» ստացիոնար լուսային և ձայնային նռնակները, որոնք մարդու վրա ժամանակավոր ազդեցություն են թողնում։ԵՐԵՎԱՆ, 3 մարտի – Sputnik. Իշխանություններն Ազգային ժողովի բակն ու հարակից տարածքը նախապատրաստում են ընդդիմության հանրահավաքին։ Ոստիկանները լուսային և ձայնային նռնակներ են տեղադրում Ազգային ժողովի բակում։
Բաղրամյան պողոտայի հարակից դարպասներից ներս, գետնին տեղադրված նռնակները հիշեցնում են «Пламя-2» ստացիոնար լուսային և ձայնային նռնակները, որոնք մարդու վրա ժամանակավոր ազդեցություն են թողնում։
«Անցնելու ենք Փաշինյանի ճանապարհով». Գյումրիից քայլերթով գալիս են Երևան. տեսանյութ
Դրանք նախատեսված են հանցագործի վրա հոգեֆիզիոլոգիական ազդեցություն ապահովելու համար և օգտագործվում են զինված հանցագործներին վնասազերծելու ու անկարգությունները ճնշելու հատուկ գործողություններում:
Նռնակը ամբողջովին հրակայուն է, պատյանը՝ փշրվող: Այն կարող է օգտագործվել պահպանվող օբյեկտների պարագծերի անվտանգության ազդանշանային համակարգում:
Փողոցից երևում է նաև, որ Ազգային ժողովի պատշգամբներում դիպուկահարներ կան։
Հիշեցնենք` այսօր ԱԺ–ում նախատեսված է հարցուպատասխան կառավարության անդամների հետ, որին ներկա է լինելու նաև վարչապետ Նիկոլ Փաշինյանը։
Ընդդիմությունը նախապես հայտարարել է, որ այդ նիստին զուգահեռ Բաղրամյան պողոտայում հուժկու հանրահավաք են անցկացնելու, որպեսզի իրենց ձայները լսելի լինեն դահլիճում նստածներին։
Սադրանքների չենք գնալու, շենքեր չենք գրավելու. Իշխան Սաղաթելյան
թեգերը:
Թուրքիայում «Իսլամական պետության» 10 գրոհային է ձերբակալվել
(Թարմացված է 16:34 03.03.2021)
Ձերբակալման օրդեր է տրվել ԻՊ-ի հետ կապ ունենալու մեջ կասկածվող 16 օտարերկրացիների համար, որոնք մասնակցել են զինված հակամարտություններին Սիրիայում և Իրաքում։ԵՐԵՎԱՆ, 3 մարտի – Sputnik. Ստամբուլի Ահաբեկչության դեմ պայքարի վարչության աշխատակիցները «Իսլամական պետություն» (ԻՊ, արգելված է մի շարք պետություններում) ահաբեկչական խմբավորման ենթադրյալ գրոհայինների դեմ գործողություններ են իրականացրել, որոնց ընթացքում ձերբակալվել են 10 օտարերկրյա քաղաքացիներ: Այդ մասին հաղորդում է ՌԻԱ Նովոստին՝ հղում Anadolu գործակալությանը։
Հաղորդվում է, որ ձերբակալման օրդեր է տրվել ԻՊ-ի հետ կապ ունենալու մեջ կասկածվող 16 օտարերկրացիների համար, որոնք մասնակցել են զինված հակամարտություններին Սիրիայում և Իրաքում։ Ձերբակալման վայրերում խուզարկությունների ընթացքում մեծ քանակությամբ նյութեր են առգրավվել թվային կրիչների վրա։
«Իսլամական պետությունն» առաջացել է 2006թ․-ին՝ մի շարք ահաբեկչական խմբավորումների միաձուլման ճանապարհով։ Մինչև 2013թ․-ը այն պատկանում էր շարքային սուննիական ինքնավար զինված խմբավորումների թվին և ներառում էր ոչ ավելի, քան 4000 մարդ։ Խմբավորումը լայն ճանաչում ստացավ 2014թ․-ի ամռանը, երբ գրոհայինները լայնամասշտաբ հարձակում սկսեցին Իրաքի հյուսիսային և արևմտյան շրջանների վրա։ ԻՊ-ը մեծ ուժ հավաքեց Սիրիայի տարածքում գործողությունների ընթացքում, որտեղ պատերազմում էր կառավարության ուժերի դեմ։
«Իսլամական պետություն» խմբավորման անդամները նկարվել են Ադրբեջանում