ԵՐԵՎԱՆ, 22 դեկտեմբերի– Sputnik, Արման Վանեսքեհյան. Հայաստանի գյուղատնտեսության ոլորտն ի սկզբանե արժանի էր կառավարության սևեռուն ուշադրությանը։ Առաջին հերթին այն պատճառով, որ երկրում լուրջ մեքենաշինական և հաստոցաշինական արտադրության բացակայության պայմաններում այն կարող է ապահովել ոչ միայն պարենային անվտանգությունը, այլև լուրջ աջակցություն դառնալ Հայաստանի բյուջեի համար։

Հատկապես եթե տարին բերքառատ է լինում, ինչպես այս տարի, բյուջեում եկամուտների ավելացումն օգնում է փոխհատուցել այն կորուստները, որոնք կրել է ռուբլու անկման պատճառով և, հետևաբար, բնակչության այն խավի եկամուտների նվազման, որն ապրում է Ռուսաստանից փոխանցումների հաշվին։

Այս տարի գյուղատնտեսությունում հաջողություններն իսկապես զգալի են։ Գյուղնախարարությունը որպես ձեռքբերում ներկայացնելու շատ բան ունի։ Երեքշաբթի ամփոփելով անցնող տարվա արդյունքները` Հայաստանի գյուղատնտեսության փոխնախարար Սամվել Գալստյանը մի շարք թվեր ներկայացրեց, որոնք կարող են տպավորել ոչ միայն մասնագետներին, այլ նաև հասարակ քաղաքացուն։

Արդեն շոշափելի են ուղղության արդյունքները, որով ընթանում են կառավարությունը և գյուղնախարարությունն արդեն հինգ տարի։ Իսկ այդ ուղղությունը միտված է մի շարք գլոբալ խնդիրների իրագործմանը` կապված երկրում գյուղատնտեսության աջակցության հետ։

«Խոսքը գյուղացիական և ֆերմերային տնտեսությունների համար այնպիսի կարևոր ոլորտների սուբսիդավորման մասին է, ինչպիսիք են վառելիքով, սերմացուով, ֆինանսական վարկերով ապահովությունը, որոնք անհրաժեշտ են արտադրության ծավալների ավելացման և, այսպես կոչված, անպետք հողերի մշակման համար»,– լրագրողներին ասաց Գալստյանը։

Արդյունքն առայժմ չի գրանցվել վիճակագրական ծառայությունների կողմից, սակայն գյուղատնտեսության նախարարությունն արդեն հաշվել է գյուղատնտեսության ոլորտի 15 տոկոսի աճ, որի 11 տոկոսը բաժին է ընկնում գյուղատնտեսական վարելահողերի ավելացմանը և բուսաբուծությանը։

«Այս տարի զգալիորեն ավելացել է նաև գյուղացիական և ֆերմերային տնտեսությունների կողմից աճեցվող արտադրանքի ծավալը։ Աճեցվել է 369,4 հազար տոննա ցորենի բերք, ինչը շուրջ 10 տոկոսով ավել է անցած տարվա 338,1 հազար տոննայի համեմատ։ Նույն միտումն առկա է կարտոֆիլի բերքի ոլորտում` 776,6 հազար տոննա` անցած տարվա 733,1 հազար տոննայի համեմատ։ Ինչ վերաբերում է բանջարեղենին, ապա այդ թիվը կազմել է 10 337 հազար տոննա` անցած տարվա 954,6 տոննայի փոխարեն»,– ասաց Գալստյանը։

Եվս մեկ ձեռքբերում է այս տարի հանրապետությունում ավելի քան 18 725 հեկտարով ցանքատարածությունների ավելացումը։ Պետք է նշել, որ վերջին ցուցանիշը շատ կարևոր  է գյուղատնտեսությունում, որը վկայում է այն մասին, որ ոլորտն ավելացրել է ծավալները ոչ միայն հաջող տարվա շնորհիվ, այսինքն` էքստենսիվ, այլ նաև նախարարության և կառավարության ոլորտային մասնագետների աշխատանքի արդյունքում։

ԵՐԵՎԱՆ, 3 մարտի - Sputnik. Ադրբեջանն իր մոտ է պահում Հայաստանի հարյուրից ավելի քաղաքացիների, հետաձգում է այդ հարցի լուծումն ու ձգձգում է Երևանի ու Բաքվի միջև երկխոսության մեկնարկը: ՌԻԱ Նովոստիին տված հարցազրույցում նման կարծիք է հայտնել Սփյուռքի հարցերով գլխավոր հանձնակատար Զարեհ Սինանյանը:

© Sputnik / Asatur Yesayants

ԱԺ-ն ընդունեց Ադրբեջանին ուղղված հայտարարությունը, որը քննարկվել էր փակ դռների հետևում

Սինանյանը նշել է, որ փետրվարի 24-ից մարտի 2-ը Ռուսաստան կատարած այցի ընթացքում քննարկել է այդ հարցը ՌԴ փոխարտգործնախարար Անդրեյ Ռուդենկոյի հետ:

«Մեզ համար գլխավոր թեման Ադրբեջանից հայ ռազմագերիների ու պահվող անձանց վերադարձն է, այդ հարցը քննարկել եմ նաև Ռուսաստանի ԱԳՆ-ում կայացած հանդիպման ժամանակ․․․ Գիտեմ, որ նրանք հարյուրից շատ են, բայց կոնկրետ թվեր չունեմ։ Մենք երկխոսություն ենք վարում, քանի որ ուզում ենք պարզել, թե քանի մարդ է Ադրբեջանում գերության մեջ հայտնվել, նրանք (Բաքվում - խմբ.) դա ավելի լավ գիտեն։ Հասկանալի է, որ ռազմական գործողություններից հետո մենք ունենք Ադրբեջանում գտնվող մարդկանց ցուցակ, անհետ կորածների ցուցակ էլ կա։ Եվ տվյալ դեպքում թվերը անընդհատ փոխվում են», - ավելացրել է նա։

Նրա խոսքով՝ Երևանը հույս ունի, որ Մոսկվան հետագայում էլ կնպաստի այդ հարցի կարգավորմանը։

«Մենք հույս ունենք, որ Ռուսաստանի Դաշնության հետ աշխատելիս մենք կկարողանանք հաջողության հասնել։ Ռուսական կողմը հավաստիացրել է, որ աջակցելու է այդ հարցի կարգավորմանը, և մենք հավատում ենք դրան։ Այդ հարցի ձգձգումը հետաձգում է Հայաստանի ու Ադրբեջանի միջև երկխոսության մեկնարկը», - ասել է Սինանյանը։

Հիշեցնենք, որ նոյեմբերի 9-ին՝ հրադադարի հաստատումից հետո, Հայաստան է վերադարձել 69 գերի։ Ադրբեջանում գտնվող հայ գերիների թվի վերաբերյալ պաշտոնական տվյալներ չկան։ Ոչ պաշտոնական տվյալներով՝ նրանց թիվը մոտ 300 է։

«Դըմփ–դըմփ–հու»–երով «փարթին» անարգանք է Արցախի, զոհերի ու գերիների նկատմամբ. Զոհրաբյան