Գոհար Սարգսյան, Sputnik

Սկզբում մինչև տուն չի հասնում աշխատավարձը, հետո տնից սկսում են անհետանալ իրերը, իսկ ավելի ուշ պարտքերն այնքան են կուտակվում, որ ընտանիքը մնում է անօթևան: Սա դասական խաղամոլի քայլերի հաջորդականությունն է: Նրա կյանքի իմաստը դառնում է միայն խաղը, շրջապատում այլևս ոչինչ խաղամոլին չի հետաքրքրում:

«Ամուսինս սկսել էր ուշ գալ տուն: Այս դեպքում առաջին բանը, որ կնոջ մտքով անցնում է, այն է, որ ամուսնու կյանքում երկրորդ կին կա: Չնայած գիտեի, որ սխալ է, սակայն սկսեցի նրա հեռախոսի զանգերն ու հաղորդագրությունները փորփրել: Արտառոց բան չգտա: Անցան օրեր ու իմացա, որ նա խաղատներից «դուրս չի գալիս»: Պարտքեր կուտակվեցին, մեր տունը հայտնվեց գրավի տակ: Ամեն միջոցի դիմեցի, որ նրան «հետ բերեմ», սակայն` ապարդյուն: Ի վերջո, մեր ընտանիքը փլուզվեց, որովհետև ամուսնուս վարքից տուժում էին երեխաներս»,- ցավով պատմում է Անահիտը:

Գերմանացի հետազոտողները փորձ են իրականացրել. երկու տասնյակ  խաղամոլի ցույց են տվել խաղային ապարատների պատկերներ: Նրանց արձագանքը չափազանց նման է եղել ալկոհոլամոլությամբ ու թմրամոլությամբ տառապողների ռեակցիային,  երբ նրանք տեսնում են իրենց հիվանդագին կրքի առարկան:

«Խաղամոլությունը հոգեբանական հիվանդություն է: Սա ինքնահաստատվելու և  շրջապատին ինչ-որ բան ապացուցելու հակումն է, որն առավել հաճախ արտահայտվում է անցումային տարիքում: Մարդու այս ներքին մղումը կարող է վնասել շրջապատին ու նաև հասցնել ինքնաոչնչացման: Սակայն եթե մարդու ազարտը որոշակի սահմաններ ունի, ապա այն կարող է հասցնել նաև ինչ-որ բան արարելու»,-ասում է հոգեբան Աննա Բադալյանը:

«18 տարին չլրացած անձանցից խաղադրույք չի ընդունվում». այս գրառումը կա Հայաստանի բոլոր բուքմեյքերական գրասենյակներում: Այնինչ, ինչպես պարզեցինք,  դա ձևական բնույթ է կրում: Կարելի է մտնել նմանատիպ ցանկացած գրասենյակ ու տեսնել խաղացող անչափահասների: Հեշտ փող աշխատելու տարբերակը գերել է բազմաթիվ անչափահասների: Շատ ծնողներ էլ տևական ժամանակ գաղափար անգամ չեն ունենում իրենց երեխաների մոլուցքի մասին: Իսկ երբ իմանում են, բավականին ուշ է լինում:

© Photo : Stockphoto

Բուքմեյքերական գրասենյակ

«Տղաս զբաղվում էր լողով: Նրան պարբերաբար գումար էի տալիս, որ ամսական գումարը վճարեր: Երբեմն էլ զանգում էի մարզչին` տղայիս առաջադիմությունը պարզելու համար: Մի անգամ էլ մարզիչն ինձ հայտնեց, որ տղաս արդեն երկու շաբաթ է, ինչ մարզումների չի հաճախում: Նա մտածել էր, թե ինչ-որ բան է պատահել: Տղայիս երկար ժամանակ հարցուփորձ անելուց հետո հասկացա, որ ամբողջ գումարը գնացել էր բուքմեյքերական գրասենյակ»,-պատմում է Արմենը:

Հոգեբան և հոգեթերապևտ Արման Բեգոյանի մասնագիտական պրակտիկայում ամենաերիտասարդ խաղամոլը 14 տարեկան է: Ընդ որում, այցելուների 90 տոկոսը բուքմեյքերական գրասենյակներում է խաղադրույք անում:

«Սա սոցիալական համաճարակ է: Ու խնդիրն այն է, որ դեռահասների մոտ ձևավորված չէ կայուն գնահատական փողի նկատմամբ: Իսկ դա պետք է յուրաքանչյուր ծնող սովորեցնի իր երեխային: Խաղամոլության հիմնական պատճառներից մեկն այն է, որ մարդը չգիտի ինչով լցնի կյանքը ու տարվում է այդ մոլուցքով, որը յուրովի հաճույքի տարրեր է պարունակում»,-ներկայացնում է խնդիրը Արման Բեգոյանը:

Առավել վտանգավոր է, երբ խաղամոլի համար կարևորը ոչ այնքան շահումն է, որքան բուն խաղի ընթացքը: Ու երբ ձեռքի ամբողջ գումարը սպառվում է, «գործը» կարող է հասնել հանցագործությունից մինչև ինքնասպանության:

Ի դեպ, կանայք աշխարհում կախվածության մեջ ավելի հաճախ են հայտնվում, քան տղամարդիկ: Սակայն Հայաստանում հակառակ պատկերն է. այստեղ հիմնականում տղամարդիկ են խաղամոլ:

ԵՐԵՎԱՆ, 3 մարտի - Sputnik. Ադրբեջանն իր մոտ է պահում Հայաստանի հարյուրից ավելի քաղաքացիների, հետաձգում է այդ հարցի լուծումն ու ձգձգում է Երևանի ու Բաքվի միջև երկխոսության մեկնարկը: ՌԻԱ Նովոստիին տված հարցազրույցում նման կարծիք է հայտնել Սփյուռքի հարցերով գլխավոր հանձնակատար Զարեհ Սինանյանը:

© Sputnik / Asatur Yesayants

ԱԺ-ն ընդունեց Ադրբեջանին ուղղված հայտարարությունը, որը քննարկվել էր փակ դռների հետևում

Սինանյանը նշել է, որ փետրվարի 24-ից մարտի 2-ը Ռուսաստան կատարած այցի ընթացքում քննարկել է այդ հարցը ՌԴ փոխարտգործնախարար Անդրեյ Ռուդենկոյի հետ:

«Մեզ համար գլխավոր թեման Ադրբեջանից հայ ռազմագերիների ու պահվող անձանց վերադարձն է, այդ հարցը քննարկել եմ նաև Ռուսաստանի ԱԳՆ-ում կայացած հանդիպման ժամանակ․․․ Գիտեմ, որ նրանք հարյուրից շատ են, բայց կոնկրետ թվեր չունեմ։ Մենք երկխոսություն ենք վարում, քանի որ ուզում ենք պարզել, թե քանի մարդ է Ադրբեջանում գերության մեջ հայտնվել, նրանք (Բաքվում - խմբ.) դա ավելի լավ գիտեն։ Հասկանալի է, որ ռազմական գործողություններից հետո մենք ունենք Ադրբեջանում գտնվող մարդկանց ցուցակ, անհետ կորածների ցուցակ էլ կա։ Եվ տվյալ դեպքում թվերը անընդհատ փոխվում են», - ավելացրել է նա։

Նրա խոսքով՝ Երևանը հույս ունի, որ Մոսկվան հետագայում էլ կնպաստի այդ հարցի կարգավորմանը։

«Մենք հույս ունենք, որ Ռուսաստանի Դաշնության հետ աշխատելիս մենք կկարողանանք հաջողության հասնել։ Ռուսական կողմը հավաստիացրել է, որ աջակցելու է այդ հարցի կարգավորմանը, և մենք հավատում ենք դրան։ Այդ հարցի ձգձգումը հետաձգում է Հայաստանի ու Ադրբեջանի միջև երկխոսության մեկնարկը», - ասել է Սինանյանը։

Հիշեցնենք, որ նոյեմբերի 9-ին՝ հրադադարի հաստատումից հետո, Հայաստան է վերադարձել 69 գերի։ Ադրբեջանում գտնվող հայ գերիների թվի վերաբերյալ պաշտոնական տվյալներ չկան։ Ոչ պաշտոնական տվյալներով՝ նրանց թիվը մոտ 300 է։

«Դըմփ–դըմփ–հու»–երով «փարթին» անարգանք է Արցախի, զոհերի ու գերիների նկատմամբ. Զոհրաբյան