ԵՐԵՎԱՆ, 22 դեկտեմբերի– Sputnik. Հայաստանում Հարավային ռազմական օկրուգի ռուսական ռազմակայանում սկսվել են ավելի քան 500 վարորդների և մեխանիկ–վարորդների հավաքները, հաղորդում է ՀՌՕ մամուլի ծառայությունը։

«Մարտական մեքենա վարելու պարապմունքներում վարորդները և մեխանիկ–վարորդները կմշակեն մանևրելու, լեռնային ճանապարհներով նվազագույն թույլատրելի արագությամբ ճանապարհն անցնելու մեթոդներ տարբեր բարդության շրջապտույտներում` առատ ձյան և մերկասառույցի պայմաններում։ Նրանք նաև կսովորեն հաղթահարել հեղեղատները, արհեստական և բնական արգելքները, սառցակալած մակերեսները»,– ասվում է հաղորդագրությունում։

Պարապմունքների ղեկավարները կհետևեն անձնակազմերի գործողություններին «Օռլան 10» և «Նավոդչիկ 2» անօդաչու թռչող սարքերի ժամանակակից համալիրների օգնությամբ։

Պարապմունքները կավարտվեն զրահատանկային տեխնիկայի անձնակազմերի նախապատրաստությամբ` տեխնիկան 5 կմ վարելու ստուգիչ պարապմունքներով, որոնց արդյունքում վարորդը կստանա անհատական գնահատական և տարբեր բեռներ և անձնակազմեր փոխադրելու թույլտվություն։

ԵՐԵՎԱՆ, 3 մարտի - Sputnik. Ադրբեջանն իր մոտ է պահում Հայաստանի հարյուրից ավելի քաղաքացիների, հետաձգում է այդ հարցի լուծումն ու ձգձգում է Երևանի ու Բաքվի միջև երկխոսության մեկնարկը: ՌԻԱ Նովոստիին տված հարցազրույցում նման կարծիք է հայտնել Սփյուռքի հարցերով գլխավոր հանձնակատար Զարեհ Սինանյանը:

© Sputnik / Asatur Yesayants

ԱԺ-ն ընդունեց Ադրբեջանին ուղղված հայտարարությունը, որը քննարկվել էր փակ դռների հետևում

Սինանյանը նշել է, որ փետրվարի 24-ից մարտի 2-ը Ռուսաստան կատարած այցի ընթացքում քննարկել է այդ հարցը ՌԴ փոխարտգործնախարար Անդրեյ Ռուդենկոյի հետ:

«Մեզ համար գլխավոր թեման Ադրբեջանից հայ ռազմագերիների ու պահվող անձանց վերադարձն է, այդ հարցը քննարկել եմ նաև Ռուսաստանի ԱԳՆ-ում կայացած հանդիպման ժամանակ․․․ Գիտեմ, որ նրանք հարյուրից շատ են, բայց կոնկրետ թվեր չունեմ։ Մենք երկխոսություն ենք վարում, քանի որ ուզում ենք պարզել, թե քանի մարդ է Ադրբեջանում գերության մեջ հայտնվել, նրանք (Բաքվում - խմբ.) դա ավելի լավ գիտեն։ Հասկանալի է, որ ռազմական գործողություններից հետո մենք ունենք Ադրբեջանում գտնվող մարդկանց ցուցակ, անհետ կորածների ցուցակ էլ կա։ Եվ տվյալ դեպքում թվերը անընդհատ փոխվում են», - ավելացրել է նա։

Նրա խոսքով՝ Երևանը հույս ունի, որ Մոսկվան հետագայում էլ կնպաստի այդ հարցի կարգավորմանը։

«Մենք հույս ունենք, որ Ռուսաստանի Դաշնության հետ աշխատելիս մենք կկարողանանք հաջողության հասնել։ Ռուսական կողմը հավաստիացրել է, որ աջակցելու է այդ հարցի կարգավորմանը, և մենք հավատում ենք դրան։ Այդ հարցի ձգձգումը հետաձգում է Հայաստանի ու Ադրբեջանի միջև երկխոսության մեկնարկը», - ասել է Սինանյանը։

Հիշեցնենք, որ նոյեմբերի 9-ին՝ հրադադարի հաստատումից հետո, Հայաստան է վերադարձել 69 գերի։ Ադրբեջանում գտնվող հայ գերիների թվի վերաբերյալ պաշտոնական տվյալներ չկան։ Ոչ պաշտոնական տվյալներով՝ նրանց թիվը մոտ 300 է։

«Դըմփ–դըմփ–հու»–երով «փարթին» անարգանք է Արցախի, զոհերի ու գերիների նկատմամբ. Զոհրաբյան