Оглашение приговора по делу о похищении сына Е.Касперского

Նախագահի նախկին խորհրդական. հնարավոր է՝ այլ պաշտոնյաներ էլ ձերբակալվեն

603
(Թարմացված է 19:09 19.12.2015)
Գառնիկ Իսագուլյանը Sputnik Արմենիային մեկնաբանեց Հայաստանի պաշտպանության նախկին նախարար Վահան Շիրխանյանի ձերբակալությունը

ԵՐԵՎԱՆ, 19 դեկտեմբերի- Sputnik. Վարդանյանի հանցախմբի մասի քրեական գործի շրջանակում Վահան Շիրխանյանի ձերբակալությունը վերջինը չէ, հնարավոր են նաև նոր ձերբակալություններ, Sputnik Արմենիային ասաց «Ազգային անվտանգություն» կուսակցության նախագահ և ՀՀ նախագահի նախկին խորհրդական Գառնիկ Իսագուլյանը:

Ազգային անվտանգության ծառայությունը շաբաթ օրը հաղորդագրություն է տարածել այն մասին, որ Վահան Շիրխանյանը կասկածվում է Արթուր Վարդանյանի կողմից ստեղծված հանցավոր համագործակցությանը մասնակցելու, դրա օգտին գործելու, կոնկրետ հանձնառություն և դերակատարություն ունենալու մեջ:

«Զարմանալի չի լինի, եթե նոր ձերբակալություններ էլ լինեն, ընդ որում` ոչ հասարակ քաղաքացիների շարքից, գուցե նույնիսկ նախկին և ներկա պաշտոնյաներ լինեն»,- ասաց նա՝ պատասխանելով Sputnik-ի հարցին:

Իսագուլյանը նշեց, որ Շիրխանյանին ձերբակալելու մասին տեղեկությունն իր համար անակնկալ չէր, քանի որ առաջին անգամ չէ, որ պաշտպանության նախկին փոխնախարարը սկանդալային պատմությունների մեջ է հայտնվում:

«Պետք չէ շուտափույթ եզրակացություններ անել, տեսնենք, թե ինչ կասի ԱԱԾ-ն: Բայց մի բան կարելի է ստույգ ասել, որ Ազգային անվտանգության ծառայության աշխատակիցները հիանալի են աշխատել՝ կանխելով այն, ինչ կարող էր վատ հետևանքներ ունենալ Հայաստանի համար, առավել ևս Սիրիայի, Թուրքիայի և Իրանի շուրջ տեղի ունեցող գործընթացների ֆոնին»,- ասաց նա:

Իսագուլյանը նշեց, որ հանցախումբը լրջորեն նախապատրաստված է եղել, ուստի ԱԱԾ-ի դերն անգնահատելի է, քանի որ օպերատիվ և հստակ արձագանք է տվել Հայաստանի անվտանգության շահերի սպառնալիքներին:

 

603