Встреча президентов Армении и Азербайджана Сержа Саргсяна и Ильхама Алиева

Սկսվել է Հայաստանի և Ադրբեջանի նախագահների հանդիպումը

196
(Թարմացված է 13:40 19.12.2015)
Հանդիպման մեկնարկի արարողակարգային լուսանկարը Twitter-ի իր էջում տեղադրել է ՀՀ նախագահի մամուլի խոսնակ Վլադիմիր Հակոբյանը

ԵՐԵՎԱՆ, 19 դեկտեմբերի —Sputnik. Բեռնում մեկնարկել է Հայաստանի և Ադրբեջանի նախագահների հանդիպումը, որին մասնակցում են երկու երկրների ԱԳ նախարարները և ԵԱՀԿ Մինսկի խմբի համանախագահները:

Սա Սերժ Սարգսյանի ու Իլհամ Ալիևի այս տարվա առաջին հանդիպումն է։
Նախօրերին պաշտոնական Երևանը խստորեն դատապարտել էր Ադրբեջանի կողմից Ղարաբաղի հետ շփման գծում բազմաթիվ մարդկային զոհերի պատճառ դարձած իրավիճակի աննախադեպ սրումը:

ՀՀ ԱԳ նախարար Էդվարդ Նալբանդյանն ընդգծել էր, որ այս իրավիճակում հրամայական է դառնում լարվածության նվազեցմանն ուղղված հստակ քայլերը՝ եռանախագահների կողմից առաջարկվող՝ միջադեպերի հետաքննության մեխանիզմի ստեղծումը, ԵԱՀԿ գործող նախագահի անձնական ներկայացուցչի դիտորդական առաքելության ամրապնդումը, նրա դաշտային օգնականների թվի ավելացումը։

«Ակնկալում ենք, որ համանախագահ երկրները գործնական քայլեր կձեռնարկեն այս ուղղությամբ»,- ասել էր ՀՀ արտաքին գերատեսչության ղեկավարը։

 

196