Великая Отечественная война 1941-1945 годов

Պատերազմի դասերը. բելառուսական ճակատը Երևանում

21
Ռուս–բելառուսական ցուցահանդեսը նվիրված է Մեծ հաղթանակի 70–ամյակին

ԵՐԵՎԱՆ, 17 դեկտեմբերի – Sputnik. Հայաստանի պաշտպանության նախարարության ռազմական թանգարանում հինգշաբթի բացվել է Հայրենական մեծ պատերազմի ժամանակների արխիվային փաստաթղթերի և լուսանկարների ցուցահանդես։

Ցուցադրությունում հատուկ տեղ են գրավում Բելառուսի տարածքում մարտերի մասին վավերագրական նյութերը և լուսանկարները։


«Այս բացառիկ հարուստ ցուցահանդեսը հաղթանակի 70–ամյակի տոնակատարությունների շարքում անցնող տարվա վերջին միջոցառումներից է… Հաղթանակի զինվորի սխրանքը չպետք է մոռացվի, պետք է մնա մեր ժողովուրդների հիշողության մեջ»,– ասաց Հայաստանում Ռուսաստանի Դաշնության արտակարգ և լիազոր դեսպան Իվան Վոլինկինը։


Նրա բելառուս գործընկեր դեսպան Իգոր Նազարուկը, նշեց, որ հաղթանակը կերտվել է ողջ խորհրդային ժողովրդի անհավանական ջանքերի շնորհիվ թե՛ ռազմաճակատում, թե՛ թիկունքում, սակայն Բելառուսը հատկապես շատ է տուժել պատերազմի տարիներին։


«Ցուցահանդեսն ուղերձ է նրանց, ովքեր տարվում են վրեժխնդրության և ծայրահեղականության գաղափարներով, ովքեր իրենց սանձարձակ և գազանաբարո պահվածքով կորցնում են մարդկային դեմքը, ինչպես դա տեղի է ունենում Մերձավոր Արևելքում և մասնավորապես Սիրիայում»,– ասաց  նա։


Ռուսաստանի և Բելառուսի դեսպանատների մասնակցությամբ բացված ցուցահանդեսը կտևի մինչև 2016թ.–ի մայիս։

Հայաստանում ՌԴ դեսպանատունը այլ ռուսական կազմակերպությունների և ձեռնարկությունների հետ Հայաստանում անցկացրել է ավելի քան 70 տարբեր միջոցառում` նվիրված Մեծ հաղթանակի 70-ամյա հոբելյանին։

21