ԵՐԵՎԱՆ, 28 նոյեմբերի — Sputnik. Երևանի ժամանակակից արվեստի թանգարանում արտասովոր ցուցահանդես է բացվել` նվիրված Երևանի Կոմիտասի անվան պետական  կոնսերվատորիայի պրոֆեսոր, գրող, մանկավարժ, անխոնջ  հավաքածուատեր Յակով Զարգարյանի 90-ամյակին: Ցուցահանդեսին ներկայացված են արվեստի ասես բոլոր ժանրերը` գեղանկար, գրաֆիկա, քանդակ, ծաղրանկար, կիրառական արվեստ, ինչպես նաև գրքեր: Ինքը` Զարգարյանը, 10 գրքի հեղինակ է, այդ թվում «Իմ Մինասը», «Ինչպես գրող դառնալ» և այլն:

© Sputnik / Мария Авакян

Նմուշ Յակով Զարգարյանի հավաքածուից

Ցուցադրված է պատկերազարդ ձվերի հարուստ և բացառիկ ամբողջ հավաքածուն` շուրջ 400 ցուցանմուշ, որը Զարգարյանը հավաքել է տարիների ընթացքում: Բացի այդ, ցուցահանդեսում կարելի է տեսնել հոբելյարի 70 գրաֆիկական և լուսանկարչական դիմանկարները: Արդեն կես դարից ավելի նա հավաքում է հայտնի արվեստագետների արած ծաղրանկարները` հավաքածուն ներառում է աշխարհի 40 երկրից ավելի քան 900 հեղինակային աշխատանք: Այստեղ են նաև Դմիտրի Նալբանդյանի, Ալեքսանդր Բաժբեուկ-Մելիքյանի, Մինաս Ավետիսյանի, Ռաֆայել Ադալյանի, Հարություն Կալենցի, Գայանե Խաչատրյանի, Իլարիոն Գալիցինի և այլ հեղինակների աշխատանքները:

© Sputnik / Maria Avagyan

Յակով Զարգարյանի հավաքածուն

Ցուցադրության ամենաուշագրավ ցուցանմուշը զատկական ձուն է, որը նկարազարդել է Մարտիրոս Սարյանը 1963 թվականին:

«1963 թվականի Զատկի տոնն էր, հարևանի տղան վացեզ ինձ մոտ, որ ձու «կռվեցնենք»: Ձեռքին ձու կար, որի վրա կարմիր, սպիտակ, սև գույներով Մասիսն էր նկարված, ներկը դեռ չէր չորացել, մի քիչ լղոզվել էր, պատկերն ավելի հետաքրքիր էր դարձել: Այդ ժամանակ ինձ մոտ միտք ծագեց. իսկ ինչու՞ նկարիչները չնկարազարդեն ձվերը: Դրանից հետո գնացի փորագրողի արհեստանոց և երեք փայտե ձու պատվիրեցի: Տունդարձի ճանապարհին պատահաբար հանդիպեցի Մարտիրոս Սարյանին, ում հետ ծանոթ էի, և խնդրեցի նրան ձվի վրա որևէ բան նկարել: Նա նկարեց Արարատյան դաշտավայրի բնապատկեր: Այնքան հավանեցի, որ հաջորդ օրը պատվիրեցի ևս 30 փայտե ձու», — հիշում է Զարգարյանը:

ԵՐԵՎԱՆ, 3 մարտի - Sputnik. Արմավիրի փոխմարզպետ, պահեստազորի գեներալ–մայոր Ալեքսան Ալեքսանյանը հրաժարվում է պաշտոնից` միանալով Գլխավոր շտաբի` վարչապետ Նիկոլ Փաշինյանի հրաժարականի պահանջին։ Բաղրամյան պողոտայում ընթացող Հայրենիքի փրկության շարժման հանրահավաքի ժամանակ տեղեկությունը հայտնեց ՀՅԴ–ական Գեղամ Մանուկյանը` ընթերցելով Ալեքսանյանի հայտարարությունը։

© Photo : official site of the Supreme Judicial Council of RA

ԲԴԽ նախագահ Ռուբեն Վարդազարյանը հրաժարականի մտադրություն չունի

«Պետության առջև ծառացած մարտահրավերները հանրության համախբման, միասնական դաշտի ստեղծման խնդիր են առաջացրել։ Մինչդեռ երկրի իշխանությունը լծված է հանրությունը բաժանելու և պիտակավորելու գործին։ Որդեգրված այս ուղին անհարիր է մեր ազգին։ Ելնելով ստեղծված իրավիճակից` իմ անհամաձայնությունն եմ հայտնում տեղի ունեցողի վերաբերյալ և հրաժարվում եմ փոխմարզպետի պաշտոնից»,–նշված է Ալեքսանյանի հայտարարության մեջ։

Ալեքսանյանը, միաժամանակ, իր աջակցությունն է հայտնում արժանավոր բոլոր սպաներին և հատկապես իր զինակից ընկերոջը` Օնիկ Գասպարյանին։

Հիշեցնենք, որ մարտի 1-ին էլ հայտնի դարձավ, որ բանակի ստեղծման ակունքներում կանգնած գեներալ-մայոր Հենրիկ Մուրադյանը հեռանում է Գեղարքունիքի մարզպետի աշխարհազորի գծով տեղակալի պաշտոնից` միանալով ԶՈւ ԳՇ-ի հայտարարությանը։