СПУТНИК_Пассажирский автобус перевернулся под Тулой. Кадры с места ДТП

Հայերին տեղափոխող ավտոբուսի վթարի գլխավոր պատճառը

244
(Թարմացված է 11:24 18.11.2015)
Տուլայի դատախազ Ալեքսանդր Կոզլովը նշել է, որ Տուլայի մոտ տեղի ունեցած վթարի հիմնական պատճառը վարորդի անուշադրությունն է եղել

ԵՐԵՎԱՆ, 18 նոյեմբերի– Sputnik. Տուլայի տեղեկատվական գործակալությունը, հղում անելով մարզի դատախազ Ալեքսանդր Կոզլովին, հայտնում է, որ իրավապահ մարմինները Տուլայի մոտ տեղի ունեցած խոշոր ավտովթարի հիմնական պատճառ են դիտարկում վարորդի անուշադրության վարկածը։

«Հիմնական վարկածը վարորդի անուշադրությունն է։ Գործն այժմ Ռուսաստանի ՆԳՆ վարույթում է։ Մեր աշխատակիցներն իրենց աշխատանքը լավ են կատարել։ Այժմ վերլուծում ենք ծառայությունների միջև փոխգործակցության հարցը, որպեսզի հաջորդ անգամ նման իրավիճակի դեպքում բոլորն ավելի լավ աշխատեն։ Բոլոր ծառայությունների աշխատակիցները շատ արդյունավետ են գործել»,– նշել է Տուլայի  մարզի դատախազ Ալեքսանդր Կոզլովը «Тульские известия» հասարակական–քաղաքական թերթի խմբագրության հետ զրույցի ընթացքում։

Նրա խոսքով` վթարի պահին ավտոբուսի արագությունը կազմել է 117 կմ/ժ, այն դեպքում, որ այդ ճանապարհահատվածում թույլատրելի արագությունը 70 կմ/ժ է։ Տրանսպորտը զննման է ենթարկվել պատահարից մի քանի ժամ առաջ և անսարքություններ չի ունեցել, բայց ամեն դեպքում փորձաքննություն է նշանակվել։

Նոյեմբերի 3-ին Տուլայի մարզում, Մ4 մայրուղու վրա, խոշոր վթար էր տեղի ունեցել. Մոսկվայից Երևան եկող ավտոբուսում 60 մարդ է եղել, բոլորը` Հայաստանի քաղաքացիներ։ Վթարի հետևանքով մահացել է ինը մարդ, տուժել 46–ը, որոնցից 32–ը  հոսպիտալացվել է։
նք պատանդ էին վերցրել տասնյակ մարդկանց: Վերջին տվյալով՝ 129 մարդ է մահացել:

244