ДТП под Тулой. Пассажирский автобус, следовавший рейсом Москва-Ереван, перевернулся близ города Узловая

Վթարից տուժածների առողջական վիճակը ՌԴ առողջապահության նախարարի ուշադրության ներքո է

133
Երկուշաբթի լույս երեքշաբթի գիշերը տեղի ունեցած ՃՏՊ–ի հետևանքով տուժել է 48 մարդ։ 10 տուժածների վիճակը գնահատվում է ծանր, 20–ինը` միջին ծանրության, մյուսների առողջական վիճակը կայուն է

ԵՐԵՎԱՆ, 3 նոյեմբերի– Sputnik. Տուլայում տեղի ունեցած ավտովթարի հետևանքով տուժածների առողջական վիճակը գտնվում է Ռուսաստանի Դաշնության առողջապահության նախարար Վերոնիկա Սկվորցովայի ուշադրության ներքո է, հայտնում է Հայաստանի առողջապահության նախարարության մամուլի ծառայությունը։
Հայաստանի ՏԿԱԻՆ–ը նոյեմբերի 3–ին հաղորդագրություն է ստացել այն մասին, որ Տուլայի մարզի Ուզլովայա քաղաքի մոտակայքում կողաշրջվել է «Մոսկվա–Երևան» ուղևորատար ավտոբուսը։

Հայաստանի առողջապահության նախարար Արմեն Մուրադյանին մշտապես տեղյակ են պահում տուժածների առողջական վիճակի մասին։

ՀՀ առողջապահության նախարար Արմեն Մուրադյանի հետ հեռախոսազրույցում ՌԴ առողջապահության նախարար Վերոնիկա Սկվորցովան նշել է, որ Մոսկվայից Երևան ուղևորափոխադրում կատարող ավտոբուսի վթարից տուժածների բուժումը և առողջական վիճակի հսկողությունն իր անմիջական ուշադրության ներքո է:

32 տուժածներին բժշկական օգնություն է ցուցաբերվում երեք ռուսական բուժհաստատություններում։

«Հայաստանի մասնագետները մշտական կապի մեջ են ռուս գործընկերների հետ»,– ասվում է հաղորդագրությունում։

Երկուշաբթի լույս երեքշաբթի գիշերը տեղի ունեցած ՃՏՊ–ի հետևանքով տուժել է 48 մարդ, այդ թվում` 17 տարեկան 1 երեխա: Տուժածներից 10-ի վիճակը գնահատվում է ծանր, 20-ի վիճակը` միջին ծանրության, մյուսների` այդ թվում` 17 տարեկան երեխայի վիճակը բավարար է։

ՃՏՊ–ի հետևանքով կյանքի հետ անհամատեղելի վնասվածքներից մահացել է 8 մարդ, որից 5-ը` տեղում, 1-ը` շտապօգնության մեքենայում, 2-ը` շրջանային հիվանդանոցի վերակենդանացման բաժանմունքում։

133